Врба (филм од 2019)

Врба — македонски филм од 2019 година во режија на Милчо Манчевски, кој е автор и на сценариото. Филмот е снимен во продукција на „Банана филм“, продуцент на филмот е Јане Ќортошев, извршен продуцент е Ник Пауел, директор на фотографијата е Тамаш Добош, дизајнер на продукцијата е Дејвид Манс, костимите се дело на Жаклина Крстевска и Ѓерѓи Сакач, асистент на режијата е Никола Ивановиќ, а директорка на кастингот е Милка Анчевска. Главните улоги ги играат: Никола Ристески, Сара Климоска, Наталија Теодосиева, Ненад Нацев, Камка Тоциновски, Петар Мирчевски, Благоја Чоревски, Ратка Радмановиќ, Лазе Манасковски, Катина Иванова, Гоце Влахов, Кире Ѓоревски, Адем Карага, Јелена Јованова итн.

„Врба“
Плакатот на филмот
Режисер	Милчо Манчевски
Продуцент	Јане Ќортошев Ник Пауел
Главни улоги	Никола Ристески Сара Климоска Ратка Радмановиќ Наталија Теодосиева Ненад Нацев Камка Тоциновски Благоја Чоревски Гоце Влахов Петар Мирчевски Лазе Манасковски Катина Иванова Марија Новак
Музика	Кирил Џајковски
Студио	Банана филм
Премиера	19 октомври 2019 (Македонија)
Земја	Македонија
Јазик	македонски

Содржина

Во филмот се раскажува за три млади мајки. Едната приказна се случува во средниот век, а другите две се современи при што трите приказни се надополнуваат. Главната тема во филмот е лојалноста и односот на поединецот кон општеството, како и односот на општеството кон поединецот.

Улоги

Глумец	Улога
Сара Климоска	Донка
Никола Ристески	Милан
Наталија Теодосиева	Родна
Ненад Нацев	Бранко
Камка Тоциновски	Катерина
Петар Мирчевски	Ставре
Благоја Чоревски	Манчо
Ратка Радмановиќ	Баба Сребра
Лазе Манасковски	Аврам
Катина Иванова	Цена
Кире Ѓоревски	Никола
Адем Карага	Ука
Јелена Јованова	Мелина
Ана Костовска	Весна
Марија Новак	др. Пешева
Гоце Влахов	Шофер на автобус
Симон Манасковски	Панчо

За филмот

Снимањето на филмот почнало на 25 октомври 2018 година во мариовските села Штавица, Дуње и Зовиќ, а потоа снимањето продолжило во околината на манастирот Трескавец и во Преспа, а завршило во втората половина на декември во Скопје. Премиерата на „Врба“ била одржана на 19 октомври 2019 година на четиринаесеттото издание на Филмскиот фестивал во Рим, како прв македонски филм кој влегол во официјалната селекција на овој фестивал.

Награди

• Најдобар долгометражен филм - Независен филмски вестивал во Велингтон, 2020
• Најдобар наративен долгометражен филм - Синеквест, 2020
• Мануел де Оливиера - Фантаспорто, 2020
• Најдобар режисер - Рејнденс, 2020
• Сребрена Палма - Валенсија, 2020

Надворешни врски

• Врба на Семрежната филмска база на податоци (англиски)
• Willow IMBD reviews
• Paying the price of motherhood in flash, blood and grief, by Katerina Kolozova Архивирано на 15 јули 2022 г.
• FilmoviPreporuke.com (In Serbian)
• Cinematographe (In Italian)
• AsburyMovies.it (In Italian)
• 'Willow': Film Review - The Hollywood Reporter
• 'Willow' Review - Cineuropa
• 'Willow' Review - Variety