Василиј Анкирски

Василиј Анкирски е христијански светец од 4 век.

Василиј Анкирски
Починал(а)	363
Слава	22 март

Во времето на Констанциј II бил под голем притисок од страна на аријанците. Во времето на Јулијан Отпадник започнало гонењето на христијаните, Василиј бил фрлен во самица. Па кога царот Јулијан дошол во Анкира, Василиј бил изведен пред царот и царот почнал да го наговара да се откаже од верата. Тогаш Василиј му одговорил на царот: “Јас Му верувам на мојот Христос, од Кого ти си се одрекол и Кој тебе ти го даде ова земно царство, но тоа наскоро ќе ти биде и одземено. Зарем не ти e срам од олтарот под кој се спаси од смртта како осумгодишно дете кога бараа да те убијат?... Затоа наскоро ќе ти се одземе ова времено царство и телото твое нема да биде погребано кога ќе ја испуштиш душата во остри маки”. Починал во 363 година.

Православната црква неговиот ден го чествува на 22 март.