Сушица (Скопско)

За други значења на поимот, погл. Сушица.

Сушица (позната и како Катлановска Сушица или Коњарска Сушица) — село во Општина Петровец, во областа Блатија, во околината на градот Скопје.

Сушица
Панорама на Сушица
Сушица Местоположба на Сушица во Македонија Сушица на интерактивна карта
Координати 41°57′28.08″N 21°46′49.08″E
Регион	Скопска Блатија
Општина	Петровец
Население	139 жит. (поп. 2021)
Шифра на КО	25127
Сушица на општинската карта Атарот на Сушица во рамките на општината
Сушица на Ризницата

Географија и местоположба

Се наоѓа во североисточниот дел на Скопската Котлина и областа Блатија, од левата страна на реката Пчиња. Селото лежи на надморска височина од 380 метри. Оддалечено е 24 километри источно од Петровец, 37 километри источно од Скопје и 26 километри јужно од Куманово.

Историја

Црквата „Св. Ѓорѓи“ во Сушица

Население

Население во минатото

Година Нас. ±% 1948 645 —     1953 663 +2.8% 1961 562 −15.2% 1971 454 −19.2% 1981 302 −33.5%	Година Нас. ±% 1991 225 −25.5% 1994 206 −8.4% 2002 178 −13.6% 2021 139 −21.9%

Според статистиката на Васил К’нчов („Македонија, Етнографија и статистика“) од 1900 година, во Сушица живееле 550 жители, сите Македонци. Според егзархискиот секретар Димитар Мишев, („La Macédoine et sa Population Chrétienne“) во 1905 година во Сушица имало 760 Македонци, под врховенството на Бугарската егзархија.

Според пописот од 2002 година, селото Сушица има 178 жители, сите Македонци.

Според последниот попис од 2021 година, во селото живееле 139 жители, од кои 137 Македонци и 2 лица без податоци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	550	760	645	663	562	454	302	225	206	178	139

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Сушица e македонско село.

Според истражувањата од 1952 година, родови во Сушица се:

• Староседелски или доселенички со непознато потекло: Радевци (10 к.), Даневци (8 к.), Зајинци (11 к.), Миајлевци (9 к.), Ѓуревци (3 к.), Костовци (3 к.), Карпузовци (2 к.), Шутевци (3 к.), Дедо-Петковци (6 к.), Јошевци (2 к.), Спасевци (1 к.), Ролевци (2 к.), Пидевци (1 к.) и Ќирковци (1 к.) за нив не се знае дали се староседелци, или пак доселени со непознато потекло.
• Доселеници: Николчевци (8 к.) порано се викале Ѓаковци. Некои за нив велат дека се доселени од околината на Ѓаковица во Косово; Марковци (9 к.) и Анџинци (2 к.) доселени се од селото Мирковци во Скопска Црна Гора; Долноселци (3 к.) доселени се од селото Долно Коњари. Го знаат следното родословие: Данило (жив на 40 г. во 1952 година) Мите-Наумче-Петко, кој се доселил; Русановци (3 к.) и Качаровци (9 к.) доселени се однекаде.

Културни и природни знаменитости

• Градиште — утврдување од римско време(дел од Јустинијановиот сигнален систем низ територијата на Македонија -Маркови Кули, Кисела Вода — градиште, Сушица Коњарска - Горно Кале, Крушица);
• Селиште — населба од непознат период;

Личности

Личности родени во Сушица (Скопско):

• Трајко Стевковски (1918-1945) — македонски партизан, борец за слобода на Македонија и учесник во НОВ
• Страшо Петрушев (1925-1945) — македонски партизан, борец за слобода на Македонија и учесник во НОВ
• Стојан Крстевски (1927-1945) — македонски партизан, борец за слобода на Македонија и учесник во НОВ
• Ристо Стојановски (1919-1945) — македонски партизан, борец за слобода на Македонија и учесник во НОВ

Надворешни врски

• Сушица (Скопско) на Ризницата