Отвори го главното мени

Рибница

село во Општина Маврово и Ростуша

Рибница е село во Општина Маврово-Ростуше.

Рибница
Ribnica-MK.JPG

Поглед на селото Рибница

Рибница is located in Македонија
Рибница
Местоположба на Рибница во Македонија
Координати 41°43′13″N 20°36′34″E / 41.72028° СГШ; 20.60944° ИГД / 41.72028; 20.60944Координати: 41°43′13″N 20°36′34″E / 41.72028° СГШ; 20.60944° ИГД / 41.72028; 20.60944
Општина Општина Маврово-Ростуше
Население 5 жит.
(поп. 2002)
Надм. вис. 1040 м
Рибница на општинската карта
Рибница во Општина Маврово и Ростуша.svg

Атарот на Рибница во рамките на општината
Поглед на селото Рибница
Поглед на селата Рибница и Тануше во подножјето на врвовите и планинскиот превој Корабска Врата

Содржина

Географиja и местоположбаУреди

Селото Рибница се наоѓа во високиот западен дел на територијата на Општина Маврово-Ростуше во горното сливно подрачје на реката Радика[1], во пределот на етнографската област Горна Река. Сместено е на стрмна падина со јужен наклон, на планината Кораб, веднаш под врвот Рибничка Скала, од десната страна на Рибничка Река. Рибница е планинско село, расположено на надморска височина од 1110 метри[2]. Местоположбата на селото е дополнително се определува на левата страна на Танушка Река, сместено на една тераса од шкрилци, под која има стрмни варовнички отсеци кон реката кои продолжуваат над селото[3]. Опкружено е со густа букова и борова шума, а исто така и со брези, дабови и ореови дрвја, јаболкници и дренки. Атарот на селото зафаќа површина од 27,1 km², на кои преовладуваат шумите со 1010 хектари и пасиштата со 893 хектари, а во сосема мал обем е застапено обработливото земјиште со 21 хектар[4]. Во селото постојат изворите: Рединец, Михавец и Извор[3].

ИсториjaУреди

Македонскиот просветител Јордан Хаџи-Константинов - Џинот во својот напис „Статистическо описание на Дебрска река“ објавен во „Цариградски весник“ на 1 јануари 1859 година за селото Рибница запишал дека имало две улици со 70 куќи, христијани и муслимани[5]. На почетокот на ХХ век, во периодот околу 1912 година, селото имало православна црква и се делело на 6 маала: Касма, Халире, Ковач, Будала, Штутка и Џамија[3]. За време на воениот конфликт во Македонија, на 16 јуни 2001 во реонот на селото Рибница на падините на Кораб се појавила мала група на албански терористи која веднаш уште истиот ден била разбиена од единиците на 2 Армиски Корпус на АРМ и протерана во Албанија[6].

Потекло и значење на иметоУреди

Името на селото Рибница потекнува од македонскиот јазик и има значење на место со многу риба, односно река каде што има риби или река богата со риби[7]. Настанало од хидронимската придавка Рибна (=река) + додавката -ица или од именкатаРибник и додавката -ица[7]. Во овој облик името на селото се користело и од околното албанско население, кое во поново време се обидува да го видоизмени изговарајќи и употребувајќи го името Римница (Rimnicё).

СтопанствоУреди

Според составот на атарот на селото Рибница, тоа има исклучително сточарско-шумарска функција[8]. Најзастапена гранка од сточарството е одгледувањето на овци, чии бројни стада летуваат и се напасуваат во неколкуте бачила и пасишта близу и во околината селото. Во голема мерка е застапено и шумарството, односно сечата на дрва за огрев, поради застапеноста на квалитетен дрвен материјал како што е буката, а дел од од него се користи и за изработка на мебел и потреби на градежништвото.

НаселениеУреди

Според пописот од 2002 година, во селото живееле 5 жители, Албанци. Во денешно време, селото е речиси раселено со повремени жители во текот на летниот период кои се бават со сточарство.

Во 1961 година селото Рибница броело 216 жители, од кои 25 Македонци, 172 Албанци и 10 Турци, додека во 1994 година бројот на жители опаднал на 60, сите од албанска националност[9].

Според последниот попис на населението на Македонија од 2002 година, селото има 5 жители. Следува табела на националната структура на населението[10]

Националност Вкупно
Македонци 0
Турци 0
Роми 0
Албанци 5
Власи 0
Срби 0
Бошњаци 0
Други 0

РодовиУреди

Според записите на Томо Смилјаниќ - Брадина од 1912 година, во селото Рибница населението било староседелско од христијанска и муслиманска вероисповед[3]. Македонски и албански родови биле: Ковачевци, Будаловци, Касами, Халири, Штутка.

ИселеништвоУреди

На почетокот на XIX век голем број на родови од селото Рибница се иселиле во селото Гургурница на Сува Гора.

Надворешни врскиУреди

НаводиУреди

  1. Панов Митко. „Енциклопедија на селата во Република Македонија“. Патрија, Скопје, 1998. стр.259
  2. Панов Митко. „Енциклопедија на селата во Република Македонија“. Патрија, Скопје, 1998. стр.259
  3. 3,0 3,1 3,2 3,3 Смиљаниќ-Брадина, Томо (1920) (на српски). „Мијаци, Горна Река и Мавровско Поље“. Насеља и порекло становништво, кн.20, Београд. стр. 116. 
  4. Панов Митко. „Енциклопедија на селата во Република Македонија“. Патрија, Скопје, 1998. стр.259
  5. Хаџи Константинов, Јордан - Џинот. Избрани страници - приредил Блаже Конески - Скопје, Мисла, 1987 год. стр.88
  6. Петровски, Панде (2006).Сведоштва „2001“. Битола: Киро Дандаро. стр. 97
  7. 7,0 7,1 Иванова, Олга (2014) (на македонски). Речник на имињата на населените места во Р.Македонија. Институт за македонски јазик „Крсте Мисирков“. стр. 147. 
  8. Панов Митко. „Енциклопедија на селата во Република Македонија“. Патрија, Скопје, 1998. стр.259
  9. Панов Митко. „Енциклопедија на селата во Република Македонија“. Патрија, Скопје, 1998. стр.259
  10. http://www.stat.gov.mk/publikacii/knigaX.pdf Попис во Македонија 2002. - Книга 10.