Рајн-Некар Левен
Рајн-Некар Левен — ракометен клуб од Манхајм, Германија. Клубот бил основан во 2002 година со спојување на ТСГ Кронау и ТСГ Баден Естринген, а сегашното име на клубот датира од 2007 година[2]. Моментално се натпреварува во Бундеслигата, првата лига на Германија, а минатата сезона завршиле на второто место зад ТХВ Кил.
| Рајн-Некар Левен | |||
|---|---|---|---|
 | |||
| Целосен назив | Рајн-Некар Левен | ||
| Основан | 2002 | ||
| Игралиште | САП Арена, Манхајм | ||
| Приемност | 14.500[1] | ||
| Главен тренер |  Кристијан Андерсон | ||
| Лига | Бундеслига | ||
| 2018-2019 | 4ти | ||
| Бои | |||
| Клупски бои | |||
| Дресови | |||
| |||
| Мреж. место Матична страница | |||
Рајн-Некар Ловен се тим во ракометната Бундес лига, која е основана во 2002 година како синдикат СГ Кронау / Шстринген и го има сегашното име од 2007 година. Лавовите своите домашни натпревари ги играат во САП арената во Манхајм, која има капацитет од 15.000 луѓе.
Историја уреди
ТСВ Остринген, еден од двата претходни клуба на лавовите, бил основан во 1900 година и во 1927 година го основал својот прв клупски состав. Во 1926 година, другиот клуб, ДЈК Кронау, започнал ракометот да го практикува како главен спорт. Во 1932 година станал шампион во Баден и Јужна Германија во картегоријата голем ракомет. Во полуфиналето за германското првенство (ДИК) во Дортмунд, тие биле поразени од идниот шампион ДЈК Стирум 06 (Малхајм а.д.Рур) со 6:11 пред 35.000 гледачи - ослабени поради отсуството на голманот поради повреда. Три години подоцна, Кронау бил основан од спојувањето на ДЈК и СВ Викторија 1904. Во 1946 година спојување било направено и кај Остринген, помеѓу ДЈК Остринген и ТСВ Остринген. Оваа екипа се квалификувала за првпат во 1957 година во финалето за првенството во Баден, но ги загубила двата натпревари. Екипта на едно од финалињата била катастрофално поразена од СГ Лејтхаузен со вкупен резултат од 1:16. Кронау, исто така, останал на дванаесетто односно последно место во своето прво учество во последното коло од Баденското првенство во 1965 година, но успеал да се искачи на единаесеттото место во последното коло од Баденското првенство во наредната сезона.
Откако била воведена двостепената Бундес лига како највисока германска лига за сезоната 1966/67 и Оберлига Баден, највисоката Баден и втора највисока германска лига, ТСГ Кронау испаднал од лигата во својата прва сезона. Пет години подоцна тимот не успеал да се врати во Оберлига. Во Црвената спортска сала преполна со 1.100 гледачи во одлучувачкиот натпревар против СГ Валдорф-Асторија, екипата била поразена со вкупен резултат од 9:11. Сепак, една година подоцна, како шампион на новововедената Ландеслига, екипата била промовирана во Оберлига Баден. Во 1978 година, ТСВ Остринген исто така успеал да влезе во елитната Оберлига Баден и четири сезони подоцна во Регионалигата лига, каде се задржал две години, кога повторно испаднал од лигата. Во 1985 година Кронау испаднал од Оберлигата, додека Остринген повторно влегол во Регионалната лига во 1989 година, а истата година Кронау пак се вратил во Оберлига Баден. Во 1993 година Кронау влегол во Регионалната лига - југ. Но, две сезони подоцна следело во испаѓање на ТСГ Кронау во Оберлига Баден. Во истата година, ТСВ Остринген стигнал до втората позиција на Бундес лига Југ. Во 1996 година младинскиот тим на ТСГ Кронау ја прославил титулата германски шампион во одлучувачката победа над РК Магдебург. Кронау и Бад-Шенборн следната година се обединиле и екипата успеала да влезе во Регионалната лига во 1999 година, па дури и завршила на втората позиција во 2000 година. Во 2002 година, ТСВ Баден Остринген не успеал како второпласиран во Втората Бундес лига Југ, да се пласира во Првата Бундес лига, поради поразот од Вилхелмсхавенер (21:25, 24:21).
