Стефан Сесењон

Стефан Сесењон — фудбалер од Бенин, играч од средниот ред на Генчлербирлиги и на бенинската репрезентација.

Стефан Сесењон
Лични податоци
Роден на	1 јуни 1984(1984-06-01)
Роден во	Алахе, Бенин
Држава	Бенин
Висина	&100000000000001680000001,68 м
Позиција	Среден ред
Клупски податоци
Сегашен клуб	Генчлербирлиги
Број	10
Младинска кариера
	Реквинс де л'Атлантик
Кариера*
Години	Клуб	Наст.	(Гол.)
2003–2004	Реквинс де л'Атлантик	2	(0)
2006–2011	Кретеј	68	(10)
2006–2008	Ле Ман	61	(6)
2008–2011	Париз Сен Жермен	77	(8)
2011–2013	Сандерленд	87	(17)
2013–2016	Вест Бромвич Албион	79	(8)
2016-2018	Монпелје	43	(3)
2018-	Генчлербирлиги	19	(5)
Репрезентација ‡
2004-	Бенин	61	(17)
*Настапи и голови само на првенствени натпревари, според податок од 2 јануари 2012 ‡ Настапи и голови за репрезентација, според податок од 2 јануари 2012

Со својата национална селекција тој настапувал двапати на Африканскиот куп на нациите во 2008 и 2010.

Технички одлики

Сесењон може да игра на различни позиции во средината на теренот, но најчесто настапува како најофанзивен фудбалер од средниот ред и како плејмејкер. Исто така може да игра и како десно крило.

Клупска кариера

Рани години и Кретеј

Сесењон својата кариера ја започнал во Реквинс де л'Атлантик клубот во најголемиот град во Бенин, Котоноу. По една сезона помината во клубот од својата родна земја Сесењон заедно со својот соиграч од одбраната Ноел Сека се преселиле во францускиот второлигаш Кретеј. Своето деби за својот прв европски тим во кариерата го имал на отворањето од сезоната во втората француска лига против Рем во поразот со 2-1, појавувајќи се како резерва. Својте први погодоци за Кретеј ги постигнал на 14 јануари 2005, погодувајќи ја двапати мрежата на Гењон во убедливата победа со 3-0.

Во две сезони поминати во Кретеј тој одиграл 68 првенствени натпревари постигнувајќи притоа 10 гола со што се претворил во најдобриот играч на клубот во овој период.

Ле Ман

По завршувањето на сезоната 2005-2006, уште во мај 2006 Сесењон бил купен од страна на прволигашот Ле Ман со кој потпишал тригодишен договор. Своето прво појавување во дресот на Ле Ман го имал во натпреварот против Троја, влегувајќи во игра од клупата за резерви. Во следниот натпревар тој одново бил вклучен во игра како резерва против Седан, меѓутоа во тој натпревар Сесењон не го дочекал крајот бидејќи заработил црвен картон и морал предвреме да го напушти теренот. На 4 ноември 2006 го направил својот прв старт за Ле Ман против Осер. Својот прв гол во Првата лига на Франција го постигнал две недели подоцна во ремито 1-1 против Рен.

На стартот од втората негова сезона во Ле Ман тој одиграл фантастична партија против гигантот во францускиот фудбал Олимпик Лион постигнувајќи два гола, меѓутоа на крајот Лион победил со 3-2. Сесењон му помогнал на Ле Ман да стигне и до полуфиналето на Купот на Франција каде загубиле од Ленс на пенали со 5-4.

Париз Сен Жермен

Сесењон играјќи за Париз Сен Жермен во 2009.

По двете импресивни сезони во Ле Ман тој стана интересен за многу поквалитетни клубови од Ле Ман,како Арсенал,Њукасл Јунајтед, но тој одбра да остане во Франција и да потпише со еден од најголемите тимови во оваа земја Париз Сен Жермен за 10 милиони евра. Токму Париз Сен Жермен бил тимот каде Сесењон се афирмирал како врвен играч. Своето деби го имал на 16 август 2008, кога го започнал натпреварот во почетната постава, во победата над Бордо од 1-0. Следното коло тој веќе бил стрелец во натпревар со Сошо (1-1). На 13 декември 2008 тој третпат во кариерата постигнал два гола на еден меч, сега за првпат во дресот ПСЖ против Осер за победа од 2-1.

На 19 декември (по натпреварот со Нанси) Сесењон имал кавга со тренерот на клубот Антоан Комбуар во која тој го навредил Сесењон поради што овој одбил да настапува повеќе за тимот и решил да си замине во јануарскиот преоден рок.

Сандерленд

Сесењон во дресот на Сандерленд во 2012.

