Википедија

Јорди Класи

Јорди Класи (роден на 27 јуни 1991 година во Харлем) — холандски фудбалер, играч од средниот ред на Аз Алкмар и на холандската репрезентација.

Јорди Класи
Лични податоци
Роден на 27 јуни 1991(1991-06-27) (33 г.)
Роден во Харлем, Холандија
Држава Холандија Холандија
Висина &100000000000001690000001,69 м
Позиција среден ред
Клупски податоци
Сегашен клуб Аз Алкмар Аз Алкмар
Број 20
Младинска кариера
ХВВ ДСК
ХФЦ ЕДО
Фејенорд Фејенорд
Кариера*
Години Клуб Наст. (Гол.)
2010-2015 Фејенорд Фејенорд 98 (6)
2010-2011 →Екселсиор Екселсиор 32 (2)
2015-2019 Саутхемптон Саутхемптон 38 (1)
2017-2018 →Клуб Бриж Клуб Бриж 20 (0)
2018-2019 →Фејенорд Фејенорд 33 (1)
2019- Аз Алкмар Аз Алкмар 18 (0)
Репрезентација ‡
2008-2009 Холандија Холандија 18 3 (0)
2009-2010 Холандија Холандија 19 12 (0)
2010-2013 Холандија Холандија 21 12 (1)
2012- Холандија Холандија 17 (0)
* Ажурирано на: 6 јануари 2011
** Ажурирано на: 17 ноември 2010

Технички одлики

уреди

Дефанзивен играч за врска со одлична техника. Неговите квалитети се дриблингот и прецизните додавања, поради што е наречен "Холандскиот Чави".[1]

Кариера

уреди

Рани години

уреди

Класи почнал да игра фудбал во неговиот роден град Харлем. Својот прв фудбалски повик го добил од поранешниот репрезентативец на Холандија Вилем ван Ханегем, пријател на неговиот татко Џејмс. Класи бил забележан неколкупати од страна на Ханегем како играл фудбал на плоштадите во Харлем, што било доволно за солиден тренер како него да го воочи потенцијалот кој го има Класи. По препорака на ван Ханегем, Класи почнал професионално да игра фудбал во младинските категории на ХВВ ДСК од Харлем. Подоцна го напуштил клубот и заминал во ХФЦ ЕДО, клуб кој исто така доаѓа од Харлем, но има нешто побогата историја. За време на еден турнир во 2000 година, на кои Класи се натпреварувал со екипата на Едо неговиот талент и потенцијал бил откриен од страна на екипата на Фејенорд.[2] Набргу потоа Класи заминал на проби во Фејенорд, а кога тие биле пред самиот крај, во Битката за 11-годишниот играч од средниот ред интерес покажал и Ајакс. На прашањето за Ајакс, Класи го изјавил следното :

„ Одеднаш Ајакс, исто така, испрати понуда. Клубот исто така, сакаше да ме има. Во однос на растојанието би можело да ми биде многу полесно. Згора на тоа, Ајакс имаат име. Многу играчи овде станале ѕвезди, а потоа направиле трансфер во странски клуб. Ајакс изгледаше логично, но мене не ми се чинеше така. Од првиот момент кога влегов, знаев дека Фејенорд е мојот клуб. “

Фејенорд

уреди

Младинска кариера

уреди
 
Јорди Класи во дресот на Фејенорд во 2012.

Класи го избрал Фејенорд и пристигнал таму во приклучувајќи му се на еден од младинските тимови. Тој одел секој ден на тренинг поминувајќи голем пат во правец север-југ и обратно од Харлем до Јужен Ротердам, носен од страна на неговиот татко, кој ставил се настрана, за целта на неговиот син да биде професионален фудбалер, да се постигне. Јорди исто како и неговиот татко е многу приврзан за семејството. Неговиот брат, а особено неговиот татко значел се за него, и тој дури сето тоа го ставил на своето тело преку тетоважата на десната рака на која пишува "You mean everything my daddy"[3] Во младинските денови Класи имал и тешки моменти, но тој секогаш замислувал дека ако истрае во ова за на крајот тој да заигра на Де Коип.[4] Најтешките моменти Класи ги доживеал кога се нашол под остра критика на тогашниот тренер на младинците на Фејенорд Хенк ван Сте, кој бил многу критичен кон него. Тој го повикал, и меѓу другите совети кој му ги дал го советувал дури и да замине во друг клуб. На крајот од таа сезона, ван Сте се преселил во Шахтар Донецк за да раководи со младите таму. Неговата замена, Стенли Брард, за разлика од неговиот претходник имал доверба во Класи.[5]

