Шпринге (германски: Springe) — град во округот Хановер, во сојузната покраина Долна Саксонија, Германија. Се наоѓа на ридскиот масив Дајстер, околу 22 километри југозападно од покраинскиот главен град Хановер.

Шпринге

Springe

Замокот Шпринге
Замокот Шпринге
Грб на Шпринге
Шпринге is located in Германија
Шпринге
Управа
Земја Германија
Покраина Долна Саксонија
Округ Хановер
Градски единици 12
Градоначалник Кристијан Шпрингфелд (СлДП)
Основни податоци
Површина 159,78 км2
Надм. височина 107 м
Население 29.013 (31 декември 2019)[1]
 - Густина 182 жит/км2
Други информации
Часовен појас CET/CEST (UTC+1/+2)
Рег. табл. H
Пошт. бр. 31832
Повик. бр. 05041, 05044, 05045
Портал springe.de
Местоположба на градот Шпринге во рамките на округот Хановер
Карта
Координати 52°13′0″N 9°33′0″E / 52.21667° N; 9.55000° E / 52.21667; 9.55000Координати: 52°13′0″N 9°33′0″E / 52.21667° N; 9.55000° E / 52.21667; 9.55000

ГеографијаУреди

МестоположбаУреди

Градот се наоѓа на ридскиот масив Дајстер. Тука извира реката Халер, по која во средниот век градот бил наречен Халершпринг (Hallerspring).

Градски единициУреди

  • Шпринге (јадрото) со 13.193 жители
  • Бенигсен со 4.061 жители
  • Фелксен со 3.362 жители
  • Елдагсен со 3.303 жители
  • Гесторф со 1.756 жители
  • Алтенхаген I со 1.240 жители
  • Лидерсен со 1.009 жители
  • Алвесроде со 500 жители
  • Алферде со 531 жители
  • Холтенсен со 436 жители
  • Мителроде со 288 жители
  • Бојцум со 173 жители

состојба: 30 јуни 2018 г.

Соседни општиниУреди

Шпринге се граничи со следниве општини и градови (почнувајќи од север, надесно) Барзингхаузен, Венигзен (Дајстер), Роненберг, Хеминген и Патензен (регион Хановер), Нордштемен и Елце (округ Хилдесхајм), како и Залцхемендорф, Копенбриге и Бад Миндер (округ Хамелн-Пирмонт).

ИсторијаУреди

Шпринге бил првпат споменат во 1013 година како Халершпринге (Hallerspringe). Во описот на границите на Хилдесхајмската епископија од транскрипт без датум, Шпринге бил споменат како Хелерајспринг (Helereisprig). Иако без датум по обликот и содржината може да се заклучи дека е документ од X век. Грофовите на Халермунд изградиле градба како тврдина на местото каде што е сега Шпринге откако го изгубиле замокот Халермунд на Клајнер Дајстер од Велфската династија во 1282 година. Владееле со нивната грофовија од нивното ново седиште, од кое подоцна израснал Шпринге. Создавањето на грофовско седиште и зацврстувањето на положбата довеле во XIII век да добие градски права. Во средниот век, Шпринге долго време бил седиште на грофовите на Халермунд и нивните наследници, странична линија на грофот на Кефернбург. Од нивната површина подоцна бил создаден Амт Шпринге, а по повеќе преименувања и проширување и округот Шпринге во 1884 година.

До крајот на X век се појавиле и првите споменувања за другите места, кои денес се дел од градот Шпринге. До 1300 година сите постоечки села биле именувани.

Развојот на областа се поврзува со преминот на Дајстер, граница помеѓу низината и планината, што била соодветна точка за пренос на стоки помеѓу Хановер и Хамелн. Понатамошниот развој се случил со изградбата на денешниот автопат Б217 во XVIII век и завршувањето на железничката линија помеѓу Хановер и Алтенбекен во 1872 година.

Постоел постојан развој кон среден град по крајот на Првата светска војна и уште повеќе по крајот на Втората светска војна (во 1933 година, населението било 3.912). До административните реформи во 1974 година, Шпринге бил окружно седиште. Потоа, истоимениот округ бил припоен кон округот Хановер, кој на 1 ноември 2001 година, станал денешниот регион Хановер. Денес, околу 13.000 жители живеат во самиот град.

ПолитикаУреди

Градски советУреди

Градскиот совет се состои од 35 членови. Распределбата на места во советот, избрани на 11 септември 2016 година[2] 2011 година[3] и 2006 година:

CDU SPD Зелени FDP Левица FWS AfD Независен Вкупно
2016 13 11 4 2 1 1 2 1 35 места
2011 13 13 7 1 1 1 36 места
2006 15 16 3 2 36 места

ГрадоначалникУреди

Градоначалник е Кристијан Шпрингфелд (FDP). На изборите на 31 јануари 2016 година бил избран со 55% од гласовите.

досегашни
  • до 2002: Герд Швигер (SPD)
  • 2002–2015: Јерг-Рогер Хише (независен)
  • 2015–2016: немало; Герд-Дитер Валтер како вршител на должност
  • од 2016: Кристијан Шпрингфелд (FDP)

Збратимени градовиУреди

Шпринге е збратимен со следниве градови:

Постои партнерство со градот Милич во Полска

Познати луѓеУреди

ГалеријаУреди

НаводиУреди

  1. „Населеност на окрузите, општините и месните заедници во Долна Саксонија на 31 декември 2019“. Служба за статистика и комуникациска технологија на Долна Саксонија. 31 декември 2019. (германски)
  2. WRS Softwareentwicklung GmbH. „Gemeindewahl 2016“. Посетено на 2017-04-22.
  3. Hannoversche Allgemeine, 12. September 2011

Надворешни врскиУреди