На 29 јануари Сесењон потпишал за Сандерленд на 3 и половина години за сума од 6 милиони фунти. Дебитирал на 1 февруари против Челси. Својот втор старт за црните мачки го имал на 5 февруари на гостувањето кај Стоук Сити кога неговиот тим на двапати водеше но на крајот загуби со 3-2. По разочарувачките три месеци во клубот својте први успешни моменти ги има кон крајот на април кога го постигнал и својот прв гол во победата со 4-2 над Виган Атлетик. Во финишот на сезоната 2010-2011 во Премиер лигата тој играл како единствен напаѓач во формацијата на менаџерот Стив Брус, поради повреди на сите други напаѓачи. Тој постигнал голови и во последните две кола од сезоната против Вулверхемптон дома и против Вест Хем Јунајтед на гости.

Во својата втора сезона на Стадионот на Светлината тој чекал до 9-тото првенствено коло за да го постигне својот прв гол во сезоната, против Болтон на 22 октомври 2011. Тој исто така бил стрелец и против Астон Вила. Со доаѓањето на новиот менаџер Мартин О'Нил, Сесењон добива послободна улога и е многу покорисен во нападот постигнувајќи голови и доставувајќи асистенции за своите соиграчи. Тој постигнал погодок на гостувањето кај ФК Квинс Парк Ренџерс за триумф од 3-2 на 21 декември 2011. Во првиот ден од новата година Сесењон бил асистент на победничкиот гол што го постигнал Жи Донг-Вон против водачот во тој момент во првенството Манчестер Сити за победа од 1-0. Два дена подоцна Сесењон го постигна третиот гол за Сандерленд во победата од 4-1 нагости кај Виган Атлетик. Голгетерската серија му продолжи на 21 јануари, кога против Свонзи тој го открил резултатот во 14-тата минута од натпреварот; во 85-тата минута од истиот натпревар тој му асистирал на Крег Гарднер за конечните 2-0.

Вест Бромвич

На 2 септември 2013, Сесењон потпишал за Вест Бромвич Албион за клупски рекорд од 5.5 милиони £.

Монпелје

На 26 септември 2016, како слободен играч Сесењон му се приклучил на Монпелје потпишувајќи двегодишен договор со клубот од Лига 1.

Репрезентативна Кариера

Сесењон е репрезентативец на Бенин од 2004 година, кога дебитирал за репрезентацијата во квалификациски натпревар за Светското првенство 2006 против Камерун.

Клупска статистика

Статистиката е ажурирана на 24 октомври 2016.

Сезона	Клуб	Првенство			Национален куп			Континентален куп			Останати купови			Вкупно
		Лига	Наст	Гол	Лига	Наст	Гол	Лига	Наст	Гол	Лига	Наст	Гол	Наст	Гол
2004-2005	Кретеј	Л2	35	5	-	-	-	-	-	-	-	-	-	35	5
2005-2006		Л2	33	5	-	-	-	-	-	-	-	-	-	33	5
Вкупно Кретеј			68	10		-	-		-	-		-	-	68	10
2006-2007	Ле Ман	Л1	31	1	-	-	-	-	-	-	-	-	-	31	1
2007-2008		Л1	30	5	-	-	-	-	-	-	-	-	-	30	5
Вкупно Ле Ман			61	6		-	-		-	-		-	-	61	6
2008-2009	Париз Сен Жермен	Л1	34	5	КФ+ЛКФ	2+4	1+0	КУ	9	1	-	-	-	49	7
2009-2010		Л1	29	3	КФ+ЛКФ	4+0	0	-	-	-	-	-	-	33	3
2010-јан. 2011		Л1	14	0	КФ+ЛКФ	0+2	0	КУ	7	0	-	-	-	23	0
Вкупно Париз Сен Жермен			77	8		12	1		16	1		-	-	105	10
јан.-јун. 2011	Сандерленд	ПЛ	14	3	ФАКуп+ЛК	-	-	-	-	-	-	-	-	14	3
2011-2012		ПЛ	36	7	ФАКуп+ЛК	4+1	1+0	-	-	-	-	-	-	41	8
2012-2013		ПЛ	35	7	ФАКуп+ЛК	1+0	0	-	-	-	-	-	-	36	7
авг. 2014		ПЛ	2	0	ФАКуп+ЛК	-	-	-	-	-	-	-	-	2	0
Вкупно Сандерленд			87	17		6	1		-	-		-	-	93	18
авг. 2013-2014	Вест Бромвич Албион	ПЛ	26	5	ФАКуп+ЛК	1+1	0	-	-	-	-	-	-	28	5
2014-2015		ПЛ	28	1	ФАКуп+ЛК	3+2	0	-	-	-	-	-	-	33	1
2015-2016		ПЛ	25	2	ФАКуп+ЛК	5+1	0	-	-	-	-	-	-	31	2
Вкупно Вест Бромвич Албион			79	8		13	0		-	-		-	-	92	8
2016-2017	Монпелје	Л1	27	2	КФ+ЛКФ	1+2	0	-	-	-	-	-	-	30	2
Вкупно во кариерата			399	51		34	2		16	1		-	-	449	54

Титули

Париз Сент-Жермен

• Лига куп на Франција (1) : 2010

Надворешни врски

• Стефан Сесењон на soccerway
• Стефан Сесењон на ESPN Архивирано на 4 мај 2009 г.