Шпре-Ниса

Шпре-Ниса
Spree-Neiße
Шпре-Ниса; Spree-Neiße;
	округ
Знаме	Грб
Земја	Германија
Покраина	Бранденбург
Седиште	Форст (Лужица)
Површина
• Вкупна	1,647,8 км2 (636,2 ми2)
Население (31 декември 2022)
• Вкупно	112.493
• Густина	68/км2 (180/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	SPN
Мреж. место	www.landkreis-spree-neisse.de

Шпре-Ниса (германски: Spree-Neiße) — округ во јужниот дел на сојузната покраина Бранденбург, Германија. Соседни окрузи се (од југ надесно) окрузите Бауцен и Герлиц во Саксонија, окрузите Горен Шпревалд-Лужица, Даме-Шпревалд и Одра-Шпре. Слободниот град Котбус е целосно опкружен од округот. На исток се наоѓа Полска.

Географија

Округот се наоѓа во областа Лужица. Реката Шпре тече низ округот, додека реката Лужичка Ниса ја создава источната граница, која во исто време претставува и граница со Полска.

Историја

Округот бил создаден во 1993 со спојување на претходните окрузи Котбус, Форст, Губен и Шпремберг.

Грб

Грбот прикажува четири полиња посветени на претходните окрузи. Речниот рак во горниот лев дел го претставува округот Котбус и е исто така присутен во грбот на градот Котбус. Лавот во горниот десен дел е симбол на Кралството Бохемија, бидејќи Шпремберг бил посед на бохемиските кралеви. Рогот од елен во долниот десен дел го претставува Форст и бил преземен од грбот на грофовите Биберштајн. Круната во долниот лев дел ги претставува повторно кралевите од Бохемија, но овој пат претставувајќи го Губен.