Драгожел
Драгожел — село во Општина Кавадарци, во околината на градот Кавадарци.
| Драгожел | |
  Драгожел Местоположба на Драгожел во Македонија
Драгожел на карта
| |
| Координати 41°19′23″N 22°01′02″E / 41.32306° СГШ; 22.01722° ИГД | |
| Регион |  Вардарски
|
| Општина | Кавадарци |
| Население | 0 жит. (поп. 2021)[1]
|
| Шифра на КО | 11015 |
| Надм. вис. | 737 м |
|
Драгожел на општинската карта  Атарот на Драгожел во рамките на општината | |
 Драгожел на Ризницата
| |
Географија и местоположба уреди
Селото Драгожел се наоѓа на 737м надморска висичина. Во селото има многу извори од кои е настаната самата(Драгожелска река) која што минува низ селото. Селото Драгожел граничи со висорамнината Витачево од источната страна, а од западната страна со Тиквешко Езеро. Драгожел е ридско-планинско село којшто е заобиколен со нискостеблеста шума, до селото се стигнува преку 3 патишта од селото Гарниково и селото Бегниште а другиот пат е преку ладно долче со кој може и да се оде со возило
Историја уреди
Драгожел под денешното име се спомнува уште во 1340 година , во 1378 кога Царот Душан го поклонил на манастирот Хиландер. Во почетокот на 1920 година селото броело 34 куќи. Населението било христијанско. Селото е од збиен тип. Куќите биле изградени од камен на приземјето и спрат со чардак. Главно занимање на населението било сточарството, а во помал обем и земјоделство. Денес во селото се останати 10 куќи, со 2 домаќинства и 4 жители. Во околината на селото регистрирани се неколку Археолошки наоѓалишта: Ресава, Селиште, Св.Лазар. Во селото постои црква која во олтарниот дел е разурната. Постои иницијатива од мештаните да ја обноват. Селска слава е Св.Никола-зимски.
Стопанство уреди
Населението на Драгожел, во најголем дел се занимавало со сточарство, земјоделство. Од сточарство најголем дел се одгледувале овци, кози и говеда.
Население уреди
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Драгожел живееле 180 жители, сите Македонци.[2]
Селото претежно било населено со православни христијани и едно семејство од муслиманска вероисповед. Селото најголемата сила ја достигнало во 1920 година кога имало 34 куќи со околу 300 жители.
Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.[3]
Според последниот попис од 2021 година, во селото немало жители.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 180 | — | 153 | 149 | 136 | 87 | 28 | 9 | 6 | 0 | 0 |
- Извор за 1900 г.: Македонија. Етнографија и статистика.[4]; за 1905 г.: La Macédoine et sa Population Chrétienne.[5]; за 1948-2002 г.: Државен завод за статистика на РМ.[6]; за 2021 г.: Државен завод за статистика на РМ.[7]
Родови уреди
Драгожел било македонско село.
Според истражувањата од 1920-тите, Родови во селото биле:
- Доселеници: Шоповци (16 к.) се делат на Јанковци, Цветковци, Николовци, Шалевци, Темковци и Ташовци . Доселени биле од шоплук . т.е од Штипско . Овде живеат од крајот на XVII век: Бошковци (7 к.) доселени биле од Велешко . Доселени кога и претходниот род: Весковци-Трповци (3 к.) доселени биле однекаде: Трипуновци (1 к.) доселени биле од Ресава : Јовчевци (1 к.) доселени биле од Гарниково : Тасевци (1 к.) доселени биле од селото Куманичево : Парапановци (1 к.) доселени биле од селото Бојанчиште , а таму од селото Полчиште во Мариово : Бакарјовци (1 к.) доселени биле од селото Гарниково : Палијовци (1 к.) доселени биле од селото Куманичево : Мановци (1 к.) доселени биле од селото Гарниково .[8]
Природни и културни знаменитости уреди
- Археолошки наоѓалишта[9]
- Ресава — населба од доцноантичкото време
- Селиште — населба од доцноантичкото време
Иселеништво уреди
Најголемиот дел од иселеништвото се достигнал во 1965 од кога што почнала имиграцијата од село-град со кое што дури 70 % од населението заминало во Кавадарци.
Наводи уреди
- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Васил К’нчов. „Македонија. Етнографија и статистика“. Софија, 1900, стр. 154.
- ↑ „200K Volkstumskarte Jugoslawien“.
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ Радовановиќ, Воислав. Тиквеш и Раец.
- ↑ Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. стр. 148. ISBN 9989649286.
_1941.jpg){kind=link}