Вилијам Бредли Пит, познат како Бред Пит (роден 18 декември 1963) — американски глумец.

Бред Пит
Brad Pitt - Hollywood California - July 2019
Роден(а)Вилијам Бредли Пит
СопружникЏенифер Анистон (2000-2005)
Вонб. другарАнџелина Џоли (2005-)
ДецаМедокс, Захара, Шилоу, Пакс

Животопис уреди

Бред Пит пораснал во Спрингфилд, Мисури. Поголем дел од неговото семејство е од англиско потекло. Во 1980-те бил студент по публицистика.[1] Од 29 јули 2000[2] до 2 октомври 2005 година,[3] Пит бил оженет со американската глумица Џенифер Анистон, со која се развел на 7 јануари 2006 година. Пред бракот тој бил во врска со германската режисерка Катја вон Гарниер, глумицата и пејачката Џулиет Луис,[4] како и глумицата Гвинет Палтроу.[5] По улогата во филмот „Г-дин и г-ѓа Смит“ бил во врска со Анџелина Џоли.[6] [7] Во декември 2005 година, тој поднел барање за старателство на децата на Анџелина Џоли, Медокс и Захара,[8] а од јануари 2006 год. децата официјално почнале да го носат презимето Џоли Пит.[9] Тие имаат и заедничка ќерка со име Шилоу Новел Џоли Пит, која се родила на 27 мај 2006 година.[10]

Иако Бред Пит и Анџелина Џоли биле заедно од 2005 година, официјално тие биле во брак само две години. Во септември 2016 година, Анџелина Џоли поднесла барање за развод, заедно со целонсо старателство над шесте деца, со повремени посети на Бред, но не побарала алиментација. Во барањето за развод, како причина биле наведени „непомирливите разлики“.[11] По разводот, во медиумите се појавиле шпекулации дека причината била наводната врска на Бред со француската глумица Марион Котијар, со која тој глумел во филмот „Сојузници“, но таа остро ги негирала таквите наводи. Британската пејачка Адел својот концерт во њујоршкиот „Медисон сквер гарден“ им го посветила на Бред и Анџелина.[12]

Филмска кариера уреди

Првата филмска улога на Бред Пит била улогата на момчето Чарли Вејд во телевизиската серија „Далас“, во траење од десет секудни. Пит станал познат во 1991 година, играјќи во филмот „Телма и Луис“.[13] Неговите филмски партнерки биле Сузан Сарандон и Гин Дејвис. Играјќи улоги во филмовите „Река на спомени“ и „Легендата за есента“, се здобил со статусот на тинејџерски идоли. За неговата улога за лудиот Џефри Гоинс во „12 Мајмуни“ добил „Златен Глобус[14] и една номинација на „Оскар“. Во 1994, 1995 и 2000 година, Пит бил избран за најзгоден маж на планетата, според американското списание People.[15] [16]

Филмографија уреди


Наводи уреди

  1. „Brad Pitt – Film Actor, Producer, Actor“. A & E Television Networks. March 1, 2018. Архивирано од изворникот на October 4, 2011. Посетено на October 9, 2018.
  2. „Pitt and Aniston announce split“. BBC News. January 8, 2005. Архивирано од изворникот на March 1, 2009. Посетено на March 19, 2009.
  3. „Judge signs Aniston-Pitt divorce papers“. USA Today. Associated Press. August 22, 2005. Архивирано од изворникот на January 13, 2012. Посетено на November 14, 2008.
  4. Mock, Janet. „Brad Pitt Biography“. People. стр. 1. Архивирано од изворникот на August 9, 2011. Посетено на February 25, 2009.
  5. Gliatto, Tom (June 30, 1997). „Love Lost“. People. Архивирано од изворникот на March 1, 2009. Посетено на February 25, 2009.
  6. Mark Harris (October 15, 2008). „The Mommy Track“. The New York Times. Архивирано од изворникот на May 4, 2015. Посетено на August 27, 2017.
  7. Празен навод (help)
  8. „Brad Pitt to adopt Jolie children“. BBC. December 3, 2005. Архивирано од изворникот на September 18, 2015. Посетено на July 26, 2015.
  9. „Judge says Jolie's children can take Pitt's name“. MSNBC. Associated Press. January 19, 2006. Архивирано од изворникот на April 30, 2011. Посетено на May 15, 2008.
  10. „CNN Transcripts“. CNN. June 7, 2006. Архивирано од изворникот на July 29, 2012. Посетено на November 14, 2008.
  11. „Angelina Jolie files for divorce from Brad Pitt 'for the health of the family'. The Daily Telegraph. September 20, 2016. Архивирано од изворникот на September 20, 2016. Посетено на September 20, 2016.
  12. „Пријателите шокирани, „љубовницата“ демантира“, Дневник, година XX, број 6172, четврток, 22 септември 2016, стр. 23.
  13. Smith, Russell (October 19, 1993). „Brad Pitt Only Does Interesting Movie Roles“. Deseret News. стр. EV6. Архивирано од изворникот на May 4, 2017. Посетено на May 4, 2017. It was in 1991, when he hitched his ride with Geena Davis and Susan Sarandon in Thelma & Louise, that Pitt's star began to twinkle in earnest.
  14. „HFPA – Awards Search“. Golden Globes Official Website. Архивирано од изворникот на August 11, 2011. Посетено на May 16, 2008.
  15. „Brad Pitt 'Sexiest Man Alive'. BBC News. November 2, 2000. Архивирано од изворникот на January 17, 2012. Посетено на November 15, 2008.
  16. Judy Faber (June 6, 2007). „George Clooney Sizes Up Brad Pitt's Feet“. CBS News. Архивирано од изворникот на August 24, 2009. Посетено на November 15, 2008.