Кајмак (филм)
Кајмак — македонски филм снимен во 2021 година во режија и сценарио на Милчо Манчевски. Главните улоги ги играат: Александар Микиќ, Симона Спировска, Ана Стојановска, Ратка Радмановиќ, Камка Тоциновски, Филип Трајковиќ, Сара Климоска, Благоја Чоревски, Петар Мирчевски и Лазе Манасковски.[1] Филмот ја имал својата премиера за време на Токискиот кинофестивал одржан на 26 октомври 2022 година во Јапонија.
| „Кајмак“ | |
|---|---|
 Плакатот на филмот | |
| Режисер | Милчо Манчевски |
| Продуцент | Милчо Манчевски |
| Сценарист | Милчо Манчевски |
| Главни улоги | Александар Микиќ Камка Тоциновски Симона Спировска Ана Стојановска Петар Мирчевски Ратка Радмановиќ Благоја Чоревски Филип Трајковиќ Сара Климоска Лазе Манасковски Дејан Лилиќ Соња Михајлова Ѓорѓи Јолевски |
| Дистрибутер | МТВ |
| Премиера | 26 октомври 2022 Токио |
| Земја |  Македонија |
| Јазик | македонски |
Заднина и издавање
уредиРаботата на филмот „Кајмак“ траела неколку години, а издавањето на филмот било најавено во 2021 година. „Кајмак“ ја доживеал својата светска премиера на Токискиот фестивал, каде што бил добро примен од страна на јапонската публика. По прикажувањето на филмот, Манчевски одржал предавање кое исто така било добро прифатено. Наредната премиера филмот ја доживеал во Тајван, каде што бил прикажан на кинофестивaлот „Златен коњ“ во Тајпеј. И во таа држава, Манчевски заедно со глумечката екипа имале контакт со публиката во кои раскажувале за работата зад филмот. Третата премиера на филмот се одржала на 16 ноември во Македонската филхармонија. Освен тоа, филмот бил прикажан и низ речиси 30 града низ Македонија, односно на сите оние места каде што има техничка можност за прикажување.[2]
Содржина
уредиЖанровски, филмот „Кајмак“ припаѓа на категоријата црна комедија, иако според некои критичари е тешко да се смести во кој било жанр.[3] Според самиот Манчевски, филмот може да се стави во категоријата „љубовен филм за возрасни“. Филмот го прикажува животот на две современи македонски семејства.[2]
Производство
уредиКако директор на фотографија служел Улрик Боел Бенцен од Данска, а за монтажата бил задолжен Емил Нунинга од Холандија. Музиката во филмот е на „Дејниш стринг квартет“ и на Игор Василев-Новоградска.[3]
Критички прием
уредиПриемот на филмот „Кајмак“ при неговото издавање бил главно добар. Во рецензија за весникот Слободен печат, новинарката Миланка Рашиќ вели дека филмот е „сценаристички силен и издржан филм, со вдахновена режија на Манчевски и многу посветено внимание на детали“. Таа исто така го пофалила талентот на глумечката екипа и за крај го обопштила филмот на следниот начин: „Оваа градска приказна, провокативна и полна со изненадувања, ни дава да размислуваме за слободата да избереме живот по свои правила, за храброста да се направи првиот чекор и да се тргне кон среќата“.[3]
Улоги
уреди| Глумец | Улога |
|---|---|
| Александар Микиќ | Карамба |
| Камка Тоциновски | Ева |
| Сара Климоска | Доста |
| Симона Спировска | Данче |
| Ана Стојановска | Виолетка |
| Филип Трајковиќ | Методи |
| Петар Мирчевски | Богдан |
| Матеа Јанковска | Саманта |
| Ратка Радмановиќ | Натка |
| Благоја Чоревски | Мишко |
| Соња Михајлова | Благица |
| Филип Мирчевски | Горан |
| Никола Ристески | Владо |
| Емилија Мицевска | Репортер Бенита |
| Лазе Манасковски | Кумот |
| Борис Чоревски | Манчо |
| Жаклина Петровска | Сузе |
| Ѓорѓи Јолевски | д-р Ангелковски |
| Ангела Димитрова | Уна |
| Дејан Лилиќ | Јоаким |
| Александра Пешевска | Мирка |
| Горан Трифуновски | Слободан |
| Марко Трајковиќ | Горазд |
| Јасмина Василева | Кумата |
| Ана Димитрова | Габриела |
| Крсте Родзевски | Наќе |
Наводи
уреди- ↑ „„Кајмак" е безобразна комедија — Милчо Манчевски на 6 јули почнува со снимање на својот седми филм“. Сакам да кажам. 17 јуни 2021. Посетено на 15 ноември 2022.
- ↑ 2,0 2,1 „По Токио и Тајпеј, „Кајмак" на Манчевски дома“. Нова Македонија. 16 ноември 2022. Посетено на 17 ноември 2022.
- ↑ 3,0 3,1 3,2 Рашиќ, Миланка (16 ноември 2020). „Рецензија за „Кајмак": Поглед во огледало“. Слободен печат. Посетено на 17 ноември 2022.