СГ Кронау/Остринген конечно се појавил на сцена на 1 јули 2002 година со спојувањето на ТСГ Кронау со ТСВ Баден Остринген. Своите домашни натпревари екипата ги играла во салата Рајн-Некар. Во следната сезона, екипат успеала да влезе во Првата Бундес лига, но во 2004 година следело испаѓање. Но по само една сезона, во 2005 година, екипата повторно успеала да влезе во Првата Бундес лига. Домашните натпревари од сезоната 2005/06 година започнале да се играат во новоизградената САП Арена во Манхајм. Во 2006 година, СГ Кронау/Остринген стигнал до финалето за Купот на ДХБ, кој бил загубен од ХСВ Хамбург со 25:26. Во следната сезона, екипата стигнала до финалето за Купот на ДХБ и повторно била поразена, овој пат од ТХВ Кил со вкупен резултат од 31:33, иако имале водство од 22:18. Првиот тим за мажи тогаш бил официјално преименуван во Рајн-Некар Левен[3].
Во 2008 година, Рајн-Некар Левен за првпат во својата историја стигнале до финалето од Купот на победниците на куповите, но Лавовите биле поразени од страна на унгарскиот РК Веспрем (32:37, 28:28). Во истата сезона, младите категории на СГ Кронау/Остринген ја освоиле германската шампионска титула со конечна победа над РК Магдебург. На крајот на сезоната 2008/09 година, Рајн-Некар Левен го освоил третото место во Бундеслигата. Кога за првпат учествувале во Лигата на шампиони, екипата стигнала до полуфиналето. Во 2010 година повторно стигнал до финалето на ДХБ Купот, но Рајн-Некар Левен загубила по третпат, овој пат против ХСВ Хамбург со 33:34.
На 19 мај 2013 година, Лавовите го освоиле Европскиот куп на ЕХФ, наследник на Купот на победниците на куповите. Во финалето на Фајнл-фор турнирот тие биле подобри против домаќинот ХБЦ Нант со 26:24 и со тоа ја обезбедиле првата титула во историјата на клубот[4] .
Во сезоната 2013/14, Рајн-Некар Левен стигнал до последната четвртина од Купот на ДХБ по седми пат, каде што загубиле од СГ Фленсбург со резултат од 26:30. Во Лигата на шампионите стигнале до четвртфиналето, каде на домашен терен биле подобри против РК Барселона со резултат од 38:31, но во вториот натпревар во Барселона, Рајн-Некар Левен бил поразен со вкупен резултат од 24:31, и поради головната разлика, екипата не успеала да се квалификува во следната фаза. Во Бундеслигата, поради својата подобра гол разлика од седум гола од ТХВ Кил, тимот успеал да влезе во завршната фаза во првенството со мотив да се бориза шампионската титула. Тие биле подобри од ВфЛ Гумерсбах со 40:35, но останале на втората позиција во сезоната.
Николај Бредал Јакобсен станал нов тренер за сезоната 2014/15, но во сезоната уште еднаш екипата завршила на втората позиција зад Кил, додека во купот бил поразен од РК Фленсбург, кој подоцна победил на турнирот. Европската кампања 2014/2015 не се покажала толку добра, откако по квалификациите во четвртфиналето благодарение на третото место во групата Ц, зад унгарскиот тим РК Веспрем и македонскиот РК Вардар, клубот ги изгубил своите два натпревари во шеснаесетфиналето против последниот победник во Купот на ЕХФ, Сегед, со резултат од 30-34 и 29-31.
Во следната сезона 2015/16 година, Рајн-Некар-Левен за првпат станал германски шампион. На крајот на сезоната, тимот имал еден бод предност пред СГ Фленсбург-Хандевит и имал далеку најдобра гол разлика кај сите тимови. Во 2016 година Лавовите исто така го освоиле Суперкупот победувајќи го Магдебург (27:24), но во купот биле поразени. Во Лигата на шампиони повторно не постигнале значаен успех, бидејќи биле поразени во шеснаесетфиналето од РК Загреб.
