Владимир Брчков

Владимир Брчков (роден на 29 декември 1989 во Бузалково, Велешко) — македонски кошаркар и поранешен репрезентативец кој настапува за Борец Баскет.

Владимир Брчков
ПозицијаКрилен центар
Висина2,00 м
Тежина102 кг
ЛигаВтора Лига Мажи - Исток
ЕкипаБорец Баскет
Број15
Роден29 декември 1989 (1989-12-29) (30 г.)
Бузалково, Велес, СР Македонија, СФРЈ
НационалностМакедонец
Средно училиштеКочо Рацин
Проф. кариера2005–
Клубови
2005-2007Ангели Леов
2007-2008Работнички
2008-2009Торус
2009-2013Фени Индустри
2013-2014Работнички
2014-2016Кожув
2016-2017Струмица
2017-2018Тирана
2019Борец Баскет
Репрезентација
Инфо од: 31.12.2019.

Професионална кариераУреди

Својата професионална кариера ја започнал во 2005 година во кошаркарскиот клуб Ангели од Велес, кој тогаш се натпреварувал во Втората македонска кошаркарска лига. Сезоната сезона 2006/07, продолжил во истиот клуб, овој пат под името Ангели Леов. Брчков со екипата поради добриот пласман во Втората лига, добил право да учествува во т.н. „Прва Б лига“, односно да се натпреварува против екипите од долниот дел на табелата од Првата лига за пласман во најсилната лига за следната сезона. Притоа Владимир Брчков во 2007 година го добил признанието „Најдобар кошаркар младинец за 2006 година“ од страна на Општината Велес.[1] За сезоната 2007/08, Брчков потпишал за прволигашот Фершпед Работнички.[2] За сезоната 2008/09, настапувал во Торус, задржувајќи се една сезона.[3] Следната сезона потпишал за Фени Индустри. Таа сезона, заедно со Фени ја освоил двојната круна во Македонија и повторно стигнувајќи до полуфиналето во БИБЛ. Сезоната 2010/11 исто така била успешна за него, кога повторно со Фени ја освоил Лигата и за првпат станал освојувач на Балканската лига. За сезоната 2011/12, со Фени Индустри бил вицепрвак во Лигата и Купот на Македонија, губејќи двапати од МЗТ Аеродром. Сезоната 2012/13, со Фени стигнал полуфиналето во Лигата и до четвртфиналето во Купот. За следната сезона повторно потпишал за Работнички,[4][5] со кој стигнал до финалето во Првенството, притоа повредувајќи го рамото за време на финалните пресметки со МЗТ Аеродром.[6] За сезоната 2014/2015, се преселил во Кожув,[7][8][9] стигнувајќи до финалето на Купот на Македонија и до полуфиналето на Балканската лига.[10][11] За сезоната 2015/16, тој ја продолжил соработката со Кожув.[12][13] За сезоната 2016/17, Брчков се преместил во редовите на КК Струмица.[14][15] Во септември 2017, Брчков се преселил во албанска КК Тирана.[16] Со Тирана Брчков го освоил Купот на Албанија 2018.[17] Подоцна го освоил и албанското Првенство.[18] Во декември 2019 година, по пауза од година и пол неиграње активна кошарка, Брчков потпишал за Борец Баскет.[19]

Репрезентативна кариераУреди

Брчков во 2005 година бил составот на кошаркарката селекција до 16 години. Настапувал и за репрезентација до 20 години, односно учествувал на Европското првенство 2008 - Б Дивизија во Романија и на Европското првенство 2009 - Б Дивизија во Скопје. Тој учествувал на Европското првенство 2013 во Словенија, кога Репрезентацијата го освоила 21. место.[20][21] Квалификациите за Евробаскетот 2015 започнале со помладена репрезентација во која учествувал и Брчков,[22] воедно обезбедувајќи пласман за континенталното првенство.[23][24] За време на завршниот турнир 2015 во Загреб - Хрватска, Брчков одиграл три напревари каде имал мала минутажа од вкупно осум минути и немал постигнато поени.[25]

УспесиУреди

ТитулиУреди

  Фени ИндустриУреди

  ТиранаУреди

  • Суперлига на Албанија (1) : 2017/18
  • Куп на Албанија (1) : 2018

ПризнанијаУреди

  • Најдобар кошаркар младинец од Велес за 2006 година[1]
  • Eurobasket.com - особен придонес во сезоната (2014г.)
  • Eurobasket.com - особен придонес во сезоната (2015г.)
  • Особен придонес во сезоната 2015/16[26]

НаводиУреди

  1. 1,0 1,1 Спортист на годината 2006 veles.gov.mk 22 јануари 2007
  2. „Во "Градски парк" поради Докузовски“. vest.com.mk. 21 септември 2007. Посетено на 20 септември 2016.
  3. „Торус-Овче Поле - сезона 2008/2009“ (PDF). Кошаркарска Федерација на Македонија. Посетено на 17 јануари 2018.
  4. Репрезентативецот Брчков нов играч на Работнички republika.mk 2 септември 2013
  5. Брчков нов член на Работнички kurir.mk 2 септември 2013
  6. Тешка повреда на репрезентативецот Владимир Брчков republika.mk 30 мај 2014
  7. КОЖУВ ГО АНГАЖИРАШЕ ВЛАДИМИР БРЧКОВ ОД РАБОТНИЧКИ tip.com.mk/ 22 август 2014
  8. Брчков го засилува Кожув ekipa.mk/ 22 август 2014
  9. Брчков нов играч на Кожув a1on.mk/ 22 август 2014
  10. Кожув без финале во БИБЛ лига vecer.mk 8 април 2015
  11. Во Кожув едногласни: И самото полуфинале е значаен успех ekipa.mk 9 април 2015
  12. Брчков останува во Кожув ekipa.mk 20 август 2015
  13. Брчков и наредната сезона во Кожув sport365.mk 21 август 2015
  14. „Струмица денеска потпишува со Зивчевиќ и со Брчков“. ekipa.mk. 21 ноември 2016. Посетено на 23 ноември 2016.
  15. „Брчков и Зивчевиќ нови кошаркари на Струмица“. sport365.mk. 22 ноември 2016. Посетено на 23 ноември 2016.
  16. „Брчков се договори со шампионот на Албанија, ќе дебитира против Блокотехна“. sportmedia.mk. 29 септември 2017. Посетено на 15 октомври 2017.
  17. „Брчков триумфално со Тирана во албанскиот Куп“. basketball.mk. 3 февруари 2018. Посетено на 4 февруари 2018.
  18. „Superliga - season 2017-2018“. eurobasket.com. Посетено на 4 август 2018.
  19. „Список на одобрени играчи и службени лица - КК Борец Баскет - Велес“ (PDF). Кошаркарска Федерација на Македонија преку web.archive.org. 16 декември 2019. Посетено на 31 декември 2019.
  20. Пипан го објави списокот: Во полн состав ќе атакуваме на ЕП во Словенија hitportal.com.mk 2 септември 2013
  21. Кошаркарите заминаа за Словенија sitel.com.mk 2 септември 2013
  22. Македонија вечерва против Белгија на стартот од квалификациите за ЕП vistina.mk 10 август 2014
  23. Џикиќ: Момците можат повеќе, а не го знаат тоа derbi.mk 27 август 2014
  24. Македонска кошаркарска репрезентација обезбеди пласман на Евробаскет 2015! supersport.com.mk 27 август 2014
  25. Accumulated Stats eurobasket2015.org
  26. „Eurobasket.com All-Macedonian League Awards 2016“. eurobasket.com. 28 мај 2016. Посетено на 4 август 2018.

Надворешни врскиУреди