Припечани

село во Општина Карбинци


Припечани — мало село во Општина Карбинци, сместено во околината на градот Штип.

Припечани
Поглед на Припечани 01.jpg

Поглед на селото од патот кон него

Припечани is located in Македонија
Припечани
Местоположба на Припечани во Македонија
Координати 41°48′14.04″N 22°22′09.84″E / 41.8039000° СГШ; 22.3694000° ИГД / 41.8039000; 22.3694000Координати: 41°48′14.04″N 22°22′09.84″E / 41.8039000° СГШ; 22.3694000° ИГД / 41.8039000; 22.3694000
Регион Logo of Eastern Region, Macedonia.svg Источен
Општина Coat of arms of Karbinci Municipality.svg Карбинци
Население 1[1] жит.
(поп. 2002)
Пошт. бр. 2207
Повик. бр. 032
Шифра на КО 30046
Надм. вис. 840 м
Слава Ѓурѓовден
Припечани на општинската карта
Припечани во Општина Карбинци.svg

Атарот на Припечани во рамките на општината
Commons-logo.svg Припечани на Ризницата

Географија и местоположбаУреди

Ова село се наоѓа во источниот дел на територијата на Општина Карбинци, во средното сливно подрачје на реката Брегалница, а чиј атар се допира со подрачјата на општините Чешиново-Облешево и Зрновци.[2] Селото е планинско, на надморска височина од 840 метри.[2]

Селото е изразено планинско, сместено на надморска височина од околу 900 метри. Над селото се протега шума, кај што се наоѓаат повеќе извори и потоци. Под селото била исечена шумата за да се направат ниви и пасишта. Тој дел од атарот е доста сув.[3]

Месностите во атарот на селото ги носат следниве имиња: Свињарник, Клобучар, Горна и Долна Чардаклија, Мачкова Нива, Селиште, Стари Лозја, Камен, Старец, Црвенуш, Јани Камен, Зелени Рид, Башалница, Голем Рид, Пазарски Пат, Васетина, Леништа, Горно Руниште, Мајаница и Кучка Рудина.[3]

Селото има збиен тип. Не постојат маала бидејќи е мало и едноставно. Сепак роднинските куќи се групирани и поблиску една до друга и некои делови се именувани како Неделковци, Зариовци, Бошковци и други.[3]

ИсторијаУреди

Припечани најпрвин се наоѓало 3 километри пониско од денешната местоположба, на месноста Селиште покрај патот за селото Кучичино. Таму се познаваат остатоци од куќи. Некои делови од месноста Селиште порано биле обработувани од страна на Турците од селата Руљак и Џумалија.[3]

Не се знае кога било раселено селото на Селиште и основано селото на денешното место. Од предците кои живееле на Селиште потекнуваат најголем број на денешните родови, додека некои родови се доселиле подоцна.[3]

Селото се споменува во пописните опширни дефтери од 1570 година, како село во Ќустендилскиот санџак, Кратовска каза, нахија Штип со 25 христијански семејства.[4]

Околу средината на XIX век, во шумите над селото престојувале арамии и ајдуци, поради што постои и месноста Арамиски Кладенец. Ајдуците ги напаѓале и селаните од Припечани.[3]

Во XIX век, Припечани било село во Кочанската каза, на Отоманското Царство.

СтопанствоУреди

Атарот зафаќа простор од 13,9 км2. На него преовладуваат шумите на површина од 1.246 хектари, на обработливото земјиште отпаѓаат 51 хектар, а на пасиштата 46 хектари.[2]

За време на Турците постоеле два чифлика, еден на Турчинот Лиман од потпланинското село Теранци, а другиот на некој Турчин од штипското село Црвулево. Селаните ја купиле земјата од нив во втората половина на XIX век.[3]

НаселениеУреди

Според податоците на Васил К’нчов („Македонија. Етнографија и статистика“) од 1900 година, во селото имало 315 жители, сите Македонци.[5] Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живеале 320 Македонци, под врховенството на Бугарската егзархија.[6]

Селото е мало, доведено во фаза на наполно раселување и е населено со македонско население. Во 1961 година селото имало 188 жители, а во 1994 година, само пет жители.[2]

Според последниот попис од 2002 година, во селото Припечани живеел само 1 жител, Македонец.[1]

Во табелата во продолжение е направен преглед на населението во сите пописни години:

Година 1900[7] 1905[8] 1948 1953 1961 1971 1981 1991 1994 2002
Население 315 320 251 254 188 51 14 4 5 1
Извор за 1948-2002 г.: Државен завод за статистика на РМ.[9]