Освен победата на стартот на сезоната во Суперкупот, сезоната 2016/17 била сосема слична со оглед на тоа што Лавовите ја задржиле титулата шампион, биле елиминирани во полуфиналето на купот и во нокаут фазите од Лигата на шампиони
Во сезоната 2017/2018, клубот повторно се пласирал во нокаут фазите од Лигата на шампионите. Принудени да се соочат со Кил во германската лига во ист ден како и нивниот осминафинален натпревар, Рајн-Некар Левен го одбил предлогот на ЕХФ да се променат датите за натпреварот, односно првиот натпревар да се одигра на домашен а вториот на гостински терен, под изговор дека ќе ја изгуби наводната придобивка од реванш мечот дома. Како резултат на тоа, Лавовите со својот резервен тим доживеале тежок пораз со вкупен резултат од 41-17 во Полска, разнишувајќи ја секоја надеж за пласман во четвртфиналето. Од друга страна, клубот доминирал на националната сцена со освојување на својот втор Суперкуп, а потоа и својот прв германски куп во 2018 година. Како водач во лигата, кој загубил неколку натпревари на крајот на сезоната и бил престигнат од Фленсбург, на крајот од сезоната не успеал да освои тројна круна.
Останати тимови уреди
Покрај тимот на Бундеслигата, уште 22 други екипи во Кронау и во Остринген настапуваат во различни лиги во Германија. Вториот машки тим настапува третата ракометна лига на Германија - југ (сезона 2017-2018), трета Бден лига и 4-та и 5-та регионална лига. Жените се претставени од два тима. Едниот се натпреврува во регионалната лига а другата во окружната лига. Осум машки, четири женски и три мешани екипи играат во младинскиот оддел. Машките младинци А, Б и Ц играат во највисока дивизија, како и женските младинци во Б и Ц дивизија.
Од 2017 година, сите екипи настапуваат под името Рајн-Некар Левен.
Фан клуб уреди
Обожавателскиот клубот е наречен „Баден-Лавови“ и се опишува себеси како „Поддржувач на СГ Кронау/Остринген“. Заедно со Кил „Зебрите“ и „Баден „лавовите“ се најголемиот навивачки клуб во ракометната бундеслига. „Баден-лавовите“ се првиот официјален обожавателски клуб на СГ Кронау/Остринген и регистрирани 469 членови во април 2010 година. За секоја игра на домашен терен од домашното првенство, тие создаваат списание. Од сезоната 2014/2015 година, кругот на навивачките клубови се проширил.
Играчи уреди
| Број | Земја | Име | Позиција | Дата на раѓање | Висина | Во тимот од | Во тимот до | Дојден од клубот |
|---|---|---|---|---|---|---|---|---|
| 1 |  Шведска
|
Микаел Апелгрен капитен | Голман | 06.09.1989 | 1,92 m | 2015 | 2023 | МТ Мелсунген |
| 12 | Шведска
|
Андреас Паличка | Голман | 10.07.1986 | 1,89 m | 2016 | 2022 | РК Олборг |
| 16 |  Германија
|
Џан Аданир | Голман | 20.05.1999 | 1,90 m | 2018 | 2020 | ХСГ Ханау |
| 2 |  Швајцарија
|
Енди Шмид | бек | 30.08.1983 | 1,90 m | 2010 | 2022 | РК Силкеборг |
| 3 | Германија
|
Уве Геншајмер | крило | 26.10.1986 | 1,88 m | 2019 | 2022 | РК Париз Сен-Жермен |
| 6 |  Данска
|
Никлас Киркелеке | бек | 26.03.1994 | 1,95 m | 2019 | 2021 | РК Свендборг |
| 8 |  Франција
|
Ромен Лагард | бек | 05.03.1997 | 1,94 m | 2019 | 2023 | РК Нант |
| 17 | Шведска
|
Jerry Tollbring | крило | 13.09.1995 | 1,82 m | 2017 | 2023 | РК Кристијанстад |
| 19 | Германија
|
