Зимски олимписки игри 1998


XVIII Зимски олимписки игри - Нагано 1998
Град домаќин	Нагано, Јапонија
Број на држави	72
Број на спортисти	2176 (1389 мажи и 787 жени)
Број на спортови	7
Број на натпревари	72
Отворање	{{{Отворање}}}
Затворање	22 февруари 1998
Стадион

XVIII Зимски олимписки игри се одржаа од 7 до 22 февруари 1998 година во Нагано, Јапонија. Градот бил избран за домаќин на игрите, во конкуренција на Хака, Аоста, Естерсунд и Солт Лејк Сити.

Во натпреварувачката програма бил воведен турнир во хокеј на мраз за жени. Спортовите карлинг и скијање на даска, исто така станале дел од натпреварувачката програма. За првпат на хокеарскиот турнир им бил дозволен настап на професионалци од НХЛ, што овозможило0 да се подигне квалитетот и интересот за хокеарскиот турнир.

Избор на град-домаќин

Одлуката за доделувањето на организацијата на игрите била донесена на 15 јуни 1991 на 97. седница на МОК, која се одржала во Бирмингем, Обединето Кралство. Во конкуренција, покрај Нагано биле и Солт Лејк Сити, Естерзунд, Јака и Аоста. Нагано освоил 4 гласови повеќе од Солт Лејк Сити во последниот круг од гласањето. Официјалните претставници од Јапонија изјавиле дека т.н. „фактор Атланта“ им овозможил да добијат организацијата на игрите. Имено, организацијата на Летните олимписки игри 1996 му била доделан на градот Атланта во САД.

Резултати од гласањето за избор на град-домаќин на Зимските олимписки игри 1998^[1]
Град	Земја	Прв круг	Втор круг	Трет круг	Четврти круг	Петти круг
Нагано	Јапонија	21	-	30	36	46
Солт Лејк Сити	САД	15	59	27	29	42
Естерзунд	Шведска	18	-	25	23	-
Јака	Шпанија	19	-	5	-	-
Аоста	Италија	15	29	-	-	-

Краток преглед

Во скијачко трчање, Бјорн Дели од Норвешка освоил три златни медали. Со овој успех и успесите од претходните Зимски олимписки игри, тој станал првиот спортист, кој на Зимските олимписки игри успеал да освои 8 златни медали од вкупно осовоени 12 медали.
Тара Липински со само 15 години станала најлладиот спортист на Зимските олимписки игри кој освоил злато во поединечна конкуренција. Таа победила во уметничко лизгање.
Во алпско скијање, Австриецот Херман Маер, по тешкиот пад во спсут, успеал да освои златни медали во супервелеслалом и велеслалом.
Лизгачите Џани Роме и Маријан Тимер од Холандија освоиле по две златни медали во брзо лизгање. Дури 5 од вкупно 10 медали во тој спорт им припаднале на натпреварувачите од Холандија.
Во скијање на даска, Рос Ребаглијати освоил злато, откако најпрвин бил дисквалификуван поради конзумирање марихуана.
На хокеарскиот турнир во машка конкуренција се очекувала борба за златото меѓу репрезентациите на Канада и САД, но златото го освоила репрезентацијата на Чешка, која во финалето ја победила репрезентацијата на Русија, а бронзениот медал го освоиле хокеарите на Финска. Канадските хокеари биле четврти, а американските оствариле само една победа на турнирот.
Данска го освоила првиот медал на Зимските олимписки игри, со заземањето на второто место на турнирот во карлинг.

Спортови

На игрите имало 72 натпреварувачки дисциплини во 7 спортови.

Земји-учеснички

*сино = земји кои за првпат учествуваат
*зелено = земји кои учествувале и претходно * жолта точка - место на одржување на игрите

На игрит учествувале 2176 спортисти од 72 земји. За првпат на Зимските олимписки игри учествувале спортисти од Азербејџан, Венецуела, Кенија, Македонија и Уругвај.

Освојувачи на медали

Медали од игрите

Место	Земја	Злато	Сребро	Бронза	Вкупно
1	Германија	12	9	8	29
2	Норвешка	10	10	5	25
3	Русија	9	6	3	18
4	Канада	6	5	4	15
5	САД	6	3	4	13
6	Холандија	5	4	2	11
7	Јапонија	5	1	4	10
8	Австрија	3	5	9	17
9	Република Кореја	3	1	2	6
10	Италија	2	6	2	10

Поврзано

Наводи

↑ „The International Olympic Committee Vote History“. Архивирано од изворникот на 2008-05-25. Посетено на 2010-02-12.

Надворшни врски

Нагано 1998, МОК

[1] „The International Olympic Committee Vote History“. Архивирано од изворникот на 2008-05-25. Посетено на 2010-02-12.

[1]