Северноледен Океан

Северноледен Океан или Арктички Океан, Северно Поларно Море, Северен Морски Пат — океан северно од Европа, Азија, Северна Америка и островот Гренланд. Се простира околу Северниот Пол и има површина од околу 14 милиони км², средна длабочина од преку 1,200 m.

Северноледениот Океан се користи како од океанските цицачи, така и од јадрените подморници.

Океани
Атлантски Индиски Јужен Северноледен Тихи

Мориња

Во Северноледениот Океан спаѓаат следните мориња:

Норвешко Баренцово Бело Карско Лаптевско

Источносибирско Чукотско, Бофортово Хадсоново Бафиново Гренландско

Преку Норвешкото Море, Северноледениот Океан е во контакт со Атлантскиот Океан, а преку Беринговиот Премин и Беринговото Море со Тихиот Океан. Поголеми острови во овој океан се Гренланд, Бафинова Земја, Елзмир, Викторија, Шпицбершки Острови, Нова Земја, Земјата на Франц Јосиф, Северна Земја, Новосибирск, Врангеловиот Остров и други.

Денес овој океан има големо сообраќајно значење поради северниот морски пат, кој води од пристаништата Мурманск и Архангелск до Владивосток (од 1933) и поморската линија меѓу Атлантикот Океан и Хадсоновото Море.

Во областа на океанот се наоѓаат важни подрачја на арктичкиот риболов, китолов, лов на тулјани, моржови и сл. Во сливот на океанот припаѓаат големите сибирски реки Об, Енисеј и Лена, како и европските Печора и Северна Двина, а северноамериканска значајна река која припаѓа на овој слив е Мекензи.

Галерија

• 
  Островите Земја на Франц Јосиф се дел од Ледениот Океан.
• 
  Островот Бјернеја, еден од норвешките острови во Ледениот Океан.

Поврзано

• Океан
• Арктик