Хамелн-Пирмонт (германски: Hameln-Pyrmont) — округ (Landkreis) во сојузната покраина Долна Саксонија, Германија. Се граничи со (од север надесно) окрузите Шаумбург, Хановер, Хилдесхајм и Холцминден и сојузната покраина Северна Рајна-Вестфалија (округот Липе).

Хамелн-Пирмонт
Landkreis Hameln-Pyrmont

округ
Грб на Хамелн-Пирмонт Landkreis Hameln-Pyrmont
Земја Германија
ПокраинаДолна Саксонија
СедиштеХамелн
Површина
 • Вкупна796 км2 (307 ми2)
Население (31 декември 2020)[1]
 • Вкупно148.580
 • Густина190/км2 (480/ми2)
Часовен појасCET (UTC+1)
 • Лете (ЛСВ)CEST (UTC+2)
Рег. таб.HM
Мреж. местоhameln-pyrmont.de

Историја уреди

Округот Хамелн бил основан во 1885 година во рамките на пруската покраина Хановер. Во тоа време градот Пирмонт бил дел од Кнежевството Валдек-Пирмонт. Во 1921 година, Пирмонт на референдум одлучил да го напушти Валдек-Пирмонт и да се приклучи на Прусија. Пруската администрација го ставила градот во округот Хамелн, поради што округот бил преименуван во Хамелн-Пирмонт.

Во 1923 година, Хамелн станал слободен окружен град и не бил дел од округот до 1973 година, кога повторно бил припоен. Поголеми проширувања на територијата на округот се случиле во 1974 и во 1977 година, кога градовите Бад Миндер и Хесиш Олдендорф станале дел од округот.

Географија уреди

Округот се наоѓа во северниот дел на масивот Везерско Средногорје. Реката Везер влегува во округот од југ, тече низ Хамелн и излегува во северозападниот дел кај Ринтелн.

Грб уреди

Лавот е хералдичко животно на Грофовијата Еверштајн, кои ја владееле областа до 1429 година. Црвениот крст во рацето на лавот бил симбол на Пирмонт.

Градови и општини уреди

 
Градовите и општините во округот Хамелн-Пирмонт
Градови Слободни општини
  1. Бад Миндер
  2. Бад Пирмонт
  3. Хамелн
  4. Хесиш Олдендорф
  1. Емертал
  2. Ерцен
  3. Залцхемендорф
  4. Копенбриге

Поврзано уреди

Наводи уреди

  1. „Населеност на окрузите, општините и месните заедници во Долна Саксонија на 31 декември 2020“. Служба за статистика и комуникациска технологија на Долна Саксонија. јули 2021. (германски)

Надворешни врски уреди

Координати: 52°05′ N; 9°20′ E / 52.08° СГШ; 9.33° ИГД / 52.08; 9.33