Присовјани — село во Општина Струга, во областа Малесија, во околината на градот Струга.

Присовјани
Присовјани is located in Македонија
Присовјани
Местоположба на Присовјани во Македонија
Координати 41°19′50″N 20°41′3″E / 41.33056° N; 20.68417° E / 41.33056; 20.68417Координати: 41°19′50″N 20°41′3″E / 41.33056° N; 20.68417° E / 41.33056; 20.68417
Регион Малесија
Општина Струга
Население 11 жит.
(поп. 2002)
Надм. вис. 1053 м
Присовјани на општинската карта
Присовјани во Општина Струга.svg

Атарот на Присовјани во рамките на општината
Commons-logo.svg Присовјани на Ризницата

Географиja и местоположбаУреди

Селото се наоѓа во областа Малесија, во западните падини на планината Караорман. Оддалечено е 23 километри северно од Струга.

Поедини места во атарот на селото ги носат следните имиња. Распаѓе, Гола, Краста, Фурка, Рамни Камен, Горни Ливаѓе, Рамна Ливада, и др.[1]

Соседни села на Присовјани се. Мислодежда и Брчево од југ. Глобочица од исток, Црвена Вода и Песочани од запад, Збажди од север.

ИсториjaУреди

Во XIX век селото е дел од Охридската каза во Отоманското Царство.

СтопанствоУреди

ДемографијаУреди

Според статистиката на Васил К'нчов („Македониja, Етнографиja и статистика“) од 1900 година, во Присовјани живееле 800 жители, сите Македонци.[2]

Според секретарот на бугарската егзархија Димитар Мишев, („La Macédoine et sa Population Chrétienne“) во 1905 година во Присовјани имало 480 Македонци, егзархисти.[3]

Според последниот попис на населението на Македонија од 2002 година, селото има 11 жители, сите Македонци.[4]

На табелата е прикажан бројот на населението во сите пописни години:[5]

Година 1900 1905 1948 1953 1961 1971 1981 1991 1994 2002
Население 480[2] 480[3] 382 350 288 222 33 19 13 11

РодовиУреди

Присовјани е чисто македонско село.

Според истражувањата во периодот од 1948 до 1950 година, родови во селото биле:

  • Доселеници: Грковци (39 к.) се делат на Треновци, Трајковци, Спасевци, Марковци, Мојсовци, Неловци, Кузмановци, Вељановци, Таневци, Ристовци, Петковци и Симоновци. Потекнуваат од предокот Никола кој се доселил од некое место во Тракија. Во старото место бил заробен од турски бег и донесен овде. Овде се оженил со некоја девојка од Дримкол, или од селото Елевци и така го основал родот. Времето кога е доселен основачот на родот е во XVIII век; Шуминовци (22 к.) се делат на Петковци, Котевци, Лечовци, Ќитовци, Иловци, Трпчевци и Милошовци. Потекнуваат од предокот Митре кој бил исто така заробен од турски бег и донесен во селото. Тој бил однекаде од Шумадија во Србија. Овде се оженил со девојка од селото Тучепи во Голо Брдо и така го основал родот; Петревци (2 к.), Чукевци или Стрезовци (1 к.) и Митревци (1 к.) за ови три рода присовјанци велат дека се посебни родови. Митревци се доселени од сега раселеното село Славила кај Селци. А другите два рода се со непознато потекло.[1]


ГалеријаУреди

Галерија од фотографии на Присовјани

Општествени установиУреди

Галерија на фотографии од црквата Свети Никола во Присовјани, Малесија. 

 

 
Црквата Свети Никола во село Присовјани, Малесија.

Самоуправа и политикаУреди

Културни и природни знаменитостиУреди

Археолошки наоѓалишта[6]

Редовни настаниУреди

ЛичностиУреди

Родени

Култура и спортУреди

ИселеништвоУреди

Од родовите се знае за следните иселеници до 1950-тите.

  • Од Грковци се иселени во: Софија (четири семејства од 1895 година), Австрија (четири семејства од 1906 година), Унгарија (две семејства од 1908 година), Чешка (две семејства од 1908 година), Грко Поле (од 1918 година, таму познати како Малесорци или Ристовци), Охрид (осум семејства од периодот помеѓу 1920 и 1923 година), Белград (две семејства од 1921 година), Скопје (две семејства од 1923 година), Пожаревац (едно семејство од 1933 година), Збажди (на имот на роднина од 1946 година) и во Битола (едно семејство од 1946 година).
  • Савевци (биле посебен род) се иселиле во: Јабука (едно семејство од 1946 година, двајца браќа).
  • Петревци се иселени во: Струга (едно семејство од 1946 година).
  • Чукевци се иселени во: Нови Сад (две семејства од 1936 година).
  • Шуминовци се иселени во: Белград (две семејства од 1880 година), Нови Сад (едно семејство од 1890 година), Германија (три семејства од пред 1903 година, во Лајпциг и Ерфурт), Софија (три семејства од после 1903 година), и во Мороишта (од 1925 и 1948 година, познати како Трпчевци).

Вељановци се иселиле во Безово во Дебарски Дримкол. Во Присовјани припаѓале на родот Грковци.[1]

Денес селото е пред целосно изумирање. Иселувањата продолжиле и после 1950та година. Воглавно во блиските градови Охрид и Струга.

НаводиУреди

  1. 1,0 1,1 1,2 Русиќ, Бранислав (1953). Малесија. Годишен зборник на Филозофскиот факултет на универзитетот во Скопје. Историско-филолошки оддел. кн. 6.
  2. 2,0 2,1 Васил К’нчов. „Македонија. Етнографија и статистика“. Софија, 1900, стр. 253.
  3. 3,0 3,1 D.M.Brancoff. "La Macédoine et sa Population Chrétienne". Paris, 1905, рр. 162-163.
  4. Попис на населението, домаќинствата и становите во Република Македонија, 2002 - Книга X
  5. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат. Државен завод за статистика.
  6. Коцо, Димче (1996). Археолошка карта на Република Македонија. стр. 397, Скопје: МАНУ. ISBN 9789989101069

Надворешни врскиУреди