Видобишта (Охрид)

археолошко наоѓалиште во Охрид

Видобишта археолошко наоѓалиште во градот Охрид. Наоѓалиштето претставува гробница од римско време[1]. Се наоѓа во североисточното предградие на Охрид, на улицата „ Марко Цепенков “ бр. 140. Откриена е случајно, во 1979 година, а систематски е истражувана во 1990 и 1993 година. Гробницата е семејна, со сводеста конструкција, со комора и преткомора, а градена е од обработени камени блокови, кршен камен и бигор, тули и варов малтер. Целиот габарит на гробницата изнесува 12 × 8 м. Внатрешноста на комората е малтерисана, а во долните делови е обработена во штукатура и украсена со ромбоидни полиња. Во комората се пронајдени вкупно 10 гробови поставени различно, а во преткомората 1 гроб поставен во правец исток-запад. Гробницата била делумно ограбена, а во преостанатите гробни целости е откриен богат археолошки материјал од злато, скапоцени камења, бронза, стакло и керамика. Карактеристиките на теренот и случајните наоди зборуваат и за други градби во непосредната близина на овој објект: вила рустика, терми, други гробници и др. Наодите се чуваат во Заводот и музеј - Охрид.

Видобишта
археолошко наоѓалиште
Видобишта is located in Македонија
Видобишта
Местоположба на Видобишта во Македонија
Местоположба 41°07′00″N 20°48′00″E / 41.11667° N; 20.80000° E / 41.11667; 20.80000Координати: 41°07′00″N 20°48′00″E / 41.11667° N; 20.80000° E / 41.11667; 20.80000
Основни податоци
Место Охрид
Општина Охрид
Тип

Археомак 2.0 графички знак (гробница).svg гробница


Период римско време
Портал „Археологија“

ПоврзаноУреди

НаводиУреди