Кошарка на Летните олимписки игри 2012

Кошаркарскиот турнир на Олимписките игри 2012 во Лондон се одржува од 28 јули до 12 август 2012 година. Натпреварите ќе се играат во новата Кошаркарска арена со капацитет од 12.000 гледачи, а финалните натпревари ќе се играат во О2 Арената.

На турнирот учествуваат 24 репрезентации, по 12 во двете конкуренции. Во двете конкуренции титулите ги бранат репрезентациите на САД.

Освојувачи на медал



Дисциплини
Мажи
Жени

Формат на натпреварувањето

Кошаркарската арена ќе биде домаќин на кошаркарскиот турнир

О2 арена ќе биде домаќин на финалните натпревари

Натпреварите во кошарка ќе се одвиваат во машка и женска конкуренција (по 12 репрезентации во двете конкуренции). Учесниците ќе бидат поделени во две групи од по 6 екипи. Откако ќе биде одиграна групната фаза каде репрезентациите ќе играат секоја против секоја, четирите најдобропласирани репрезентации од двете групи го продолжуваат натпреварувањето во елиминационата фаза која ќе трае сè до финалниот натпревар.

Квалификации

Екипите кои се квалификувале за турнирот може да пријават највеќе 12 играчи. Во двете конкуренции ќе учествуваат 12 репрезентации поделени во две групи од по 6 екипи.

Домаќин

По правилото на МОК, државата домаќин на игрите автоматски добива можност за учество на игрите во сите спортови. Меѓутоа, кошаркарската репрезентација на Обединетото Кралство не постоела сè до 2006 година, и било неизвесно нејзиното учество на игрите. Меѓутоа, извршниот одбор на ФИБА на седница во Лион (Франција) на 13 март 2011 ги разрешил сите недоумици, дозволувајќи му на британскиот тим да учествува на игрите^[1]^[2]

Мажи

Репрезентациите се квалификувале преку натпреварувањата на ФИБА (континентални првенства, светски првенства и олимписки квалификациски турнир).

Турнир	Датум	Домаќин	Број на места	Квалификанти
Домаќин на игрите			1	Обединето Кралство
ФИБА Светско првенство 2010	28 август - 12 септември 2010.	Турција	1	САД
Африканско првенство 2011	17. – 28 август 2011.	Мадагаскар	1	Тунис
Азиско првенство 2011	15. – 25 септември 2011.	Кина	1	Кина
Панамеричко првенство 2011.	25 август – 8 септември 2011.	Аргентина	2	Аргентина Бразил
Европско Првенство 2011	31 август – 18 септември 2011.	Литванија	2	Шпанија Франција
Првенство на Океанија 2011	7. - 11 септември 2011.	Австралија	1	Австралија
Олимписки квалификациии 2012	2. јул – 8. јул 2012.	Каракас	3	Русија Литванија Нигерија
Вкупно			12

Жени

Турнир	Датум	Домаќин	Број на места	Квалификанти
Домаќин на игрите			1	Обединето Кралство
СП за жени 2010	23 септември – 3 октомври 2010.	Чешка	1	САД
Африканско првенство 2011	23 септември - 2 октомври 2011.	Мали	1	Ангола
Азиско првенство 2011	21. – 28 август 2011.	Јапонија^[3]	1	Кина
Панамериканско првенство 2011	24 септември – 1 октомври 2011.	Колумбија^[4]	1	Бразил
Европско првенство 2011	18. јун – 3. јул 2011.	Полска	1	Русија
Првенство на Океанија 2011	7. – 11 септември 2011.	Австралија	1	Австралија
Олимписки квалификации 2012	25. јун – 1. јул 2012.	Анталија	5	Франција Турција Чешка Хрватска Канада
Вкупно			12

Календар

Дисцип.↓/Датум →	28. јул	29. јул	30. јул	31. јул	1. авг	2. авг	3. авг	4. авг	5. авг	5. авг	7. авг	8. авг	9. авг	10. авг	11. авг	12. авг
мажи		ГФ		ГФ		ГФ		ГФ		ГФ		¼		½		Ф
Жени	ГФ		ГФ		ГФ		ГФ		ГФ		¼		½		Ф

Ждреб

Официјалниот ждреб за групната фаза на кошаркарскиот турнир бил одржан во Лондон на 30 април 2012.^[5]

Мажи

Група A	Група Б
Аргентина	Австралија
Франција	Бразил
Литванија	Кина
Нигерија	Обединето Кралство
Тунис	Русија
САД	Шпанија

Жени

Група A	Група Б
Ангола	Австралија
Кина	Бразил
Хрватска	Канада
Чешка	Франција
Турција	Обединето Кралство
САД	Русија