На крајот Класи имал блескави моменти додека настапувал за Б-јуниорите, каде што дошол во тим, со исто така многу талентирани играчи меѓу кој биле Лирој Фер, Лук Кастаињос, Стефан де Врај, Ервин Мулдер и Рики ван Харен. Ван Харен му бил добар другар на Класи, а тој играл многу важна улога во младинските категории на Фејенорд. Во сезоната 2008-2009 сезона Фејенорд бил шампион на Холандија и во Б1 и во А1 конкуренцијата. Класи играл за двете екипи и дури бил и капитен. Тоа се случило поради тоа што многу момци од младинскате екипа ги направиле првите чекори во првиот тим на Фејенорд со оглед на финансиската состојба на клубот. Затоа тој бил примен да учествува и во двете првенства.[6][7]

Заемот во Екселсиор

уреди

Пред почетокот на сезоната 2010-2011, Класи бил позајмен на грдскиот соперник Екселсиор. Тој го направил своето професионално деби на 15 август 2010 година, за време на натпреварот против неговиот матичен тим Фејенорд. Класи одиграл 75 минути како стартер, а натпревар го добил Екселсиор со 3-2. Една недела подоцна го постигнал својот прв гол во професионален фудбалски натпревар против НЕК од Најмеген. Сезоната ја завршил со 32 настапи во кој постигнал два гола. По завршувањето на сезоната се вратил во Фејенорд.

Пробивот по првиот тим на Фејенорд

уреди

По враќањето во Фејенорд тој тренирал со првиот тим, а за првата сезона го добил дресот со број 16. Исто така бил повикан за подготвителните натпревари на клубот. На 31 јули 2011 година, тој го започнал пријателскиот натпревар на Фејенорд против Малага, што завршил со резултат 2-0 за шпанскиот тим. Интересно е тоа што дебито за Фејенорд, Класи го направил против својот поранешен клуб Екселсиор, во победата со 2-0 на 5 август 2011. Својот прв гол за Фејенорд го постигнал против Гронинген на 4 март 2012, а истиот се покажал и одлучувачки за победата со 1-0. Класи одиграл добра прва сезона за Фејенорд во која пропуштил само еден првенствен натпревар. Како награда за неговата добра игра ја освоил сребрената копачка. Наградата му ја врачил неговиот пријател и поранешниот репрезентативец Вилем ван Ханегем.[8]

Клучен играч и капитен на тимот
уреди

Во следната сезона 2012-2013 Класи претставува движечка сила на Фејенорд. Тоа се одразува во промената на неговиот број на дресот, од 16. на бројот 6, а исто така тој бил и заменик капитен на Стефан Де Врај во клубот. Но, поради повреда де Врај пропуштил еден дел од сезоната, во кој Класи ја носел капитенската лента. Добрите игри кој ги прикажал играчот од средниот ред будат заинтересираност за него од странски клубови како што се италијанските: Милан, Рома и Јувентус. Претходно, веќе имало интерес и од Тотенхем Хотспар.[9] Агентот на Класи, Весел Везенбер, рекол за неговиот клиент дека "нема причина за заминување". Како и да е, тој никогаш не разговарал за трансфер со Класи.[10]

На 13 мај 2013 година, Класи го продолжил неговиот договор до 2016 година. Со тоа станал еден од играчите кој ќе заработуваат најмногу од Фејенорд.[11]

Во 2012-2013 сезона одиграл на крајот 37 натпревари за Фејенорд, од кој 33 лигашки натпревари. Класи постигнал два гола во сезоната; еднаш против Рода и еднаш против АЗ Алкмар. Тој, исто така во текот на оваа сезона дебитирал во холандскиот тим и бил во составот на репрезентацијата под 21 година на европското првенство за играчи под 21 година играно во Израел.

Следната сезона тој станал капитен на Фејенорд на трајна основа и со 1 гол и 8 асистенции го предводел својот тим до второто место во Ередивиси.

