Ефтим Богоев

Ефтим Богоев (роден на 2 ноември 1980 во Струмица) — македонски поранешен кошаркар и репрезентативец. Тој играл на позицијата бек и поголемиот дел од својата играчка кариера настапувал во Првата македонска кошаркарска лига.[1] Тој моментално е кошаркарски ментор во Соединетите Држави.

Ефтим Богоев
Богоев со МЗТ во 2013 г.
Богоев со МЗТ во 2013 г.
Прекар(и)Тимба
ПозицијаБек
Висина1,85 м
Тежина80 кг
Роден2 ноември 1980 (1980-11-02) (39 г.)
СтрумицаСР МакедонијаСФРЈ
НационалностМакедонец
Проф. кариера1997–2017
Клубови
1997-2002Неметали Огражден
2002-2004Поло Трејд
2004-2005КАО Драма
2005-2006Ретимно Кретан
2006-2008Струмица 2005
2008-2009АМАК СП
2009Сутјеска Фоча
2009-2010Фени Индустри
2010Овче Поле
2011-2012Работнички
2012Струмица
2013МЗТ Аеродром
2013-2014Фени Индустри
2014-2015Кожув
2015-2017Струмица
Репрезентација
Инфо од: 09 февруари 2018.

ИсторијаУреди

Клубска кариераУреди

Својата кариера ја започнал во струмички Неметали Огражден во 1997 година каде играл сè до 2002 година. Потоа се преместил во Поло Трејд кога во сезоната 2002/03 станал вицепрвак со клубот. Својата меѓународна кариера ја започнал во 2004 година во грчка КАО Драма, играјќи една сезона, а сезоната 2005/06 исто така играл во Грција, но во екипата на Ретимно Кретан. Потоа Богоев се вратил во Струмица 2005 каде бил капитен на екипата сезоните 2006/07 и 2007/08. Со Струмица 2005 ја освоил Лигата во 2007, додека во Купот 2007 биле вицепрваци. Со Струмица 2005 го освоил и Суперкупот 2007. Во 2008 година бил вицепрвак во Лигата и Купот. По распаѓањето на Струмица 2005, Ефтим потпишал за охридски АМАК СП,[2] кога со клубот со освоил Купот 2009. За следната сезона потпишал за Сутјеска Фоча од Босна и Херцеговина. Таму останал кратко и веќе во ноември 2009 година, тој потпишал со Фени Индустри,[3] освојувајќи ја двојната круна. Барајќи нов клуб, кога претходно бил слободен агент, во декември 2010 година Богоев потпишал за Овче Поле од Свети Николе.[4] Таму останал месец дена и во јануари 2011 година, Богоев потпишал со Работнички притоа освојувајќи го Купот 2011 и подоцна Суперкупот.[5] За сезоната 2011/12, тој ја продолжил соработката со Работнички.[6] Сезоната 2012/13 ја започнал во новосоздадениот клуб Струмица.[7] Во Струмица играл сè до декември, кога во јануари 2013 година се префрлил во МЗТ Аеродром,[8] и по вторпат ја освоил двојната круна. Во сезоната 2013/14, Богоев повторно играл за Фени Индустри и бил капитен на екипата.[9] Следната сезона настапувал за гевгелиски Кожув.[10][11] За сезоната 2015/16, Богоев го напуштил Кожув и повторно потпишал за Струмица.[12][13] Богоев ја продолжил соработката со Струмица и за следната сезона.[14]

Репрезентативна кариераУреди

Тој го освоил 10то место на европската гимназијада во Израел. Ефтим Богоев бил репрезентативец на Македонија во квалификациите за Евробаскетот 2007 и Евробаскетот 2009.

Останата кариераУреди

По пензионирањето од активно играње професионална кошарка, Богоев веднаш се преселил во Атланта, Соединетите Држави во летото 2017 година. Тој таму се вработил во кошаркарската развојна организација „TSF“ (The Skill Factory) по препорака на кошаркарот Џеремаја Босвел кој претходно играл во Македонија.[15]

УспесиУреди

ТитулиУреди

  Струмица 2005Уреди

  AМАК СПУреди

  Фени ИндустриУреди

  РаботничкиУреди

  МЗТ АеродромУреди

ПризнанијаУреди

  • Втора најдобра петорка на сезоната 2006/07[16]
  • Втора најдобра петорка на сезоната 2007/08[17]
  • Најдобра одбранбена петорка на сезоната 2007/08[17]
  • МВП на финалето во Купот на Македонија - издание 2009[18]
  • МВП на финалето во Купот на Македонија - издание 2010[19]

НаводиУреди

  1. Свесен сум за своите квалитети http://vecer.mk 20 април 2009
  2. „Богоев и Совковски на листата на Амак СП“. Кошаркарска Федерација на Македонија преку web.archive.org. 30 јуни 2008. Посетено на 29 јануари 2018.
  3. „Eftim Bogoev sighs with KK Feni Industries“. balkanleague.net. 20 ноември 2009. Посетено на 8 септември 2016.
  4. „Богоев до крајот на сезоната во Овче Поле“. vest.mk. 3 декември 2010. Посетено на 8 септември 2016.
  5. „Богоев потпиша за Работнички, а бара ангажман во Шпанија“. vest.mk. 17 јануари 2011. Посетено на 8 септември 2016.
  6. „Богоев останува во Работнички“. ekipa.mk. 4 октомври 2011. Посетено на 8 септември 2016.
  7. „Богоев и Караколев во Струмица“. ekipa.mk. 6 август 2012. Посетено на 8 септември 2016.
  8. „Богоев го засили МЗТ“. kajgana.com. 18 јануари 2013. Посетено на 8 септември 2016.
  9. „Богоев нов капитен на Фени“. kavadar4e.com. 17 септември 2013. Посетено на 8 септември 2016.
  10. „Ефтим Богоев е нов играч на Кожув“. tip.com.mk. 20 јуни 2014. Посетено на 8 септември 2016.
  11. „Ефтим Богоев потпиша за Кожув“. ekipa.mk. 21 јуни 2014. Посетено на 8 септември 2016.
  12. „Богоев и Голубовиќ во Струмица, се тестират и двајца Срби“. ekipa.mk. 21 септември 2015. Посетено на 24 септември 2015.
  13. „Богоев се врати во редовите на Струмица!“. sport365.mk. 22 септември 2015. Посетено на 24 септември 2015.
  14. „Струмица се засили со тројца странци, цел е опстанок во Првата лига“. gol.mk. 16 септември 2016. Посетено на 17 септември 2016.
  15. „Ефтим Богоев го живее американскиот сон: Во животот никогаш не знаете кој може да ви биде потребен, или да ви се најде при рака!“. Кошаркарска Федерација на Македонија преку web.archive.org. 13 март 2020. Посетено на 13 март 2020.
  16. „Eurobasket.com All-Macedonian League Awards 2006-07“. eurobasket.com. Посетено на 15 ноември 2017.
  17. 17,0 17,1 „Eurobasket.com All-Macedonian League Awards 2007-08“. eurobasket.com. Посетено на 15 ноември 2017.
  18. МВП на турнирот Ефтим Богоев ohridnews.com 15 март 2009
  19. МВП за инает на противничките тренери novamakedonija.com.mk 29 март 2010

Надворешни врскиУреди