Википедија:Викисредба (28 мај 2012)

Корисниците на Википедија, Википедијанците, понекогаш одлучуваат да се соберат заедно во вистинскиот живот, да се видат и да помуабет меѓусебно. Ова е прилика за дружење, разговор на најразлични теми, запознавање со своите „колеги“ и размена на искуства и знаења.

Се повикуваат сите корисници и соработници на Википедија да учествуваат во подготовката на следната вики-средба.

Повеќе информации за средбата и организација на истата може да добиете со испраќање на е-порака на адреса vikipedijalists.softver.org.mk, по што навремено ќе добиете одговор.

---

Викисредби

2024 LI 2023 L 2022 XLIX 2020 XLVIII 2019 XLVII 2018 XLVI 2017 XLV 2014 XLIII  • XLIV 2013 XXXVIII  • XXXIX  • XL  • XLI  • XLII 2012 XXV  • XXVI  • XXVII  • XXVIII  • XXIX  • XXX  • XXXI  • XXXII  • XXXIII  • XXXIV  • XXXV • XXXV • XXXV  • XXXVI  • XXXVII 2011 XXI  • XXII • XXII  • XXIII  • XXIV  • XXV 2010 XVI  • XVII  • XVIII  • XIX  • XX 2009 IV  • V  • VI  • VII  • VIII  • IX  • X  • XI  • XII  • XIII  • XIV • XIV  • XV 2008 III • III 2007 II 2006 I

Следната редовна вики средба ќе се одржи на 28 мај 2012 година со почеток во 19:00 во EveryDay, Скопје (помош). Поканети се сите заинтересирани за присуство на средбата.

Предлог дневен ред

Врз основа на неодамнешните случувања, дневниот ред е соодветно прилагоден и ги содржи следните точки:

1. Борба против вандализмот.
2. ВикиПроект „Одржување“.
3. ВикиНагради и годишно натпреварување.
4. Училишни и факултетски проекти.
5. Википедија на друштвените мрежи.
6. Разно.

Ова е само предлог дневен ред, па доколку некој смета дека нешто е испуштено и треба да се додаде, слободно може да го предложи во делот за дискусија во продолжение од оваа страница.

Присуството го потврдија

1.  --Kiril Simeonovski (разговор) 04:20, 26 мај 2012 (CEST)

Не можат да дојдат

• Јас, за жал, не сум во Скопје. --Brainmachine (разговор) 15:34, 26 мај 2012 (CEST)

Присутни

Вики средбата започна со мало задоцнување на предвиденото место. Присутни беа следните википедијанци:

1. FlavrSavr (разговор • придонеси)
2. Kiril Simeonovski (разговор • придонеси)
3. Brest (разговор • придонеси)

Извештај од средбата

Иако бев само јас пријавен за присуство на средбата, со Цобе и Димче се согласивме по телефон дека средбата ќе биде одржана. Со Цобе се сретнавме во Every Day неколку минути по 19 часот. Започнавме во опуштена атмосфера со разговор во врска со образованието во Македонија и можностите за напредок во кариерата, како и за работните места достапни за младите. Не се водевме според предложениот дневен ред, па во врска со Википедија започнавме со спорот во врска со статијата за Љубомир Цуцуловски, за што заклучивме дека е многу незгодно да се расправа за содржина во статија за жива личност и дека е неопходно секоја постапка да се спроведе со особена претпазливост. Разговаравме и за овогодинешната конференција на Викимедија во Берлин, како и нешто во врска со Викимедија Германија, Фондацијата и вработените во неа.

Некаде по еден час, кратко по 20 часот, ни се придружи и Димче, со кого продолживме малку посериозно. Најпрво, и нему му споменав за спорот од страницата за разговор со статијата Љубомир Цуцуловски, а ставот на Димче беше дека можеби би било подобро самата личност да се вклучи во дискусијата и да ги изнесе своите ставови. Понатаму, продолживме да зборуваме за НСНД во Охрид, што ќе се одржи на 9 и 10 јуни, а започнавме да правиме и планови за можноста Викимедија Македонија да овозможи присуство и на некои Википедијанци на настанот. Јас и Цобе сме заинтересирани, а идејата е да се пријават заинтересираните и понатаму да се одлучи на кој начин ќе се патува до Охрид. Повторно се спомена можната соработка и обезбедувањето на фотографии од музејот во Велес, како и за можна соработка со институции во Прилеп и обезбедувањето на книги во дигитален облик под некоја од лиценците за слободна документација. Се разбира, потѕребно е да се состанеме со вработените во овие институции и да се договориме во врска со идната соработка. Се зборуаше и за нашето учество како огранок во Асоцијацијата на ограноци на Викимедија, како и за некои други административни работи кои е потребно да бидат завршени. Во продолжение, поразговаравме и за здравството во Македонија и организацијата на здравествениот систем во споредба со некои други држави. Средбата заврши неколку минути по 22 часот, кога тројцата станавме и си заминавме.--Kiril Simeonovski (разговор) 01:38, 30 мај 2012 (CEST)

Следна вики-средба

За време на средбата се разговараше за понудата од страна на КИКА да го прифатиме вторник како ден во којто ќе ги користиме нивните простории. Ова би можело да доведе до зачестено одржување на Вики-средбите, но сепак сè уште не е ништо разјаснето. Според тоа, следната Вики-средба би требало да се одржи во последниот понеделник од месец јуни.--Kiril Simeonovski (разговор) 01:38, 30 мај 2012 (CEST)

---