Репрезентативна кариера

уреди

Во ноември 2010 година, два месеци по неговото деби за Екселсиор, тој добил повик во репрезентацијата под 21 година. Својот прв и единствен погодок во оваа селекција го постигнал против Луксембург во победа со 5-0 на гости.

По завршувањето на својата втора сезона со Фејенорд, Класи бил повикан за настап на европското првенство за играчи под 21 година-2013 во Израел. Тој одиграл два натпревари во групната фаза; против Русија влегувајќи од клупата на местото на Кевин Стротман (5-1 победа), а против Шпанија го одиграл целиот натпревар (пораз 3-0). Холандија се пласирала во полуфиналето каде биле елиминирани од Италија со 1-0, но Класи останал неискористена замена во тој натпревар.

Своето деби за сениорската репрезентација го направил на 7 септември 2012, кога бил заменет во 50-тата минута од Лирој Фер во квалификацискиот натпревар за светското првенство во Бразил против Турција што завршил со победа на Холандија 2-0. Во мај 2014, се нашол на списокот од 23 играчи на селекторот Луј ван Гал за Светското првентво 2014 во Бразил.

Хронологија на настапи и голови за репрезентација

уреди
Хронологија на настапи и постигнати голови за националната селекција ― Холандија
Дата Град Домашни Резултат Гости Натпреварување Голови Инфо Детали
07-09-2012 Амстердам Холандија   2 – 0   Турција Квал. за СП 2014 -   50'
11-09-2012 Будимпешта Унгарија   1 – 4   Холандија Квал. за СП 2014 -   6'
06-02-2013 Амстердам Холандија   1 – 1   Италија Пријателска -   46'
22-03-2013 Амстердам Холандија   3 – 0   Естонија Квал. за СП 2014 -   86'
26-03-2013 Амстердам Холандија   4 – 0   Романија Квал. за СП 2014 -   80'
15-10-2013 Истанбул Турција   0 – 2   Холандија Квал. за СП 2014 -
05-03-2014 Сен Дени Франција   2 – 0   Холандија Пријателска -
17-05-2014 Амстердам Холандија   1 – 1   Еквадор Пријателска -   46'
Вкупно Настапи 8 Голови 0

Клупска статистика

уреди

Статистиката е ажурирана на 26 мај 2014.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2010-2011   Екселсиор Е 32 2 КНВБ 2 0 - 0 0 - 0 0 34 2
2011-2012   Фејенорд Е 33 3 КНВБ 3 0 - 0 0 - 0 0 36 3
2012-2013 Е 33 2 КНВБ 2 0 ЛШ+ЛЕ 2+2 0+0 - 0 0 39 2
2013-2014 Е 32 1 КНВБ 3 0 ЛЕ 2 0 - 0 0 37 1
Вкупно Фејенорд 98 6 8 0 6 0 0 0 112 6
Вкупно во кариерата 130 8 10 0 6 0 0 0 148 8

Титули

уреди

  Клуб Бриж

уреди
2017-2018.

  Фејенорд

уреди
2018.

Наводи

уреди
  1. ↑ „The 'Dutch Xavi' Jordy Clasie – from 'physically too weak' to Euro 2012 candidate within six months“. Goal.Com. 12 February 2011. Посетено на 31 July 2012.
  2. ↑ Zo werd Jordy Clasie prof, Voetbal.nl
  3. ↑ Vader Clasie betekent alles voor Jordy Архивирано на 5 август 2012 г., 11apen.nl
  4. ↑ Clasie: 'Mijn vader, broer en ik zijn trots' Архивирано на 27 февруари 2015 г., Feyenoordnet.nl
  5. ↑ Volledig interview Clasie, NOS.nl
  6. ↑ B1 Landskampioen 2008/2009, Youtube.com
  7. ↑ A1 Landskampioen 2008/2009, Youtube.com
  8. ↑ Clasie winnaar van de Zilveren Schoen Архивирано на 5 ноември 2012 г., Eredivisielive.nl
  9. ↑ Interesse uit Serie A voor Clasie, Goal.com
  10. ↑ Zaakwaarnemer Clasie: 'Geen reden voor een vertrek' Архивирано на 27 февруари 2015 г., FR12.nl
  11. ↑ Clasie verlengt contract bij Feyenoord, NU.nl

Надворешни врски

уреди
Преземено од „https://mk.wikipedia.org/w/index.php?title=Јорди_Класи&oldid=5065109“