ФК Борусија Менхенгладбах

ФК Борусија Менхенгладбах, попознат како Менхенгладбах или само Гладбах, е германски фудбалски клуб од градот Менхенгладбах, Северна Рајна-Вестфалија.

Борусија Менхенгладбах
Целосно име	Борусија ВФЛ 1900 Менхенгладбах е.В.
Прекар	Ждребиња
Основан	1 август 1900
Локација	Менхенгладбах, Германија
Стадион	Борусија парк
Капацитет	54,057
Претседател	Ролф Кенингс
Тренер	Дитер Хекинг
Лига	Бундеслига
2021/22	Бундеслига, 10.
Мреж. место	Официјално мрежно место
Домашни бои Гостински бои
Тековна сезона

Клубот е основан во 1900 година, и во моментов се натпреварува во Бундеслигата, највиското ниво на германскиот фудбалски лигашки систем, во која својот прв настап во лигата го имале во текот на сезоната 1965-1966. Потоа клубот станал еден од најпознатите, со најмногу навивачи, и најуспешните тимови во Германија, откако ја освоиле Бундеслигата дури пет пати во текот на 1970-тите.

Од 2004 година, Борусија Менхенгладбах ги игра својте домешни натпревари на стадионот Борусија парк кој е со капацитет од 54.057 седечки места. Претходно тие настапувале на помалиот Стадион Бекелберг од 1919. Борусија Менхенгладбах има над 60.000 членови од септември 2013 година и е петти најголем клуб во Германија. Нивен најголем и главен соперник е екипата на Келн.

Името "Борусија" е латинизирана форма на Прусија, популарен термин за германски клубови кој доаѓаат од поранешното Кралството Прусија. Прекарот на клубот е Die Fohlen (превод на мак. ждребиња), и тој доаѓа од 70-тите години а се должи на тоа што Борусија тогаш имала млад тим со брз, агресивен стил на игра. Официјалната маскота на клубот е магаренцето Јинтер.

Историја

Борусија Менхенгладбах била основана како ФК Борусија во 1900 година во областа на Ајкен, Менхенгладбах. Борусија потекнува од латинизираната форма на Прусија, Кралството во кое бил сместен градот Менхенгладбах од 1815. До 1912 година, Борусија се натпреварувала во Фебандслигата, во тоа време највисокото клупско ниво во кое можете да се натпреварувате.

Во 1919 година, ФК Борусија се споила со друг локален клуб, Турнфераин Германија 1889, и станала 1899 ВфТУР М.Гладбах. Клубот го почувствувал првиот голем успех во 1920 година, победувајќи го во финалето БК Колнер со 3-1, со што го освоиле Западното првенство.

Сојузот помеѓу Германија и Борусија траел само две години; потоа клубот го добил денешното име Борусија ВФЛ 1900 Менхенгладбах е.В., или ФК Борусија Менхенгладбах.

Борусија Менхенгладбах за првпат се појавува во највисоката фудбалска дивизија во Германија во 1965 година, завршувајќи ја својата деби сезона во Бундеслигата на 13. место. Годините што следеле потоа самите го најавиле големиот успех на Гладбах на најголемата сцена во клупскиот фудбал. Играјќи со примамливо изграден стил околу талентирани играчи како Јуп Хајнкес и Гинтер Нецер, Менхенгладбах го освојува третото место две години едноподруго во 1968 и 1969 година.

Иако најдобрите времиња на клубот тек доправа следувале, Менхенгладбах ги освоил својте први две титули "Првак на Германија" во две поредни години 1970 и 1971 година, со што станале единствениот клуб, кој успеал да го задржи трофејот од претходната сезона до тогаш.

Четири години подоцна, под водство на легендарниот тренер, Удо Латек, Борусијанците отишле едно скалило погоре за да го соборат нивниот сопствен рекорд, за освојување на Бундеслигата трипати по ред во периодот од 1975 до 1977 година.

Додека доминирале на домашната сцена, Гладбах, исто така импресионирал и на континентот, кревајќи го трофејот од Купот на победниците на куповите во два наврати во 1973 и 1975 година, пред да стигне до финалето на Европскиот куп во 1977 година, каде загубиле од Ливерпул со 3-1.

Во тој славен осумгодишен период, Берти Фогтс и неговите соиграчи одиграле дури пет финалиња во европските натпреварувања, освојувајќи две и биле поразени во три.

Потоа за клубот следуваат долги години во кој играат споредна улога во германското првенство сè до 2011 година кога на позицијата тренер бил назначен Лусиен Фавр. Со Фавр ждребињата повторно се враќаат во врвот на Бундеслигата како една од фудбалските сили во Германија.

