Смислата на животот (филм)
„Смислата на животот според Монти Пајтон“ е британски филм (комедија/мјузикл)од 1983 година, продуциран и режиран од групата „Монти Пајтон“. Филмот претставува збир на неколку скечеви кои ги опишуваат различните фази во животот и претставува враќање кон оригиналниот формат на Летечкиот Циркус на Монти Пајтон. Истовремено, ова е последниот долгометражен филм на „Монти Пајтон“. На Канскиот филмски фестивал, филмот ја освоил Големата награда на жирито, а бил номиниран и за „Златната палма“. Исто така, бил номиниран и за наградата на БАФТА за најдобра оригинална песна (Every sperm is sacred).[1]
| „Смислата на животот според Монти Пајтон“ | |
|---|---|
 „На Бог му беа потребни шест дена за да ја создаде земјата… на Монти Пајтон само 90 минути да ја зезнат!“ | |
| Режисер | Тери Џонс |
| Продуцент | Џон Голдстон |
| Сценарист | Греам Чепмен Џон Клиз Тери Гилијам Ерик Ајдл Тери Џонс Мајкл Палин |
| Главни улоги | Греам Чепмен Џон Клиз Тери Гилијам Ерик Ајдл Тери Џонс Мајкл Палин |
| Дистрибутер | Universal Pictures |
| Премиера | 1 април 1983 |
| Времетраење | 107 минути |
| Јазик | Англиски |
| Буџет | $9 000 000 |
| Претходен | Монти Пајтон во живо на Холивуд Боул |
Синопсис
уредиФилмот се состои од неколку чинови во кои се разработуваат повеќе важни прашања, како што се: раѓањето и контролата на раѓањето, образованието, армијата, современиот живот, религијата, донирањето органи, исхраната и смртта. Притоа, во една болница, лекарите се интересираат за опремата, наместо да ѝ посветат внимание на родилката; едно сиромашно католичко семејство има многу деца кои мора да бидат предадени во болницата како предмет на експерименти; учениците во едно католичко училиште присуствуваат на чудна црковна служба и на необично предавање за сексот; армискиот офицер се соочува со војници кои не сакаат да маршираат во касарната; за време на војната, група војници гинат давајќи му поклон на својот офицер; во друга војна, англиските офицери уживаат додека нивните војници умираат, а еден офицер на необичен начин ја губи ногата; средовечен пар оди во ресторан каде на менито се нуди разговор за философијата; двајца болничари упаѓаат во еден дом, насилно земајќи му го хепарот на еден човек; во друг ресторан пристигнува неверојатно дебел човек кој, откако ќе исповрати сè околу себе, повторно се прејадува; еден осуденик го брка група голи девојки и тој умира така што паѓа од висок гребен; а група пријатели ги посетува Смртта и тие заминуваат во рајот.[2]
Надворешни врски
уреди
Наводи
уреди
