Преспа (општина)

Општина Преспа Δήμος Πρεσπών
Општина Преспа на картата на Западна Македонија
Стари куќи во с. Герман
Податоци
Област:	Западна Македонија
Округ:	Лерин
Гео. област:	Долна Преспа
Население:	2.180 (2021)
Седиште:	Р’мби
Нас. места:	20
Пошт. бр.:	530 77
Пов. бр.:	23850-51
Портал:	prespes.gr

Преспа (грчки: Δήμος Πρεσπών, Димос Преспон) — општина в западниот дел Егејска Македонија, денес во Грција. На север се граничи со Општина Ресен (Р. Македонија), на запад со областа Горица (Албанија), а на југ и запад со окрузите Костур и Лерин. Административен центар е селото Р’мби (денес Лемос).

Населени места

Етничка карта на Општина Преспа

Општината Преспа е создадена на 1 јануари 2011 г. со спојување на две стари административни единици — општината Преспа и општинската целина Смрдеш. Важи за планинска општина.

Општинска единица Преспа

Општинската единица Преспа е сместена на територијата на историско-географската област Голема Преспа (дел од Долна Преспа), која во Грција денес се нарекува само Преспа (Πρέσπες, Преспес). Во неа влегуваат следниве општински оддели и населени места:

Поранешната општина Преспа на картата на некогашниот округ Лерин.

Песодер во периодот од 1903 до 1912 г.

• Општински оддел Р’мби

• село Р’мби (Р’би, Раби или Роби; Λαιμός, Лемос)
• село Медово (Μηλιώνα, Милиона)

• Општински оддел Ахил

• село Ахил (Άγιος Αχίλλειος, Агиос Ахилиос)
• село Винени (Πύλη, Пили)

• Општински оддел Герман

• село Герман (Άγιος Γερμανός, Агиос Германос)

• Општински оддел Граждано

• село Граждано (или Граждено; Βροντερό, Врондеро)

• Општински оддел Желево

• село Желево (Ανταρτικό, Андартико)
• село Оштима (Ошчима или Осчима; Τρίγωνο)

• Општински оддел Л’нки

• село Л’нки (Л’нги, Л’к или Лок; Μικρολίμνη, Микролимни)

• Општински оддел Нивици

• село Нивици (Ψαράδες, Псарадес)

• Општински оддел Оровник

• село Оровник (Καρυές, Кариес)
• село Буковик (Οξυά, Оксија)

• Општински оддел Песодер

• село Песодер (или Писодер; Πισοδέρι, Писодери)

• Општински оддел П’пли

• село П’пли (Λευκώνας, Левконас)

• Општински оддел Рудари

• село Рудари (Καλλιθέα, Калитеја)

• Општински оддел Трново

• село Трново (Трнаа или Трнава; Πράσινο, Прасино)

• Општински оддел Штрково

• село Штрково (Πλατύ, Плати)

На територијата на општинската единица има и неколку села кои денес немаат постојано население или се во рушевини:

• Бесвина (Σφήκα, Сфика)
• Дреново (Κρανιές, Краниес)
• Дробитишта (или Дробитишча; Δασερή, Дасери)
• Опаја (Οπάγια)
• Орово (Πυξός, Пиксос)
• Трново (Αγκαθωτό, Анкатото)
• Шаовци (Σιάκι, Сјаки)

Општинска единица Смрдеш

Поранешната општина Смрдеш на картата на некогашниот округ Лерин.

Општинската единица опфаќа три села од областа Корешта, кои традиционално се сметаат за костурски, а не лерински. Општинската единица Смрдеш е со седиште во с. Смрдеш (Кристалопиги).

• Општински оддел Смрдеш

• село Смрдеш (Κρυσταλλοπηγή, Кристалопиги)

• Општински оддел Брезница

• село Брезница (Βατοχώρι, Ватохори)

• Општински оддел Рулја

• село Рулја (Κώτας, Котас)

На територијата на општинската единица се наоѓало и иселеното село В’мбел (Мосхохори), кое административно се води како дел од Смрдеш.

Поврзано

• Мала Преспа
• Преспанско Езеро
• Општина Лерин
• Општина Суровичево

Надворешни врски

• Сужбен портал на Општина Преспа