Е3 Саксо Банк Класик
Е3 Саксо Банк Класик (во минатото позната како Е3 БинкБенк Класик, Е3 Харелбеке, Харелбеке-Антверпен-Харелбеке и Е3-Прејс Вландерен) — годишна велосипедска трка во Фландрија, Белгија. Трката започнува и завршува во Харелбеке на околу 210 километри. Настанот е организиран од велосипедскиот клуб Ханд од Харелбеке и е влезен во календарот на Светската турнеја.
 | |
| За трката | |
|---|---|
| Датум | средина на март |
| Регион | Фландрија, Белгија |
| Месно име | E3 Harelbeke (холандски) |
| Дисциплина | Друмски велосипедизам |
| Натпреварување | Европска турнеја на UCI (2005–2011) Светска турнеја на UCI (2012–) |
| Вид | Еднодневна трка |
| Организатор | Ханд ин Ханд |
| Директор на трката | Филип Вермерен |
| Историја | |
| Прво одржување | 1958 |
| Одржувања | 65 (до 2023) |
| Прв победник |  Арман Дезме (БЕЛ) |
| Најмногу победи | Том Бонен (БЕЛ) (5 победи) |
| Неодамнешен победник | Ваут ван Ерт (БЕЛ) |
Е3 се одржува во средината на мартр и го обележува почетокот на „Фландриската велосипедска недела“ (Vlaamse Wielerweek), која продолжува со Брабант Пејл во неделата и етапната трка Три дена Де Пане во средината на неделата пред да се одржи класикот Трка околу Фландрија следната недела. До 2011, трката била одржувана во сабота; кога трката станал дел од Светската турнеја во 2012, трката била преместена во петок, за да им се даде ден одмор помеѓу трката Е3 и трката Гент-Вевелгем, која се одржува во недела.[1]
Историја
уредиПрвиот Е3 БинкБенк Класик се одржал во 1958, иако имало слични настани во областа од 1955. Во почетокот, настанот бил Харелбеке-Анверс-Харелбеке. Исто така бил познат како ГП Е3 БинкБенк Класик. Трката го добила нејзиното име од автопатот Е3 (сега А14), изграден во средина на шеесеттите години. Од 54. издание во 2011, зборот „Награда“ (Prijs) бил отстранет од името и велосипедската трка сега е позната како Е3 БинкБенк Класик.
Тек
уредиКласикот Е3 е подготовка за Трката околу Фландрија. Рутата е пократка, но многу од ридовите се возат. Условите, исто така, можат да се споредат, како калдрмата, ветерот и искачувањето десетици ридови. Трката прави голем круг околу Источна Фландрија, вклучувајќи 12 ридови. Некои возачи, дури ја претпочитаат оваа трка од тактичната, но попрестижната Трка околу Фландрија.
Трката започнува од Гроте Маркт во Харелбеке и патува на исток, првите 110 километри низ низини, но на калдрма околу Ауденарде и Зотегем. Возачите ја достигнуваат најисточната точка кај Нинове по 85 километри и свртува кон запад и минува низ Герадсберген и Бракел, тешкиот дел започнува со последователно кратки, но остри ридови, некои од нив со калдрма, како најголеми јамки на трката помеѓу Ронсе и Ауденарде.
Дванаесетте ридови по ред се Ла Хуп, Берг Стене, Боањеберг, Ајкенберг, Статионсберг, Тајенберг, Ауде Крујкенс, Капелберг, Патерсберг, Ауде Кваремон, Кноктеберг и Тигемберг. Патерсберг е искачување од 500 метри со калдрма со просечен наклон од 12,5%, додека Ауде Кваремон е 1.500 метри со калдрма од неговите 2.200 метри, иако нејзиниот просечен наклон е 4,2 %. Тигемберг е 16 километри од крајот.
Рекорди
уредиБелгискиот велосипедист Том Бонен го држи рекордот за најмногу победи на трката со пет победи, постигнувајќи ги во 2004, 2005, 2006, 2007 и 2012. Рик ван Лој ја освоил трката четири пати во 1964, 1965, 1966 и 1969, а Холанѓанецот Јан Рас зел три последователни победи помеѓу 1979 и 1981, откако завршил втор во 1978. Андреј Чмил, Јохан Музеув и Фабијан Канчелара ја имаат освоено трката по двапати. Најбрзата трка била во 2003, кога Холанѓанецот Стивен де Јонг ја освоил со 45,9 км/ч.
Минати победници
уреди
Повеќекратни победници
уреди| Победи | Возач | Изданија |
|---|---|---|
| 5 | Том Бонен (БЕЛ) |
2004, 2005, 2006, 2007, 2012 |
| 4 | Рик ван Лој (БЕЛ) |
1964, 1965, 1966, 1969 |
| 3 |  Јан Рас (ХОЛ) |
1979, 1980, 1981 |
 Фабијан Канчелара (ШВА) |
2010, 2011, 2013 | |
| 2 | Еди Планкерт (БЕЛ) |
1987, 1989 |
| Јохан Музеув (БЕЛ) |
1992, 1998 | |
| Андреј Чмил (БЕЛ) |
1994, 2001 | |
| Ваут ван Ерт (БЕЛ) |
2022, 2023 |
Победи по земја
уреди| Победи | Држава |
|---|---|
| 41 |  Белгија
|
| 6 |  Холандија
|
| 4 |  Италија
|
| 3 |  Швајцарија
|
| 2 |  Германија,  Данска
|
| 1 |  Австралија,  Обединето Кралство,  Молдавија,  Норвешка,  Полска,  Русија,  Словачка,  Чешка
|
Наводи
уреди- ↑ „E3 Harelbeke eerste Vlaamse Worldtourwedstrijd volgend seizoen op vrijdag 23 maart“ (холандски). Nieuwsblad. 15 јуни 2011. Посетено на 31 јули 2011.
Надворешни врски
уреди| „Е3 Саксо Банк Класик“ на Ризницата ? |