Нагорно-Карабах
Нагорно-Карабах или Горен Карабах (ерменски: Լեռնային Ղարաբաղ Հանրապետություն, Lernayin Gharabaghi Hanrapetut’yun) е де факто независна република во Јужниот Кавказ, официјално дел од Република Азербејџан, околу 270 километри западно од азербејџанскиот главен град Баку, и многу блиска до границата со Ерменија.
| Нагорно-Карабах Լեռնային Ղարաբաղ (ерменски)
|
||||||
|---|---|---|---|---|---|---|
|
||||||
| Химна: Ազատ ու Անկախ Արցախ (ерменски) "Слободен и независен Арцах" |
||||||
.svg) Местоположбата на Нагорно-Карабах
|
||||||
| Главен град (и најголем) | Степанакерт 39°52′N 46°43′E / 39.867° СГШ; 46.717° ИГД | |||||
| Службен јазик | ерменски | |||||
| Народности | над 95% Ерменци 5% малцинства |
|||||
| Уредување | унитарна претседателска република | |||||
| • | Претседател | Арајик Харутјуњан | ||||
| • | Претседател на Народното собрание | Артур Товмасјан | ||||
| Законодавство | Народно собрание | |||||
| Независност | од Азербејџан | |||||
| • | Референдум | 10 декември 1991 | ||||
| • | Прогласена | 6 јануари 1992 | ||||
| • | Признавање | непризната | ||||
| Површина | ||||||
| • | Вкупна | 4,400 км2 | ||||
| Население | ||||||
| • | проценка за март 2021 г. | 120,000 | ||||
| • | Попис 2015 | 150,932 | ||||
| БДП (ПКМ) | проценка за г. | |||||
| • | Вкупен | 713 млн. долари | ||||
| • | По жител | 4,803 долари | ||||
| Валута | Ерменски драм (AMD) |
|||||
| Часовен појас | AMT (UTC+4) | |||||
| Се вози на | десно | |||||
| НДД | .am | |||||
| Повик. бр. | +374 47 | |||||
Регионот е познат по повеќе имиња: рускиот назив е Нагорни Карабах и тој потекнува од советскиот период ("нагорни" означува висок или планински на руски), ерменскиот назив е Арцах (историска област што приближно соодветствува со денешниот регион), додека пак азербејџанскиот назив е Карабах (кој означува Црна градина, од турското кара = црна и персиското бах = градина).
Во 1923, Советскиот Сојуз го инкорпорирал регионот кој е претежно населен со Ерменци во Азербејџанската ССР и го именувал како Нагорнокарабашка Автономна Област (НКАО). На 10 декември 1991, како што Советскиот Сојуз се распаѓал, во НКАО и во соседниот округ Шахумијан бил одржан референдум на кој била прогласена независност од Азербејџан како Нагорнокарабашка Република (НКР), која не е призната од ниту една меѓународна организација или држава, вклучувајќи ја и Ерменија.
Во последните години на распаѓањето на Советскиот Сојуз, регионот станал причина за спор помеѓу Ерменија и Азербејџан, кулминирајќи со војната во Нагорно-Карабах. По примирјето постигнато со руска помош на 12 мај 1994, најголемиот дел од Нагорно-Карабах и неколку региони на Азербејџан околу него се под контрола на војската на Ерменија, а НКР се здобива и со де факто посебна влада. Од тогаш, страните водат мировни разговори со посредство на ОБСЕ Групата Минск.