Филип Ахонску | бек | 02.05.2001 | 2,03 m | 2017 | 2022 | РК Хансу |
| 20 |  Србија
|
Илија Абутовиќ | бек | 02.08.1988 | 2,02 m | 2018 | 2023 | РК Вардар |
| 22 | Данска
|
Мадс Менса Ларсен | бек | 12.08.1991 | 1,88 m | 2014 | 2020 | РК Олборг |
| 23 | Германија
|
Штефен Фет | бек | 04.04.1990 | 1,94 m | 2018 | 2021 | Фихсе Берлин |
| 24 | Германија
|
Патрик Грецки | крило | 04.07.1989 | 1,89 m | 2007 | 2023 | РК Пфорцхајм |
| 30 |  Шпанија
|
Гедеон Гвардиола | пикер | 01.10.1984 | 1,99 m | 2012 | 2020 | СДЦ Сан Антонио |
| 32 |  Исланд
|
Александер Петерсон | бек | 02.07.1980 | 1,86 m | 2012 | 2021 | Фихсе Берлин |
| 36 | Шведска
|
Јеспер Нилсен | пикер | 30.08.1989 | 2,00 m | 2018 | 2021 | РК Париз Сен-Жермен |
| 77 | Германија
|
Тим Ганц | крило | 03.06.1997 | 1,85 m | 2017 | 2020 | Рајн-Некар Левен 2 |
| 80 | Германија
|
Јаник Колбахер | пикер | 19.07.1995 | 1,93 m | 2018 | 2023 | ХСГ Вецлар |
| Исланд
|
Кристјан Андерсон | тренер | 27.03.1981 | 1,82 m | 2019 | 2022 | РК ГУИФ | |
| Германија
|
Оливер Рогич | спортски тренер | 25.08.1978 | 2,02 m | 2016 |
Засилувања 2019/20 уреди
|
Засилувања 2019/20 уреди |
Засилувања 2020/21 уреди |
Заминувања 2020/21 уреди |
Блокирани бројки на дресови уреди
Од 2015 година, екипата во чест на играчите кои придонеле за клубот, ги блокирала нивните бројки на дресовите, односно активните играчи неможат да ги носат овие бројки на нивните дресови. Во спомен на овие играчи, транспаренти со соодветните броеви биле поставени под покривот на арената САП.
| Број | Име | Година | Период во тимот |
|---|---|---|---|
| 18 | Бјарте Мурхол | 2015 | 2009–2015 |
| 3 | Уве Генсхајмер | 2016 | 2003–2016 |
| C | Николај Јакобсен | 2019 | 2014–2019 |
Тренери уреди
| Име | тренер од | Тренер до | Натпревари |
|---|---|---|---|
| Николај Јакобсен | 01.07.2014 | 30.06.2019 | |
| Гудмундур Гудмундсон | 23.09.2010 | 30.06.2014 | |
| Ола Линдгрен | 01.07.2009 | 23.09.2010 | 39 |
| Волфганг Швенке | 28.09.2008 | 30.06.2009 | 28 |
| Швенке/Шварцер | 24.09.2008 | 27.09.2008 | 1 |
| Кристијан Шварцер | 18.09.2008 | 24.09.2008 | 1 |
| Јури Шевцов | 01.07.2005 | 18.09.2008 | 106 |
| Ролф Бектолд | 07.01.2005 | 30.06.2005 | 16 |
| Фредерик Воле | 01.07.2004 | 07.01.2005 | 18 |
| Мајкл Рот/Ролф Бектолд | 01.07.2002 | 30.06.2004 | 68 |
Сезони уреди
| Сезона | Лига | Место | Головна разлика | Бодови | Германска лига | DHB-Суперкуп | Шампионска лига | Европска лига |
|---|---|---|---|---|---|---|---|---|
| 2002/03 | 2. BL Süd | 1 | 1000:797 | 60:8 | 2. Фаза | -- | -- | -- |
| 2003/04 | Бундеслига | 16 | 906:1015 | 18:50 | 2. Фаза | -- | -- | -- |
| 2004/05 | 2. BL Süd | 2 | 1113:936 | 57:11 | 2. Фаза | -- | -- | -- |
| 2005/06 | Бундеслига | 6 | 983:951 | 38:30 | Finale | -- | -- | -- |
| 2006/07 | Бундеслига | 8 | 986:945 | 42:26 | Finale | -- | -- | Осминафинале |
| 2007/08 | Бундеслига | 4 | 1095:960 | 52:16 | Полуфинале | -- | -- | Finale |
| 2008/09 | Бундеслига | 3 | 1125:985 | 50:18 | Полуфинале | -- | Полуфинале | -- |
| 2009/10 | Бундеслига | 4 | 1047:923 | 49:19 | Finale | -- | Четвртфинале | -- |
| 2010/11 | Бундеслига | 4 | 1104:980 | 53:15 | Полуфинале | -- | Полуфинале | -- |
| 2011/12 | Бундеслига | 5 | 1044:953 | 48:20 | Осминафинале | -- | -- | Полуфинале |
