Прва влада на Никола Груевски
25. влада на Македонија — орган на извршната власт во Република Македонија избран по парламентарните избори. Нејзиниот водач Никола Груевски на 28 јули доби мандат за создавање на нова влада од Претседателот Бранко Црвенковски. Новата влада е изгласана во Собранието на Република Македонија на 28 август. За новата влада гласаа пратениците од коалицијата предводена од ВМРО-ДПМНЕ, ДПА, НСДП, ДОМ, ПЕИ и од ВМРО-Народна партија, со тоа што ВМРО-НП само гласаше за владата, но не стана дел од владината коалиција. Мандатот на оваа влада заврши на 26 јули 2008 година, по одржувањето на парламентарните избори од 2008 година, на кои повторно победи коалицијата предводена од ВМРО ДПМНЕ.
| Прва влада на Никола Груевски Груевски I | |
|---|---|
 25. влада на Македонија | |
| 2006-2008 | |
.jpg) Груевски во 2007 | |
| Конституирана | 28 август 2006 |
| Распуштена | 26 јули 2008 |
| Организација | |
| Претседател | Бранко Црвенковски |
| Премиер | Никола Груевски |
| Статус во собрание | Малцинска влада |
| Историја | |
| Избори | 2006 |
| Претходен кабинет | Бучковски |
| Следен кабинет | Груевски II |
Состав на владата
уредиСоставот на Владата избран на 28 август е следниот:
- Никола Груевски (ВМРО-ДПМНЕ) - претседател на владата
- Зоран Ставревски (ВМРО-ДПМНЕ) - потпретседател за економски прашања
- Живко Јанкуловски (НСДП) - потпретседател на влада
- Габриела Коневска (ВМРО-ДПМНЕ) - потпретседател за евроинтеграции
- Антонио Милошовски (ВМРО-ДПМНЕ) - министер за надворешни работи
- Гордана Јанкуловска (ВМРО-ДПМНЕ) - министер за внатрешни работи
- Лазе Еленовски (НСДП) - министер за одбрана
- Михајло Маневски (ВМРО-ДПМНЕ) - министер за правда
- Трајко Славевски (ВМРО-ДПМНЕ) - министер за финансии
- Вера Рафајловска (НСДП) - министер за економија
- Љупчо Мешков (ЛПМ) - министер за труд и социјална политика
- Миле Јанакиевски (ВМРО-ДПМНЕ) - министер за транспорт и врски
- Аце Спасеновски (СПМ) - министер за земјоделство
- Зоран Коњановски (ВМРО-ДПМНЕ) - министер за локална самоуправа
- Имер Селмани (ДПА) - министер за здравство и потпретседател за спроведување на Рамковниот договор
- Сулејман Рушити (ДПА) - образование и наука
- Илирјан Бекири (ДПА) - култура
- Имер Алиу (ДПА) - екологија
- Веле Самаковски - министер без ресор
- Глигор Ташковиќ (ВМРО-ДПМНЕ) - министер без ресор
- Аднан Ќахил (ПДТ) - министер без ресор
Во мај 2007 година Партијата за демократски просперитет одлучи да ја прифати понудата на премиерот Груевски да влезе во владината коалиција по што на 18 јуни Собранието на РМ го избра Абдураман Мемети за министер за локална самоуправа на местото на Зоран Коњановски.[1][2]