Бајрамбос
Бајрамбос — село во Општина Валандово, југоисточна Македонија. Денес нема жители.[1]
| Бајрамбос | |
Бајрамбос во 2011 г. | |
  Бајрамбос | |
| Координати 41°18′34″N 22°42′18″E / 41.30944° N; 22.70500° EКоординати: 41°18′34″N 22°42′18″E / 41.30944° N; 22.70500° E | |
| Регион | Југоисточен |
| Општина | Валандово |
| Област | Бојмија |
| Население | 0 жит. (поп. 2002) |
| Пошт. бр. | 2461 |
| Повик. бр. | 036 |
| Шифра на КО | 04002 |
| Надм. вис. | 480 м |
|
Бајрамбос на општинската карта  | |
 Бајрамбос на Ризницата
| |
Географија и местоположбаУреди
Селото е сместено во областа Бојмија, во источниот дел на општината, во изворишното подрачје на Анска Река. Атарот на исток ја образува државната граница со Грција (дојранскиот дел на Општина Кукуш, Егејска Македонија), а на југ се граничи со Општина Дојран[2] Теренот е ридест, а атарот му е мошне голем.
ИсторијаУреди
Подрачјето на Бајрамбос е населено барем од средниот век, за што сведочат остатоците од населба на наоѓалиштето Кале на 1 км источно од селото.[3]
На крајот на на XIX век Бајрамбос било претежно турско село во Дојранската каза на Отоманското Царство. Во „Етнографија на вилаетите Адријанопол, Монастир и Салоника“ се вели дека Бајрам обаси (Bayram-obassi) има 110 домаќинства, кои се состојат од 230 муслимани.[4] Според статистиката на Васил К’нчов („Македонија. Етнографија и статистика“) во 1900 г. Бајрам Оваси имало 426 жители, од кои 420 Турци и 6 Роми.[5]
СтопанствоУреди
Селото е со мешовита земјоделска функција, со двојно повеќе пасишта отколку обработливо земјиште и многукратно поголеми шумски пространства.[2]
ДемографијаУреди
Населението на Бајрамбос почнало нагло да опаѓа во 1950-тите, веројатно заради преселбата на Турците. На крајот од таа деценија тоа веќе било располовено (од 420 на 202 жители), а во текот на следните десет години се свело на 32 лица, па продолжило да опаѓа. Според пописот од 2002 година, Бајрамбос немал ниеден жител.[1]
Во табелата во продолжение е направен преглед на населението во сите пописни години:
| Година | 1900[6] | 1905[7] | 1948 | 1953 | 1961 | 1971 | 1981 | 1991 | 1994 | 2002 |
|---|---|---|---|---|---|---|---|---|---|---|
| Население | 426 | — | 383 | 420 | 202 | 32 | 8 | 6 | 8 | 0 |
- Извор за 1948-2002 г.: Државен завод за статистика на РМ.[8]
Културни и природни знаменитостиУреди
- Археолошки наоѓалишта
- Кале — населба од средниот век
НаводиУреди
- ↑ 1,0 1,1 „Попис на Македонија“ (PDF). Завод за статистика на Македонија. 2002. Посетено на 4 јануари 2021.
- ↑ 2,0 2,1 Панов, Митко (1998). Енциклопедија на селата во Република Македонија: географски, демографски, и аграрни обележја (изд. I.). Скопје: Патрија. стр. 17. ISBN 9989-862-00-1.
- ↑ Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 48. ISBN 9989-649-28-6.
- ↑ Македония и Одринско. Статистика на населението от 1873 г., Македонски научен институт, София, 1995, стр. 194-195.
- ↑ Кънчов, Васил. Македония. Етнография и статистика, София, 1900, стр. 163.
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.