Во првата сезона по пристигнувањето, Фавр најпрво го спасил клубот од испаѓање преку бараж натпреварот за опстанок во лигата, а потоа изградил добра екипа со што неговата прва целосна кампања на клупата на Борусија била многу успешна, завршувајќи на изненадувачкото четвртото место за сезоната 2011-2012. Во сезоната 2014-2015 ги одвел ждребињата до третото место на табелата во Бундеслигата на крајот на сезоната, и за прв историски пат до место во групната фаза од Лигата на шампионите.

Екипата на Борусија Менхенгладбах во сезоната 2014-2015, пред натпреварот на домашен терен против Бајер Леверкузен на 9 мај 2015 година

Меѓутоа, почетокот на сезоната 2015-2016 бил катастрофален за Фавр бидејќи клубот забележал пет порази во исто толку натпревари, што го натерало швајцарскиот тренер да поднесе оставка и да му ја препушти функцијата на тренерот на У23 тимот, Андре Шуберт.

Пласман по сезони

Сезона Лига Место Куп 1963-1664 Регионална лига 8º 1964-1965 Регионална лига 1º 1965-1966 Бундеслига 13º 1966-1967 Бундеслига 8º 1967-1968 Бундеслига 3º 1968-1969 Бундеслига 3º 1969-1970 Бундеслига 1º 1970-1971 Бундеслига 1º 1971-1972 Бундеслига 3º 1972-1973 Бундеслига 5º 1º 1973-1974 Бундеслига 2º 1974-1975 Бундеслига 1º 1975-1976 Бундеслига 1º

Сезона Лига Место Куп 1976-1977 Бундеслига 1º 1º 1977-1978 Бундеслига 2º 1978-1979 Бундеслига 10º 1979-1980 Бундеслига 7º 1980-1981 Бундеслига 6º 1981-1982 Бундеслига 7º 1982-1983 Бундеслига 12º 1983-1984 Бундеслига 3º 2º 1984-1985 Бундеслига 4º 1985-1986 Бундеслига 4º 1986-1987 Бундеслига 3º 1987-1988 Бундеслига 7º 1988-1989 Бундеслига 6º

Сезона Лига Место Куп 1989-1990 Бундеслига 15º 1990-1991 Бундеслига 9º 1991-1992 Бундеслига 13º 2º 1992-1993 Бундеслига 9º 1993-1994 Бундеслига 10º 1994-1995 Бундеслига 5º 1º 1995-1996 Бундеслига 4º 1996-1997 Бундеслига 11º 1997-1998 Бундеслига 15º 1998-1999 Бундеслига 18º 1999-2000 2.Бундеслига 5º 2000-2001 2.Бундеслига 2º 2001-2002 Бундеслига 12º

Сезона Лига Место Куп 2002-2003 Бундеслига 12º 2003-2004 Бундеслига 11º 2004-2005 Бундеслига 15º 2005-2006 Бундеслига 10º 2006-2007 Бундеслига 18º 2007-2008 2.Бундеслига 1º 2008-2009 Бундеслига 15º 2009-2010 Бундеслига 12º 2010-2011 Бундеслига 16º 2011-2012 Бундеслига 4º 2012-2013 Бундеслига 8º 2013-2014 Бундеслига 6º 2014-2015 Бундеслига 3º

Играчи

Моментален состав

Бр. Позиција Играч 1 ГМ Јан Зомер 3 ОД Андреас Кристенсен 4 ОД Роел Брауверс 6 СР Хавард Нордтвеит 7 СР Патрик Херман 8 СР Махмуд Дауд 9 НП Јосип Дрмиќ 10 СР Торган Азар 11 СР Рафаел 13 СР Ларс Штиндл 14 ОД Нико Шулц 15 ОД Алваро Домингес 16 СР Ибраима Траоре 17 ОД Оскар Вендт

Бр. Позиција Играч 18 СР Марвин Шулц 19 ОД Фабијан Џонсон 20 ОД Нико Бранденбургер 21 ГМ Тобијас Зипел 24 ОД Тони Јантшке 27 ОД Јулијан Корб 28 СР Андре Хан 30 ОД Нико Елведи 31 НП Бранимир Хргота 33 ГМ Кристофер Хајмерот 34 СР Гранит Џака 36 НП Марлон Ритерr 39 ОД Мартин Штранцл (к)

Тренери низ историјата

• Ханс Кратшмер (1946–49)
• Вернер Сотонг (1949–50)
• Хајнц Дитгенс и Паул Пол (1950–51)
• Фриц Плишка (1951–53)
• Фриц Силкен (1953–55)
• Клаус Дондорф (1955–57)
• Фриц Пишка (1957–60)
• Бернд Олес (1960–62)
• Фриц Лангнер (1 јули 1962 – 25 април 1964)
• Хенес Вајсвајлер (1 јули 1964 – 30 јуни 1975)
• Удо Латек (1 јули 1975 – 30 јуни 1979)
• Јуп Хајнкес (1 јули 1979 – 30 јуни 1987)
• Волф Вернер (1 јули 1987 – 21 ное 1989)
• Герд вом Брух (22 ное 1989 – 25 сеп 1991)
• Бернд Краус (25 сеп 1991 – 7 окт 1991)
• Јирген Гелсдорф (3 окт 1991 – 5 ное 1992)
• Бернд Краус (6 ное 1991 – 7 дек 1996)
• Ханес Бонгартс (19 дек 1996 – 29 ное 1997)

