Премиер на Јапонија

Премиерот на Јапонија (јап. 内閣総理大臣, трскр. најкаку-сори-дајџин) е шеф на владата на Јапонија. На функцијата го изгласува Собранието на Јапонија, избирајќи од своите пратениците, а на функцијата го назначува царот. За да остане на функцијата треба да ја ужива довербата на Претставничкиот дом. Премиерот е шеф на кабинетот и ги назначува или разрешува министрите. Буквален превод на јапонскиот назив на функцијата е Министер за сеопфатна управа со кабинетот или Министер што претседава со кабинетот.

Премиер на Јапонија
Службен амблем на премиерот
Функционер Фумио Кишида од 4 октомври 2021 г.
Звање	Неговата Екселенција
Седиште	Кантеј
Назначувач	Царот
Мандат	Највеќе 4 години (без ограничување на бројот на последователни мандати)
Прв функционер	Ито Хиробуми
Создадена	22 декември 1885
Мреж. место	www.kantei.go.jp

Функцијата е создадена во 1885, четири години пред донесувањето на уставот на Јапонското царство. Денешниот облик на функцијата се должи на уставот од 1947.

Назначување

Премиерот го избираат двата дома на Собранието со гласање од два круга. Доколку домовите изберат различни лица, тогаш се формира заедничка комисија што има за задача да постигне согласност за едно лице. Доколку не се договорат во рок од десет дена, тогаш функцијата му припаѓа на лицето што го предложил Претставничкиот дом. Затоа, во теорија, Претставничкиот дом може да избере кого сака. Потоа кандидатот формално стапува на функција со негово назначување од страна на царот.

Лицето мора да ја отстапи функцијата доколку Претставничкиот дом му изгласа недоверба или ја надгласа довербата, под услов домот да не се растури во следните десет дена.

Должности

Уставни улоги

• Врши „контрола и надзор“ врз сета извршна власт.
• Поднесува нацрт-закони во Собранието во име на кабинетот.
• Потпишува закони и налози на кабинетот (заедно со други членови на кабинетот).
• Ги назначува сите министри на кабинетот, со можност да ги разреши во секое време.
• Може да одобри правна постапка против членови на кабинетот.
• Мора да пишува отчети за и домашните и надворешните односи и да му ги доставува на Собранието.
• Мора да дава отчет на барање на Собранието, одговарајќи на прашања или давајќи образложенија.

Статутарни улоги

• Претседава со седниците на кабинетот.
• Врховен командант на Самоодбранбените сили на Јапонија (војската).
• Може да отфртли судски налог против управен акт, образложувајќи ја причината.

Обележја

• 
  Знаме на премиерот
• 
  Амблем на премиерот
• 
  Челенка на премиерот

Список на премиери од 1982 до 2012

Име	Мандат	Датум на раѓање и смрт
Тошики Кајфу	1989–1991	2 јануари 1931(1931-01-02)
Киичи Мијазава	1991–1993	8 октомври 1919 – 28 јуни 2007
Морихиро Хосокава	1993–1994	14 јануари 1938(1938-01-14)
Цутому Хата	1994	24 август 1935(1935-08-24)
Томиичи Мурајама	1994–1996	3 март 1924(1924-03-03)
Рјутаро Хашимото	1996–1998	29 јули 1937 – 1 јули 2006
Кејзо Обучи	1998–2000	25 јуни 1937 – 14 мај 2000
Јоширо Мори	2000–2001	14 јули 1937(1937-07-14)
Џуничиро Коизуми	2001–2006	8 јануари 1942(1942-01-08)
Шинзо Абе	2006–2007	21 септември 1954(1954-09-21) - 8 јули 2022(2022-07-08) (возр. 67)
Јасуо Фукуда	2007–2008	16 јули 1936(1936-07-16)
Таро Асо	2008–2009	20 септември 1940(1940-09-20)
Јукио Хатојама	2009–2010	11 февруари 1947(1947-02-11)
Наото Кан	2010–2011	10 октомври 1946(1946-10-10)
Јошихико Нода	2011–2012	20 мај 1957(1957-05-20)
Шинзо Абе	2012–2020	21 септември 1954(1954-09-21) - 8 јули 2022(2022-07-08) (возр. 67)
Јошихиде Суга	2020–2021	6 декември 1948(1948-12-06)
Фумио Кишида	2021-	29 јули 1957(1957-07-29)

Поврзано

• Список на премиери на Јапонија

Надворешни врски

• Премиерот на Јапонија и неговиот Кабинет - службен портал (англиски)
• Список на јапонски кабинети од 1885 до 1989 г.　(јапонски)