Жерви
Жерви или Жерве (грчки: Ζέρβη, Зерви) — село во Воденско, Егејска Македонија, денес во општината Воден на Постолскиот округ во Централна Македонија, Грција. Населението брои 303 жители (2011) и до денес е целосно населено со Македонци.[2]
| Жерви Ζέρβη | |
|---|---|
 Улица во Жерви | |
  Жерви | |
|
Местоположба во областа   Жерви | |
| Координати: 40°51.41′N 21°49.13′E / 40.85683° СГШ; 21.81883° ИГД | |
| Земја | Грција |
| Област | Централна Македонија |
| Округ | Постол |
| Општина | Воден |
| Општ. единица | Островско Езеро |
| Надм. вис. | 760 м |
| Население (2011)[1] | |
| • Вкупно | 303 |
| Час. појас | EET (UTC+2) |
| • Лето (ЛСВ) | EEST (UTC+3) |
Географија и местоположба
уредиСелото сместено 23 км западно од градот Воден, на јужното подножје на планината Кајмакчалан, на надморска височина од 760 м.[2]
Историја
уредиВо 1848 г. рускиот славист Виктор Григорович го опишал Жерве како македонско[3] село.[4] Меѓу 1896 и 1900 г. селото потпаднало под врховенството на Бугарска егзархија[5].
Според статистиката на Васил К’нчов („Македонија. Етнографија и статистика“) в 1900 г. во селото живееле 290 Македонци христијани.[6][7] Целото население било под врховенството на Бугарската егзархија. По податоците на егзархискиот секретар Димитар Мишев („La Macédoine et sa Population Chrétienne“) во 1905 г. во Жерви (Jervi) имало 280 жители, сите Македонци[6].[8]
Со Букурешкиот договор во 1913 г. селото е припоено кон грчката држава, кога имало 256 жители.[2] Во патописниот попис од 1917-18 г. Боривое Милоевиќ забележал 40 македонски куќи.[2]
Жерви значајно настрадало во Граѓанската војна, поради што неколку семејства и поединци пребегнале во Р Македонија, а другите се засолниле на побезбедни места.[2] По нормализацијата на состојбите, повеќемината се вратиле во селото.
Население
уредиЕве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 457 | 260 | 392 | 375 | 326 | 334 | 349 | 303 |
- Извор за 1940-1991 г.: Т. Симовски, Населените места во Егејска Македонија
Самоуправа и политика
уредиСелото припаѓа на општинската единица Островско Езеро со седиште во Острово, која припаѓа на поголемата општина Воден, во округот Постол. Воедно, селото е дел од општинскиот оддел Ослово, каде спаѓа и селото Ослово.
Стопанство
уредиСелото е полупланинско и прилично пасивно. Највеќе се огледуваат пченицата и пченката, оревите и црешите, а делумно е застапено и сточарството.[2] Во близина на Жерви има и коп на мермер.
Цркви
уреди- „Св. Тома“
- „Св. Петка“ (вон самото село)
Наводи
уреди- ↑ „Попис на населението од 2011 г. Трајно население“. Државен завод за статистика на Грција.
- ↑ 2,0 2,1 2,2 2,3 2,4 2,5 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 49.
- ↑ нарекувајќи го „бугарско“ под влијание на бугарската политика.
- ↑ Григоровичъ, В. Очеркъ путешествія по Европейской Турціи, Москва, 1877, стр. 91.
- ↑ Илюстрация Илинден, 1936, бр.79, стр. 1
- ↑ 6,0 6,1 Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
- ↑ Кънчов, Васил. Македония. Етнография и статистика, София, 1902, стр. 149.
- ↑ Brancoff, D.M. La Macédoine et sa Population Chrétienne, Paris, 1905, рр. 190-191.