Малесија

Не поистоветувајте ја со азиската држава Малезија.

Малесија (изворно: Закамен)— ридско-планински предел во Западна Македонија, карактеристичен по својата историја, етнологија и култура.

Географија

Областа Малесија е сместена на планината Караорман. Го опфаќа целиот слив на Збашка Река (или Голема Река), десна притока на Црн Дрим. На исток се граничи со Дебрца, на северозапад со Дебарска Жупа, на запад со Дебарски Дримкол, а на југ со Струшко Поле. Релјефот е ридски и планински. Климата е планинска.

Населени места

Во оваа област влегуваат селата: Присовјани, Збажди, Р'жаново, Локов, Селци и Буринец.

Демографија

Население во минатото

Година	Нас.	±%
1948	1.760	—
1953	1.792	+1.8%
1961	1.002	−44.1%
1971	316	−68.5%
1981	76	−75.9%

Година	Нас.	±%
1991	39	−48.7%
1994	32	−17.9%
2002	21	−34.4%
2021	20	−4.8%

Извор: Податоците од 1948-2002 се според официјалните пописи^[1]

Бројот на населението во Малесија некогаш достигнувал и до 1.000 жители. Според последниот попис од 2021 година, селата Р'жаново и Локов се раселени, а во Присовјани, Буринец, Селци и Збажди живеат само 20 жители.^[2] Жителите од Малесија мигрирале најчесто во Струга, Охрид и Скопје. Голем дел од жителите од прилепското село Ново Лагово потекнуваат од доселеници од Малесија. Освен во Македонија еден дел од населението е колонизирано во Јабука, Србија. Од овој регион потекнуваат и дел од мештаните на село Козичино, Кичевско. Маалото во кое тие живеат се нарекува Малезовци. Инаку во легендите се зборува за некој Стојко Малезан кој живеел пред 4-5 века кој бегајќи од турските војски поради убиство на турски големец се населил во ова планинско село кое се наоѓа на 22 километри од Кичево.

Следува табела на движењето на бројот на населението низ сите пописни години:^[3]


Населено место	1900	1905	1948	1953	1961	1971	1981	1991	1994	2002	2021
Буринец	—	—	152	148	38	0	2	0	0	0	1
Збажди	550	640	463	505	449	92	41	16	15	10	10
Локов	320	320	191	223	61	0	0	4	0	0	0
Присовјани	480	480	382	350	288	222	33	19	13	11	3
Р'жаново	360	360	296	314	128	0	0	0	0	0	0
Селци	1.050	1.144	276	252	38	2	0	0	4	0	6
ВКУПНО	2.760	2.944	1.760	1.792	1.002	316	76	39	32	21	20

Малесија како мотив во уметноста

„Малесија“ - песна на македонскиот поет Наум Целакоски.^[4]

Поврзано

Народни носии од Малесија

Наводи

↑ „Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година)“. Државен завод за статистика.
↑ „Државен завод за статистика - активност: Пописна слика на населените места во Северна Македонија, Попис 2021“. www.stat.gov.mk. Посетено на 2023-01-15.
↑ „Население по возраст и по пол, по населени места, според пописите спроведени во Република Македонија по Втората светска војна“. PX-Web. Посетено на 2023-01-15.^{[мртва врска]}
↑ Наум Целакоски, Пролог, 1998, стр. 35.

Оваа статија за место во Македонија е никулец. Можете да помогнете со тоа што ќе ја проширите.

[popisi-1] „Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година)“. Државен завод за статистика.

[2] „Државен завод за статистика - активност: Пописна слика на населените места во Северна Македонија, Попис 2021“. www.stat.gov.mk. Посетено на 2023-01-15.

[3] „Население по возраст и по пол, по населени места, според пописите спроведени во Република Македонија по Втората светска војна“. PX-Web. Посетено на 2023-01-15.^{[мртва врска]}

[4] Наум Целакоски, Пролог, 1998, стр. 35.

[1]

[2]

[3]

[4]