Трајче Крстевски
- Ова е статија за воено лице. За истоимениот поет видете Трајче Крстески
Трајче Јованов Крстевски (Велес, 3 декември 1938 - Скопје, 30 декември 2017) — македонски воен генерал, трет началник на генералштабот на АРМ.[1]
| Трајче Крстевски | ||
| Роден | 3 декември 1938 Велес,  Кралство Југославија, денес  Македонија
| |
|---|---|---|
| Починал | 30 декември 2017 Скопје, Македонија | |
| Занимање | началник на генералштаб | |
Животопис
уредиКрстевски е роден на 3 декември 1938 година во Велес. Основно и средно училиште завршил во родниот град. Потоа ја завршил Воената академија за Копненената војска во Белград во 1961 година. Натаму своето школување го продолжил и ја завршил Командно-штабната школа - Белград во 1973 година, а по ова завршил ШНОЈНА во 1980 година. Во воената кариера бил командир, од командир на вод, командант на баталјон, командант на бригада, началник на Корпус, до нашалник на ГШ на АРМ. Неговите први армиски чекори во поранешна ЈНА биле во касарните во Сињ и Бенковац, каде што работел во периодот од 1961 до 1970 година. Поради неговите одлични резултати, тој е унапреден во капетан во 1966 година, и е во ставот на југословенскиот одред испратен во мисијата на ОН во Египет. Во 1990 година, го положил испитот за генерал-мајор и истата година бил унапреден во наведениот чин. Во времето на распадот на Југославија, тој бил на служба во Република Хрватска. Поради познатите настани што се случиле во 1991 година, тој ја напуштил ЈНА и се вратил во Македонија, каде се приклучил во процесот на фомирањето на воените формации на единиците на АРМ. Со Указ од претседателот на Македонија, тој бил назначен за заменик-началник на Генералштабот на 1 април 1992 година. Нешто повеќе од година дена потоа со Указ бр.15 од 10 ноември 1993 година, на претседателот на Мѐкедонија, генерал-мајор Трајче Крстевски актуелен заменик на НГШ на АРМ, се унапредува во чин генерал-потполковник.[2] Три години потоа со Указ бр.7 од 19 јануари 1996 година, на претседателот на Македонија, бил унапреден во чин генерал-полковник.[3] По ова, Крстевски на чело на Генерал штабот на АРМ бил во периодот 22 јануари 1996 - 11 февруари 2000 година.[4] Четири години потоа бил разрешен од должноста НГШ на АРМ, со што му престанала и службата во постојниот состав на АРМ поради навршени 40 години стаж на осигурување и стекнување со право на лична пензија.[5] Со овој чин генерал-полковникот Трајче Крстевски се пензионирал и се повлекол во цивилен живот.[6]
Починал во Скопје на 30 декември 2017 година.[7]
Наводи
уреди- ↑ „Поранешни Началници на Генералштаб“. Архивирано од изворникот на 2017-06-06. Посетено на 2017-12-30.
- ↑ Службен весник на РМ бр.68 од 10.11.1993г.
- ↑ Службен весник на РМ бр. 4 од 24.1.1996 г.
- ↑ Службен Весник на Македонија, бр. 4, стр. 74. 24 јануари 1996, Скопје
- ↑ Службен весник на РМ бр. 13 од 21.2.2000г.
- ↑ Низ историјата на АРМ: Началници на Генералштабот на АРМ. Списание ШТИТ Архивирано на 22 април 2021 г., бр. 96. октомври 2017
- ↑ „Почина генерал Трајче Крстевски“. Архивирано од изворникот на 2017-12-30. Посетено на 2017-12-30.
| Претходник Драгољуб Боцинов |
Началник на Генералштабот на АРМ 1996-2000 |
Наследник Јован Андревски |