Бјеловарско-билогорска жупанија

Бјеловарско-билогорската жупанија (хрватски: Bjelovarsko-bilogorska županija) е административен регион во северозападна Република Хрватска. Во економски поглед, оваа жупанија е најсилна земјоделска жупанија во Хрватска.

Бјеловарско-билогорска жупанија Bjelovarsko-bilogorska županija
Жупанија
Знаме Грб
Бјеловарско-билогорската жупанија (светлопортокалова) во Хрватска (светложолта)
Главен град	Бјеловар
Управа
• Жупа	Мирослав Чачија (ХСП)
Површина
• Вкупна	2.652 км2 (1,024 ми2)
Население (2001)
• Вкупно	133.084
• Густина	50/км2 (130/ми2)
Повикувачки број	043
ISO 3166	HR-07
Мреж. место	http://www.bbz.hr/

Население

Бјеловарско-билогорска жупанија

Според пописот од 2001 година во жупанијата живееле 133.084 жители (3% од вкупното население на Хрватска) со просечна густина на населеност од 50 жители на км². Етничкиот состав е следниот: Хрвати 82,6 %, Срби 7.1 %, Чеси 5,3%, Унгарци 0,9 % а останатите 4,1% и други. Во оваа жупанија живеат најмногу припадници на чешкото малцинство во Хрватска. Според пописот од 1991 година, етничкиот состав изгледал вака: Хрвати 67,88%, Срби 16,14%, Бошњаци, Албанци, Роми и останати 8,74%, Чеси 5,82%, Унгарци 1,40%

Бројот на жители низ годините

година на попис	2001	1991	1981	1971	1961	1953	1948	1931	1921	1910	1900	1890	1880	1869	1857
бр. на жители	133,084	144,042	149,551	157,811	167,599	170,651	166,485	173,597	162,453	163,039	150,825	130,901	101,420	95,981	84,893

Политика

Моментален жупан е Мирослав Чачија. Собранието се состои од 43 пратеници:

• Хрватска Селска Партија (ХСП) 15
• Хрватска Демократска Заедница (ХДЗ) 9
• Социјалдемократска партија на Хрватска (СДПХ) 8
• Хрватска Социјално Либерална Партија (ХСЛП) 4
• Хрватска Народна Партија (ХНП) 2
• Хрватски Блок (ХБ) 4
• независен кандидат 1

Географија

Бјеловарско-билогорската жупанија се наоѓа во источниот дел на централното подрачје на Хрватске. На север се граничи со Копривничко-крижевачката, на североисток со Вировитичко-подравската, на југ со Сисачко-мославинската жупанија и на запад со Загребската жупанија. Опфаќа простор на четири карактеристични географски целини: Билогорје (северно и североисточно), граничните масиви Папук и Равна гора (источно), Мославачкото горје (југозападно), и долината на реките Чесма и Илова (западно, централно и јужно). овој регион се одликува со благи ритчиња и со речни долини кои поминуваат низ глинесто-чакалска низина. Населбите во жупанијата често се надоврзани една на друга, со што се формирани долги низи на села, долги и по неколку километри.

Бјеловарско-билогорската жупанија зазема површина од 2.652 км², што е 3,03% од вкупната површина на Хрватска и на нејзиното подрачје живеат 131,343 жители (според пописот од 2001 година), што изнесува околу 3% од населението во Хрватска. Средиштето на жупанијата е градот Бјеловар со 41.083 жители што сочинува 31,3% вкупниот број на жители на жупанијата. Бјеловар е политичко, културно и економско средиште на жупанијата.

Стопанство

На подрачјето на Бјеловарско-билогорската жупанија се наоѓаат значајни извори на нафта, земен гас, кварцен песок, глина и термални води. Во жупанијата најзастапено е производството на храна и сточарството, што резултира си значајно производство на млеко и месо. Освен земјоделство, во жупанијата е развиената прехранбената, дрвната, металопреработувачката и текстилната индустрија.

Надворешни врски

• Официјален портал (хрватски)