Википедија

За знаменитите мажи

збирка биографии на Јероним Стридонски од IV век

За знаменитите мажи (латински: De Viris Illustribus) — збирка од кратки биографии на 135 духовни дејци во напишана од латинскиот црковен отец Јероним Стридонски во IV век. Завршено е во Витлеем во 392–393 г.[1] Се состои од предговор и 135 глави од исто толку биографии. Последната глава му е посветена на авторот. Опстојува и грчка верзија на делото, веројатно од Софрониј, опишаниот во глава 134. Многу од биографиите ги обработуваат важните личности од црковната историја и обраќаат особено внимание на нивните дела.[2] Книгата е посветена на Флавиј Луциј Декстер, главен ризничар на Теодосиј I и преторијански префект на Хонориј. Декстер бил син на Свети Пацијан, опфатен во делото.[3]

За знаменитите мажи
Ракопис од крајот на XV век
АвторЈероним Стридонски
Изворен насловDe viris illustribus
ЗемјаПалестина, Римско Царство
Јазиклатински
Жанрбиографија, библиографија
Објавена393
Медиумракопис

Содржина уреди

Ова се личностите обработени во биографиите на Јероним. Редните броеви на главите се исти во сите изданија.

Јероним за сопствените дела уреди

Во завршниот дел на „За знаменитите мажи“, Јероним ја дава својата биографија. Во глава 135 тој ја опишува неговата дотогашна дејност:

„ Јас, Јероним, син на Евсевиј од градот Стридон, кој беше на границата на Далмација и Панонија и беше подвргнат од Готите, досега, т.е. четринаесеттата година на царот Теодосиј, го имам напишано следново: Житието на Павле Пустиникот, една книга со Писма до разни личности, Убедувања на Хелиодор, Спорот на Луциферијан и православните, Летопис на сеопштата историја, 28 беседи на Ориген за Еремија и Езекиил, кои ги преведов од грчки на латински, За Серафимот, За Осана, За умниот и порочниот син, За три прашања за Стариот завет, две Беседи за Песната над песните, Против Хелвидиј, За приснодевството на Марија, За Евстохиј, За очувувањето на девството, една книга Писма до Марцела, утешително писмо до Павла За смртта на ќерка, три книги Толкувања на Павловото послание до Галатјаните, три книги Толкување на Посланието до Ефесјаните, една За посланието на Тит, една За посланието до Филимон, Толкување на Проповедникот, една книга Еврејските прашања за книгата Битие, една За местата во Јудеја, една Еврејски имиња, една книга Дидим за Светиот Дух, која ја преведов на латински, 39 проповеди за Лука, седум книги За Псалмите 10 до 16, За заробениот монах, Житието на блажениот Иларион. Ги преведов Новиот завет од грчки и Стариот завет од хебрејски, и не знам колку писма им имам напишано на Павла и Евстохиј, бидејќи пишувам секојдневно. Покрај тоа, напишав две книги Толкувања на Михеј, една книга За Наум, две За Авакум, една За Софонија, една За Агеј и многу други за поророците на кои сè уште работам и ги немам довршено.[4] “

Наводи уреди

  1. ↑ A. D. Booth, "The Chronology of Jerome's Early Years", Phoenix 35 (1981), p. 241.
  2. ↑ Louis Saltet, "St. Jerome," Catholic Encyclopedia, New York: 1910.
  3. ↑ „Irondequoit Catholic Communities - - Pacian“. Архивирано од изворникот на 28 октомври 2007. Посетено на 30 октомври 2007.
  4. ↑ Јероним Стридонски, За знаменитите мажи, глава 135.

Извори уреди

Надворешни врски уреди

Преземено од „https://mk.wikipedia.org/w/index.php?title=За_знаменитите_мажи&oldid=5035921“