Бузалково
Бузалково — село во северозападниот дел на Општина Велес под јужната падина на ридот Гроот, во сливното подрачје на реката Тополка.
| Бузалково | |
  Бузалково Местоположба на Бузалково во Македонија
Бузалково на карта
| |
| Координати 41°44′22″N 21°40′19″E / 41.73944° СГШ; 21.67194° ИГД | |
| Регион |  Вардарски
|
| Општина | Велес |
| Население | 1.614 жит. (поп. 2021)[1]
|
| Шифра на КО | 29006 |
|
Бузалково на општинската карта  Атарот на Бузалково во рамките на општината | |
 Бузалково на Ризницата
| |
Географија и местоположба
уредиСелото спаѓа во категоријата на ридски села со надморска височина од 500 метри. Од градот Велес селото е оддалечено 12 км.
Историја
уредиСтопанство
уредиВо селото има повеќе продавници - колонијали.
Население
уреди
|
| |||||||||||||||||||||||||||||||||
Според германска карта издадена во 1941 година, а заснована на пописот на Кралство Југославија во 1931 година, селото имало 200 Албанци и 50 Македонци.[2]
Од демографски аспект е интересно што во 1961 година селото имало 605 жители од кои 522 Турци и 24 Албанци. Но, со иселувањето на Турците во Турција, денес Бузалково има 1.273 жители од кои 1.248 се Албанци и 22 Турци.
Според последниот попис од 2021 година, во селото живееле 1.614 жители, од кои 1 Македонец, 1.566 Албанци, 2 Бошњаци и 45 лица без податоци.[3]
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | — | — | 368 | 438 | 605 | 504 | 945 | 1.241 | 1.273 | 1.456 | 1.614 |
- Извор за 1900 г.: Македонија. Етнографија и статистика.[4]; за 1905 г.: La Macédoine et sa Population Chrétienne.[5]; за 1948-2002 г.: Државен завод за статистика на РМ.[6]; за 2021 г.: Државен завод за статистика на РМ.[7]
Родови
уредиСпоред истражувањата во 1929 година, родови во селото се:
Муслимани (Албанци)
- Доселеници: Јата (5 к.) најстар род во селото, доселени се од селото Дејковец во скопско, живеат во Долно Маало. Основачот на родот бил Хасан; Стрезимир или Стрезимировци (6 к.) доселени се од селото Горно Јаболчиште. Таму се доселиле од селото Стрезимир во Горна Река; Џине (2 к.) доселени се од селото Тисовица во скопско, таму имаат роднини; Љуше (1 к.) доселени се од селото Дејковец; Теш или Тешовци доселени се од Дејковец; Мере; Цене (3 к.) доселени се од селото Дејковец; Лонгур (1 к.) по потекло се од селото Врбјани во Горна Река. Од таму се населиле во Горно Јаболчиште, па потоа прешле во Бузалково. Во Врбјани имале роднини; Пел (1 к.) доселени се од селото Добрино во скопско; Шкурталар (1 к.) доселени се од селото Гумалево; Џоке (1 к.) доселени се од селото Рамни Габер кај Скопје. Подалечно потекло од Ѓаковица во Косово; Хуталар (1 к.) доселени се од селото Вражале во скопско.
Православни (Македонци)
- Доселеници: Маневи (1 к.) доселени се од селото Рлевци; Маневи (1 к.) и они се доселени од селото Рлевци; Караџовци (1 к.) потекнуваат од Еленоводица, па од таму се населиле во Рлевци, и на крај во ова село; Митушеви (1 к.) доселени се во 1916 година од Дреново; Стефанови (1 к.) доселени се од селото Белештевица; Трајкови (1 к.) доселени се од Ораов Дол.[8]
Општествени установи
уредиВо Бузалково се наоѓа амбуланта, осумгодишно основно училиште, пошта.
Самоуправа и политика
уредиИзбирачко место
уредиВо селото постојат избирачките места бр. 2201 и 2201/1 според Државната изборна комисија, сместени во просториите на основното училиште.[9]
На претседателските избори во 2019 година, на овие изборни место биле запишани вкупно 1.219 гласачи.[10]
Културни и природни знаменитости
уредиСпоменик во чест на НОБ бил изграден во селото.
Редовни настани
уредиЛичности
уредиКошаркарскиот репрезентативец Владимир Брчков, моментално играч на КК Кожув, е роден во ова село. Тој основното училиште го завршил во своето родно село, а гимназија во градот Велес.
Иселеништво
уредиНаводи
уреди- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ „200K Volkstumskarte Jugoslawien“.
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ . Филиповиќ, Миленко (1935). Северна велешка села (српски). 33. Белград: Етнографски музеј. Отсутно или празно
|title=(help)CS1-одржување: друго (link) - ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
Надворешни врски
уреди | Оваа статија за место во Македонија е никулец. Можете да помогнете со тоа што ќе ја проширите. |