ФК Њукасл Јунајтед

Њукасл Јунајтед
Њукасл Јунајтед
Целосно име	Њукасл Јунајтед Фудбал клуб
Прекар	Страчки, Тун Армијата
Основан	9 септември 1892
Стадион	Сент Џејмсис Парк; Њукасл, Англија
Капацитет	52,404
Претседател	Мајк Ешли
Менаџер	Рафаел Бенитес
Лига	Премиер лига
2023/24	Премиер лига, 7. место
Мреж. место	Официјално мрежно место
	Тековна сезона

Њукасл Јунајтед Фудбал Клуб (на англиски Newcastle United Football Club) или ФК Њукасл Јунајтед е англиски фудбалски клуб од градот Њукасл Апон Тајн. Клубот е основан во 1892 со спојување на два локални клуба Њукасл Ист Енд и Њукасл Вест Енд и откако постои ги игра своите домашни натпревари на стадионот Сент Џејмс Парк. Клубот е член на Премиер лигата во сите, освен две сезони од историјата на натпреварувањето, и исто така никогаш не испаднал под второто ниво на англискиот фудбал, откако се приклучил на Фудбалската Лига во 1893 година. Во 2007 година, долгорочниот претседател и сопственик на клубот Сер Џон Хол го продаде својот удел во клубот на Мајк Ешли.

Њукасл има освоено четири лигашки наслови како и 6 ФА Купа, додека нивен најголем успех во евро-турнирите е освојувањето на купот на велесаемските градови во 1969 година како и Интертото Купот во 2006 година. Тие се на 8-мо место по бројот на освоени трофеи меѓу англиските екипи. Најголем соперник на Њукасл му е тимот на Сандерленд со кого го игра популарното Дерби на Тајн и Вер уште од 1898 година. Тимот игра во за нив препознатливата црно-бела комбинација, а главен прекар на клубот е Страчките.

Бои на клубот

Главни бои на Њукасл Јунајтед се црната и белата, кој се нормално распоредени од горе надолу. Во почетокот играчите на Њукасл носеле црвени дресови, но како со текот на времето кога сè повеќе тимови во Англија почнуваат да носат црвени дресови како на пр. Ливерпул и Арсенал, ги менуваат своите дресови во црно-бела комбинација. Од тогаш па сè до денес боите на клубот се тие и во оваа комбинација Њукасл ги игра своите домашни натпреврари. Што се однесува до дресовите за гостинските натпревари тие се менувале со текот на времето, во почетокот биле сини, подоцна жолти, па сиви, црни, зелени, а моменталните гостински дресови на клубот се со бордо-црна боја.

Стадион

Низ историјата на Њукасл Јунајтед, нивниот дом секогаш бил Сент Џејмсис Парк-најстариот и најголемиот фудбалски стадион во Севернo-Источна Англија, а шести по големина фудбалски стадион во Обединетото Кралство. Тој бил домаќин на 10 меѓународни фудбалски натпревари на сениорско ниво, од кој првиот во 1901 година, а последниот во 2005 година. Сент Џејмс Парк беше употребен како место на кое се играше фудбал и на Летните олимписки игри 2012 и исто така ќе се користи за претстојното Светско првенство во рагби во 2015 година. Капацитетот на стадионот е 52 404 места за седење. Во ноември 2011 година сопственикот на Њукасл Мајк Ешли ги продал правата на стадионот на спонзорите, па името на стадионот е променето во Спортс Дајрект Арина.

Навивачи

Панорама на Сент Џејмс Парк

Навивачите на Њукасл, сите заедно, се познати под едно име Toon Army (превод на мак. Тун армија), но исто така познати се и некој прекари на навивачките групи како Geordies (жордицата) и the Magpies (страчките). Geordies ги нарекуваат заради тоа што така се нарекуваат луѓето кој живеат во градот Њукасл, додека the Magpies или страчки заради боите на клубот, којшто се исти со боите на пердувите на оваа птица (црно бела боја). Многу англиски медиуми велат дека Тун Армијата е една од најдобрите навивачки групи во Англија и на Островот, а најдобар доказ за тоа е посетеноста на Сент Џејмс Парк кој е еден од најисполнетите стадиони во Англија за време на натпреварите. Освен во Англија Њукасл Јунајтед има навивачки групи и во други делови на светот како на пр.: во Скандинавија, Исланд, Австралија, САД, Италија итн. Од познатите личности навивачи на Њукасл Јунајтед се и: поранешниот премиер на Велика Британија Тони Блер, потоа гитаристот на Ајрон Мејден Џеник Герс, и фронтменот на AC/DC Брајан Џонсон.

Соперници

Покрај Сандерленд со кого го игра Дербито Тајн и Вер, втор најлут соперник на Њукасл Јунајтед е Мидлсбро со кој се среќава во Дербито Тајн и Тис.

Играчи

Моментален состав

Бр.	Позиција	Играч
1	ГМ	Роб Елиот
2	ОД	Киаран Кларк
3	ОД	Пол Дамет
4	СР	Ки Сунг-јуенг
5	ОД	Фабијан Шер
6	ОД	Џамал Ласелс
8	СР	Џонџо Шелви
9	НП	Саломон Рондон
10	СР	Мохамед Диаме
11	СР	Мат Ричи
12	ГМ	Мартин Дубравка
13	НП	Јошинори Муто
14	СР	Ајзак Хејден
15	СР	Кенеди

Бр.	Позиција	Играч
17	НП	Ајосе Перес
18	ОД	Федерико Фернандес
19	ОД	Хавиер Манкилјо
20	ОД	Флоријан Лежен
21	НП	Хоселу
22	ОД	ДеАндре Једлин
23	ОД	Антонио Барека (on loan from Monaco)
24	СР	Мигел Алмирон
26	ГМ	Карл Дарлоу
29	ГМ	Нејтн Харкер
30	СР	Кристијан Атсу
36	СР	Шон Лонгстаф
41	ГМ	Фреди Вудман

Тренерска историја на Њукасл Јунајтед

Моменталниот менаџер на клубот, Рафаел Бенитес

Име и презиме	Националност	Од	До
непознато	(n/a)	1892	1929
Енди Канингем	Шкотска	1930	1935
Том Матер	Англија	1935	1939
Стан Сејмур	Англија	1939	1958
Џорџ Мартин	Англија	1947	1950
Даг Ливингстон	Шкотска	1954	1956
Чарли Мајтен	Англија	1958	1961
Норман Смит	Англија	1961	1962
Џо Харви	Англија	1962	1975
Гордон Ли	Англија	1975	1977
Ричард Динс	Англија	1977	1977
Бил МекГари	Англија	1977	1980
Артур Кокс	Англија	1980	1984
Џек Чарлтон	Англија	1984	1985
Вили МекФол	Северна Ирска	1985	1988
Џим Смит	Англија	1988	1991
Освалдо Ардилес	Аргентина	1991	1992
Кевин Киген	Англија	1992	1997
Кени Далглиш	Шкотска	1997	1998
Руд Гулит	Холандија	1998	1999
Сер Боби Робсон	Англија	1999	2004
Грејм Сунес	Шкотска	2004	2006
Глен Редер	Англија	2006	2007
Сем Алардајс	Англија	2007	2008
Кевин Киген	Англија	2008	2008
Џо Кинар	Ирска	2008	2009
Алан Ширер	Англија	2009	2009
Крис Хјутон	Ирска	2009	2010
Алан Пардју	Англија	2010	2015
Џон Карвер	Англија	2015	2015
Стив Мекларен	Англија	2015	2016
Рафаел Бенитес	Шпанија	2016