• Норберт Мајер (1 дек 1997 – 31 март 1998)
• Фридел Рауш (1 април 1998 – 10 ное 1998)
• Рајнер Бонхоф (10 ное 1998 – 31 авг 1999)
• Манфред Штефес (1999–00)
• Ханс Мејер (7 сеп 1999 – 1 март 2003)
• Евалд Линен (2 март 2003 – 21 сеп 2003)
• Холгер Фах (21 сеп 2003 – 27 окт 2004)
• Хорст Копел (27 окт 2004 – 1 ное 2004)
• Дик Адвокат (2 ное 2004 – 18 април 2005)
• Хорст Копел (18 април 2005 – 14 мај 2006)
• Јерн Андерсен (14 мај 2006 – 30 јуни 2006)
• Јуп Хајнкес (1 јули 2006 – 2 фев 2007)
• Јос Лухукај (31 јан 2007 – 5 окт 2008)
• Кристијан Циге (5 окт 2008 – 18 окт 2008)
• Ханс Мејер (18 окт 2008 – 28 мај 2009)
• Михаел Фрончек (1 јули 2009 – 13 феб 2011)
• Лусиен Фавр (14 фев 2011 – 20 сеп 2015)
• Андре Шуберт (21 сеп 2015-)

Андре Шуберт моменталниот тренер на Борусија Менхенгладбах.

Титули

Домашни

Бундеслига : 5

1969–1970, 1970–1971, 1974–1975, 1975–1976, 1976–1977

2.Бундеслига : 1

2007–2008

Куп на Германија : 3

1959–1960, 1972–1973, 1994–1995

Финалист (2) : : 1983–1984, 1991–1992

Суперкуп на Германија : 1

1977 (неофицијално)

Финалист (1) : : 1995

Лига куп:

Финалист (1) : : 1972-1973

Европски

Европски куп:

Финалист (1) : : 1976–77

Куп на УЕФА: 2

1974–1975, 1978–1979

Финалист (2) : : 1972–1973, 1979–1980

Интернационални

• Интерконтинентален куп:

Финалист (1) : : 1977

Младински

Германско првенство за играчи под 17 години : 1

1981

Бундеслига - Запад за играчи под 17 години

2009

Спонзори и производители на опрема

Спонзори 1976-1980: Erdgas 1980-1983: Datsun 1983-1990: Erdgas 1990-1992: Tuborg 1992-1994: Trigema 1994-1997: Diebels 1997-2002: Belinea 2002-2005: Jever 2005-2009: Kyocera 2009-2020: Postbank 2020-денес: Flatex

Опрема 1976-1992: Пума 1992-1995: Есикс 1995-2003: Рибок 2003-2013: Лото 2013-2018: Капа 2018-денес: Пума

Вториот тим

Борусија Менхенгладбах II
Стадион	Стадион Гренцл Менхенгладбах, Германија
Капацитет	10,000
Тренер	Ари ван Лент
Лига	Регионална лига - Запад
2014–15	Регионална лига - Запад, 1-ви
Домашни бои Гостински бои
Тековна сезона

ФК Борусија Менхенгладбах II е исто така професионален тим кој во моментов се натпреварува во четвртата лига по ранг односно Регионалната лига - Запад. Тимот содржи млади играчи на возраст до 23 години кој подоцна можат да бидат прекомандувани во првиот тим.

Моментален состав

Бр. Позиција Играч 1 ГМ Мартин Компала 2 ОД Јоел Меро 3 ОД Кристофер Ленц 4 ОД Тим Книпинг 5 ОД Штефен Нкансах 6 СР Мишел Водач 7 ОД Малте Берауер 9 НП Марио Родригес 10 НП Марлон Ритер 11 НП Квами Јебоа 12 ОД Вилфрид Сар 13 СР Џибрил Со

Бр. Позиција Играч 14 ОД Мандела Егбо 15 СР Билал Сезер 16 СР Бено Мор 17 НП Џанлука Рицо 18 НП Џузепе Писано 19 СР Кевин Холцвеилер 20 СР Џошуа Холтби 21 НП Томас Краус 22 ОД Нилс Рутен 23 ОД Оливер Станг 29 ГМ Мориц Николас

Надворешни врски

• Официјално мрежно место на клубот
• Борусија Менхенгладбах на Soccerbase
• Борусија Менхенгладбах на Transfermarkt
• Борусија Менхенгладбах на официјалната страна на УЕФА