| 2012/13 | Бундеслига | 3 | 965:850 | 54:14 | Четвртфинале | -- | -- | Победник |
| 2013/14 | Бундеслига | 2 | 1126:892 | 59:9 | Полуфинале | -- | Четвртфинале | -- |
| 2014/15 | Бундеслига | 2 | 1093:876 | 63:9 | Полуфинале | -- | Осминафинале | -- |
| 2015/16 | Бундеслига | 1 | 916:704 | 56:8 | Полуфинале | -- | Осминафинале | -- |
| 2016/17 | Бундеслига | 1 | 1011:840 | 61:7 | Полуфинале | Победник | Осминафинале | -- |
| 2017/18 | Бундеслига | 2 | 1043:838 | 55:13 | Победник | Победник | Осминафинале | -- |
| 2018/19 | Бундеслига | 4 | 960:851 | 50:18 | Четвртфинале | Победник | Осминафинале | -- |
Посетеност уреди
| Сезона | Посетеност | Процент |
|---|---|---|
| 2002/03 | 1.596 | - |
| 2003/04 | 2.965 | + 85,8 % |
| 2004/05 | 1.951 | - 34,2 % |
| 2005/06 | 7.268 | + 372,5 % |
| 2006/07 | 8.349 | + 14,9 % |
| 2007/08 | 9.246 | + 10,7 % |
| 2008/09 | 7.923 | - 14,3 % |
| 2009/10 | 7.431 | - 6,2 % |
| 2010/11 | 8.033 | + 8,1 % |
| 2011/12 | 6.574 | - 18,2 % |
| 2012/13 | 7.867 | + 19,7 % |
| 2013/14 | 7.301 | - 7,2 % |
| 2014/15 | 8.887 | + 21,7 % |
| 2015/16 | 8.783 | - 1,2 % |
| 2016/17 | 8.569 | - 1,4 % |
| 2017/18 | 8.222[16] | - 4,0 % |
| 2018/19 | 7.932 | - 3,5 % |
Наводи уреди
- ↑ „Technical Data“ (германски). SAP Arena official website. Архивирано од изворникот на 2013-05-31. Посетено на 17 January 2012.
- ↑ http://www.rhein-neckar-loewen.de/ueber-uns/historie/saison-2007-2008/
- ↑ „Saison 2007/08“. Rhein-Neckar Löwen – DKB Handball-Bundesliga (германски). Посетено на 13 November 2017.
- ↑ „Handball: Rhein-Neckar Löwen triumphieren im EHF-Cup“. Spiegel Online. 19 May 2013. Посетено на 13 November 2017.
- ↑ handball-world.news: Rhein-Neckar Löwen präsentieren ersten Neuzugang für die kommende Saison vom 27. November 2018, abgerufen am 27. November 2018
- ↑ „Löwen-News: Willkommen zuhause, Uwe!“ (германски). Посетено на 2019-01-30.
- ↑ „Tim Ganz erhält Bundesligavertrag bei den Rhein-Neckar Löwen“. Rhein-Neckar Löwen GmbH. 2019-03-07. Посетено на 2019-03-26.
- ↑ handball-world.news: Einigung erfolgt: Romain Lagarde schon in dieser Saison bei den Rhein-Neckar Löwen vom 4. Juli 2019, abgerufen am 4. Juli 2019
- ↑ handball-world. „Serbiens Nationalspieler Radivojevic verlässt Rhein-Neckar Löwen“. Посетено на 2019-01-14.
- ↑ „Rochade komplett - Paris präsentiert Gudjon Valur Sigurdsson als Gensheimer-Ersatz“ (германски). Посетено на 2019-01-30.
- ↑ zak.de: Gerüchte bestätigt: Vladan Lipovina verstärkt den HBW Balingen-Weilstetten vom 6. Juni 2019, abgerufen am 8. Juni 2019
- ↑ handball-world.news: Filip Taleski verlässt Rhein-Neckar Löwen kurz vor Saisonstart vom 20. August 2019, abgerufen am 20. August 2019
- ↑ handball-world.news: Albin Lagergren wechselt zu den Rhein-Neckar Löwen vom 29. April 2019, abgerufen am 29. April 2019
- ↑ handball-world.news: Guardiola und Timm kommen, Duo geht: TBV Lemgo stellt sich auf Kreisläuferposition neu auf vom 19. November 2019, abgerufen am 19. November 2019
- ↑ handball-world.news: Wechsel bestätigt: Mads Mensah Larsen ab Sommer in Flensburg vom 19. November 2019, abgerufen am 19. November 2019
- ↑ Mein Handball Ticket: DKB Handball-Bundesliga - Zuschauer 2017/18 abgerufen am 18. September 2018.
