Фабијан Џонсон

Фабијан Џонсон (роден на 11 декември 1987 година) — американски фудбалер роден во Германија, играч од средниот ред на Борусија Менхенгладбах и на американската репрезентација.

Фабијан Џонсон
Лични податоци
Роден на	11 декември 1987(1987-12-11)
Роден во	Минхен, Германија
Висина	&100000000000001830000001,83 м
Позиција	лев бек, среден ред
Клупски податоци
Сегашен клуб	Б. Менхенгладбах
Број	19
Младинска кариера
	Минхен 1860
Кариера*
Години	Клуб	Наст.	(Гол.)
2005-2007	Минхен 1860 II	42	(0)
2006-2009	Минхен 1860	90	(4)
2009-2011	Волфсбург	16	(1)
2011-2014	Хофенхајм	77	(5)
2014-	Б. Менхенгладбах	21	(1)
Репрезентација ‡
2005-2006	Германија 19	10	(0)
2006-2007	Германија 20	4	(0)
2010-2011	Германија 21	6	(0)
2011-	САД	29	(1)
* Ажурирано на: 15 февруари 2012 ** Ажурирано на: 15 февруари 2012

Кариера

Клупска кариера

Роден во Минхен Џонсон во почетокот на својата кариера играл на повеќе позиции. Од 1991 до 1996, тој играл во младинските екипи на клубот Спортфреунде Минхен. Во 1996 година, Џонсон дошол во екипата на Минхен 1860, каде што поминал низ сите младински категории сè до категоријата под 23 години, односно Минхен 1860 II. На 11 декември 2004 година, тој го одиграл својот натпревар за вториот тим на Минхен 1860 во Регионалната лига - Југ. До 2007 година, тој одиграл 43 натпревари за вториот тим на лавовите.

Својот прв професионален настап, Џонсон го имал на 19 март 2006 година во 2. Бундеслига, кога тој влегол во игра во последните моменти од натпреварот против Падерборн 07. До крајот на сезоната 2005-2006 сезона, тој влегувал во игра како замена уште во три други натпревари. Пред почетокот на сезоната 2006-2007 значајно за Џонсон било назначувањето на Валтер Шахнер за нов тренер на Минхен 1860. До 2009 година, тој направил 90 лигашки настапи за клубот, при што постигнал и четири гола. Покрај тоа, тој одиграл и шест натпревари во Купот на Германија во кој исто така успеал да постигне еден погодок.

Во летото на 2009 година, Џонсон се преселил во Првата Бундеслига, потпишувајќи за Волфсбург. Како дефанзивен играч, тој во почетокот имал потешкотии да се избори за место во почетната постава на волците покрај поискусните играчи како Марсел Шефер или Заша Ритер. На 12 септември 2009 (во 5-тото коло), тој го направил своето деби за Волфсбург (воедно и во Бундеслигата) во поразот на домашен терен со 2-3 од Бајер Леверкузен, влегувајќи како замена за Кристијан Гентнер во 76-тата минута Вкупно до крајот на сезоната, тој бил вклучен во игра само на десет натпревари. Следната сезона била многу полоша за Џонсон и тој одиграл само шест првенствени натпревари, од кои на три се појавил како замена и тоа во последните минути од натпреварите.

На 3 јуни 2011 година, Џонсон објавил дека го напушта Волфсбург и е пред трансфер во екипата на Хофенхајм. Џонсон дебитирал за Хофенхајм на 6 август 2011, во поразот на неговиот клуб од Хановер со 2-1. Неговиот прв погодок за новиот клуб го постигнал на 28 јануари 2012, на Сигнал-Идуна Парк, во поразот од Борусија Дортмунд со 3-1.

На 24 февруари 2014, неколку месеци пред истекот на неговиот договор со Хофенхајм, Џонсон потврдил дека се договорил со екипата на Борусија Менхенгладбах да им се приклучи како слободен играч во текот на летото 2014. На 24 август 2014 година, тој го имал својот прв настап во лигата за Борусија Менхенгладбах, влегувајќи како замена во 72-рата минута од натпреварот на домашен терен против Штутгарт. На 13 септември 2014 година, тој го направил својот прв старт во лигата во победата на домашен терен со 4-1 над Шалке 04. На 3 ноември 2015, тој го постигнал својот прв погодок во Лигата на шампионите во неговата кариера, во ремито 1-1 на домашен терен против Јувентус.

Репрезентативна кариера

Иако е роден во Германија, Џонсон се одлучил да ја претставува репрезентацијата на САД. Своето деби го направил на 11 ноември 2011, во поразот со 1-0 од Франција во пријателски натпревар.

Надворешни врски

• Фабијан Џонсон на soccerway
• Фабијан Џонсон на transfermarkt