Цената на градот (филм)

„Цената на градот“ — македонски филм од 1970 година. Го режирал Љубиша Георгиевски, а сценариото го напишал Симон Дракул.

„Цената на градот“
Режисер	Љубиша Георгиевски
Сценарист	Симон Дракул
Главни улоги	Ацо Јовановски Ацо Стефановски Драги Костовски Петар Стојковски-Бабец
Жанр	воен
Музика	Кирил Македонски
Кинематографија	Бранко Михајловски
Монтажа	Вангел Чамчев-Лаки
Дистрибутер	Вардар филм
Премиера	1970
Времетраење	79 мин.
Земја	Македонија
Јазик	македонски

Содржина

При крајот на Втората светска војна едно гратче во Македонија е под германска окупација. Во овие последни денови на окупацијата, жителите ослободуваат руски и италијански војници. Германскиот командант бара од граѓаните да ги предадат ослободените заробеници, заканувајќи се дека во спротивно ќе го минира градот. Но, љубовта што командантот ја чувствува за гимназијалката Елена го попречува во извршувањето на злосторството. Како откуп за градот ја бара девојката. Таткото на Елена, свештеник, се жртвува себеси и ќерка си, и ги венчава. Партизаните влегуваат во градот и во германскиот штаб ги убиваат штотуку венчаните, во моментот кога на лицето на Елена за првпат се забележува симпатија кон германскиот командант.

Улоги

Глумец	Улога
Ацо Јовановски	Најдо
Ацо Стефановски	Професорот
Драги Костовски	Рихтeр
Драгомир Фелба	Поп Климе
Јурие Дарие	Комaндaнт Ото Хорст
Петар Стојковски	Ханс
Силвија Бадеску	Елена

Останати улоги  ▼

Глумец	Улога
Дарко Дамевски
Димче Стефановски	Заложник 1
Јосиф Јосифовски	Кнајпер
Јон Исаја	Заложник 2
Кирил Ќортошев	Заложник 3
Љубиша Трајковски	Џовани
Вукан Диневски	Иван
Предраг Дишљенковиќ	Заложник 4
Нада Гешоска	Старица 1
Мара Исаја	Старица 2

Надворешни врски

• Цената на градот на Семрежната филмска база на податоци (англиски)
• Цената на градот на семрежното место на Кинотека на Македонија