РодовиУреди

Атишта е македонско православно село.[3]

Според истражувањата на Јован Трифуноски во 1960-тите години родови во селото се:

  • Староседелски родови: Бошковци (7 к.), Станковци (1 к.), Дедо-Андовци (1 к.), Гацановци (1 к.), Дедо-Јовановци (1 к.), Пановци (1 к.), Огњановци (1 к.), Неделковци (5 к.), Дедо-Јордевци (1 к.), Зафировци (1 к.), Атанасовци (1 к.) и Ефремовци (1 к.), сите наведени родови се староседелски;
  • Доселени родови: Зариовци (2 к.), доселени се од селото Црвена Јаболка кај Делчево (?). Го знаат следното родословие: Сокол (жив на 75 г. крајот на 1950-тите) Стојил-Зарија, кој се доселил во селото; Гиговци (2 к.) и Ѓоргијовци (1 к.), порано биле еден род, доселени се од соседното село Мојанци и Домазетовци (1 к.), потекнуваат од домазет доселен однекаде.

Самоуправа и политикаУреди

Селото влегува во рамките на Општина Карбинци, која била една од ретките општини кои не биле променети по новата територијална поделба на Македонија во 2004 година. Во периодот од 1996-2004 година, селото исто така се наоѓало во Општина Карбинци.

Во периодот од 1965 до 1996 година, селото се наоѓало во рамките на големата општина Штип. Селото припаѓало на некогашната општина Штип во периодот од 1955 до 1965 година.

Во периодот 1952-1955, селото било дел од тогашната Општина Карбинци, во која покрај селото Припечани, се наоѓале и селата Аргулица, Бурилчево, Караорман, Карбинци, Козјак, Кучичино, Руљак, Таринци и Црвулево. Селото било дел од некогашната Општина Аргулица во периодот 1950-1952, во која влегувале селата Аргулица, Бурилчево, Карбинци, Козјак, Кучичино, Припечани, Руљак и Црвулево.

Изборно местоУреди

Селото е опфатено во изборното место бр. 2323 според Државната изборна комисија, сместено во простории на приватна куќа во село Руљак. Во изборното место се опфатени селата Припечани и Руљак.[10]

На претседателските избори во 2019 година, на ова изборно место биле запишани вкупно 19 гласачи.[11]

На парламентарните избори во 2020 година, на ова изборно место биле запишани вкупно 20 гласачи.[12]

Редовни настаниУреди

Слави

ЛичностиУреди

Родени во или по потекло од Припечани

ИселеништвоУреди

Од селото се имаат иселено 12 домаќинства во Теранци, во селото Јастребник се иселил родот Староселци (7 к.), во селото Чифлик се иселиле Припечанци (2 к.), во селото Долни Балван се иселиле 2 семејства, а родот Богатинци се преселиле во овчеполското село Долно Црнилиште.[3]

НаводиУреди

  1. 1,0 1,1 „Попис на Македонија“ (PDF). Завод за статистика на Македонија. 2002. Посетено на 13 февруари 2021.
  2. 2,0 2,1 2,2 2,3 Панов, Митко (1998). Енциклопедија на селата во Република Македонија (PDF). Скопје: Патрија. стр. 245. Посетено на 13 февруари 2021.
  3. 3,0 3,1 3,2 3,3 3,4 3,5 3,6 3,7 3,8 Трифуноски, Јован (1970). Кочанска Котлина: Селски населби и население. Скопје: Српска академија на науките и уметностите. стр. 89–90.
  4. Турски документи за историјата на македонскиот народ, опширен пописен дефтер за Ќустендилскиот санџак од  1570 година, том V, книга V, Архив на Македонија, Матица Македонска, стр.291
  5. Васил К’нчов. „Македонија. Етнографија и статистика“. Софија, 1900, стр. 226.
  6. Brancoff, D.M. "La Macédoine et sa Population Chrétienne". Paris, 1905, р. 132-133.
  7. К’нчов, Васил. „Македонија. Етнографија и статистика“. Софија, 1900
  8. Brancoff, D.M. „La Macédoine et sa Population Chrétienne“. Paris, 1905.
  9. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  10. „Описи на ИМ“. Посетено на 13 февруари 2021.
  11. „Претседателски избори 2019“. Посетено на 3 ноември 2019.
  12. „Предвремени избори за пратеници 2020“. Посетено на 13 февруари 2021.

ПоврзаноУреди

Надворешни врскиУреди