Чеде Филиповски - Даме

'
	'
Роден	16 ноември 1923; Никифорово, Гостиварско
Починал	26 јуни 1945 (возр. 21); Радовиш;
Занимање	партизан
Сопружник	Жамила Колономос

Чеде Филиповски - Даме (Никифорово, Гостиварско, 16 ноември 1923 - 26 јуни 1945 во Радовиш)^[1] — македонски комунист, учесник во НОБ. Прогласен е за народен херој на 1 август 1949 година.

ЖивотописУреди

Филиповски е роден на 16 ноември 1923 во мавровското село Никифорово во семејството на Русе Филиповски. Негов помал брат е академскиот сликар Александар Филиповски. Бил ѕидарски работник во Белград. По Априлската војна во 1941 се вратил во Македонија. Бил еден од организаторите на НОВ во Мавровскиот крај, член на КПЈ и на МК на КПЈ (1941), член на РК на КПЈ за Маврово и раководител на Воениот штаб (1942), секретар на Околискиот комитет на КПМ (1943), заменик политички комесар во Мавровско-гостиварскиот партизански одред, командант на баталјон и заменик-командант на бригада (1943), заменик-командант и командант на Четириесет и осмата македонска девизија во 1944 година.

Посебно се истакнал во борбите за Кичево, Дебар, Кленоец, Пресека, Дебрца и Локов. Бил делегат на Првото заседание на АСНОМ.

Загинал кај Радовиш на 26 јуни 1945 година во сообраќајна несреќа, при судар на неговиот мотоцикл со автомобил од Штип за Струмица.

За народен херој бил прогласен на 2 август 1949 година.^[2]

Училишта наречени во чест на Чеде Филиповски:

Споменик на Чеде Филиповски во Гостивар
Нов спомен дом на Чеде Филиповски - Даме во село Никифорово (изграден 2002 г.)
Поранешен спомен дом на Чеде Филиповски - Даме во село Никифорово (сегашна ски школа, хостел)
Биста на Чеде Филиповски - Даме во село Никифорово
Биста на Чеде Филиповски - Даме во Маврови Анови

Александар Филиповски - Ацо „Чеде Филиповски - Даме: народен херој на Македонија“, Скопје, 2014.
„Народни херои од Македонија“, Наша книга, Скопје, 1973, стр. 399-403

'

Роден	16 ноември 1923 Никифорово, Гостиварско
Починал	26 јуни 1945(1945-06-26) (возр. 21) Радовиш
Занимање	партизан
Сопружник	Жамила Колономос