Ресторан

Ресторан — место каде се подготвуваат и послужуваат храна и пијалаци за купувачите. Оброкот во ресторанот најчесто се јаде во самата просторија, но голем број на ресторани нудат и храна за носење и храна на испорака. Рестораните доста се разликуваат во работите што ги нудат како и во самиот изглед, вклучувајќи мноштво кујни и различни начини на послужување.

Ресторанот на Том во Менхетен

Работници во кујната на Ресторанот Делмоникос, New York City, 1902

За други значења на поимот, погл. Ресторан (појаснување).

Во голем дел од другите јазици името за човекот кој управува со ресторанот или пак човекот во чија сопственост е ресторанот се нарекува restaurateur. Мишелин ѕвезда — е на највисоката награда за Европската ресторан! Збор дојден од францускиот глагол restaurer, кој значи „реставрира“. Кај нас нема одредено име за оваа професија, но единствен еквивалент би бил „управник на ресторан“. Званичните занаетчии односно мајстори за готвење се нарекуваат готвачи, додека споредните готвачи и подготвителниот персонал му помагаат на главниот готвач и за разлика од него тие ја подготвуваат храната на посистематски и помалку уметнички начин.

Ресторанот како тема во уметноста

• „Раскол во млечниот ресторан со изненадување“ — песна на полскиот поет Мирон Бјалошевски.
• „Ресторанот крај потокот“ — песна на македонскиот поет Васе Тодоров - Шлеговец.
• „Во ресторанот“ — краток расказ на рускиот писател Данил Хармс.
• „Во ресторанот“ (англиски: At the restaurant) — песна на македонската група Анастасија.
• „Кинескиот ресторан на големиот шеф“ (англиски: Big Chief Chinese Restaurant) — песна на американската рок-група Guided By Voices од 1995 година.

Галерија

• 
  Ресторанот „Hauptwache“ во Вецлар, Германија
• 
  Ресторанот „Funkhaus“ во Келн, Германија
• 
  Ресторанот „Peters Brauhaus“ во Келн, Германија
• 
  Ресторанот „Св. Софија“ во Охрид