Душан Константинов

Душан Константинов (роден на 17 мај 1924 година во Крагуевац - починал на 20 јануари 2002 година во Битола) — македонски етнолог, публицист, книжевник (автор на драмски дела), интелектуалец од висок профил, полиглот, научен работник, историчар, еден од основачите на Друштвото за наука и уметност - Битола и прв секретар, човек што објавил голем број на трудови од научен, публицистички карактер.

Душан Константинов
Роден	17 мај 1924 Крагуевац, Кралство Југославија
Починал	20 јануари 2002 Битола, Македонија
Националност	Македонец
Занимање	историчар, етнолог, преведувач

Животопис

Душан Константинов е роден во 1922 година во Крагуевац (Србија). Основно образование стекнал во родното место, средно образование во Битола, а Филозофски факултет во Скопје. Докторирал двапати - првата тема му била од областа на етнологија (за печалбарството) и втората за револуционерното дело на Дамјан Груев.

Бил [[етнолог и историчар, издавач на весници и одделни публикации, еден од основачите на Друштвото за наука и уметност во Битола, [[полиглот (со познавање на над 20 јазици) и со две дисертации одбранети на Универзитет „Свети Кирил и Методиј” во Скопје (на Природно-математичкиот факултет) од областа на етнологијата на тема „Печалбарството во Македонија” и на Филозофскиот факултет од областа на националната историја на тема „Дамјан Груев Личноста на револуционерот, неговата улога и неговото место во македонското револуционерно и народноослободително движење” (1980).

Творештво

Покрај научна, новинарска, книжевна и пубицистичка дејност, тој се занимавал и со преведување. Автор е на компаративен превод на Светото писмо од староеврејски (јидиш) со користење на преводите на грчки, латински, старословенски и преводите на современите светски јазици на современ македонски јазик во 1997 година. Автор е и соавтор на над 50 книги и голем број библиографски единици за македонското минато; често како соавтор со брат му Милош Константинов. Како библиофил, оставил лична библиотека од околу 50.000 книги.

Неговиот придонес е голем во расветлувањето на организацијата и настаните во Илинденскиот период и голем број револуционери и организатори од тоа време. Душан Константинов со портрет и со биографски податоци е застапен во енциклопедијата „Луѓе на успехот“ на Кембриџ, Англија.

Библиографија

• Хроника на битолско Лавци, Битола, 1962 (со соавтори);
• Летопис на Вториот реонски комитет на Комунистичката партија на Југославија – Битола (1941-1944), Битола, 1963 (со соавтори);
• Пуста Река, Битола, 1963 (со соавтори);
• Битола. Скица за водичот, Битола, 1964 (со соавтор);
• Противпожарната активност во Битола, Битола, 1964 (со соавтор);
• ПТТ во Македонија – општ осврт врз историскиот развој, Скопје, 1970 (со соавтори);
• Синдикатите во Скопје (1900-1908-1971).
• Прилог за историјата на работничкото и синдикалното движење, Скопје, 1971 (со соавтори);
• Драмски театар – Скопје (1946-1976). Триесет години творечки подем, Скопје, 1976 (со соавтори);
• Илустрирана Библија за млади, Загреб, 1977 (соавтор на македонскиот превод, заедно со римокатоличкиот свештеник Петар Ташев);
• Кратка етничка и културна историја на македонскиот народ (КЕКИМАН), кн. 1, Скопје-Битола, 1978 (со соавтори);
• Печалбарство, дисертација, Битола, 1984;
• Дамјан Груев, дисертација, Смилево, 1984. С. Мл. Јанко Константинов

Надворешни врски

• Гоце Делчев (1872-1903-1972
• Bitola 1903