Венсан Кандела

Венсан Филип Антоан Кандела (роден на 24 октомври 1973 година) — поранешен француски фудбалер, кој играл на позицијата лев бек.

Венсан Кандела
Лични податоци
Роден на	24 октомври 1973(1973-10-24)
Роден во	Бедарје, Франција
Држава	Франција
Висина	&100000000000001800000001,80 м
Играчки податоци
Позиција	лев бек
Кариера*
Години	Клуб	Наст.†	(Гол.)†
1991-1995	Тулуза	56	(3)
1995-1997	Генгамп	48	(2)
1997-2005	Рома	210	(14)
2005	Болтон	10	(0)
2005-2006	Удинезе	26	(1)
2006-2007	Сиена	14	(0)
2007	→ Месина	17	(0)
Репрезентација ‡
1998-2000	Франција	40	(2)
* Ажурирано на: 6 јануари 2011 ** Ажурирано на: 17 ноември 2010

Тој е освојувач на Светското првенство 1998 и на Европското првенство 2000 како дел од француската репрезентација.

Кариера

Клупска кариера

Тој ја започна својата кариера како професионалец во 1992 во екипата на Тулуза, каде што останал до 1995 кога направил трансфер во редовите на Генгамп. Во јануари 1997 тој се преселил во Италија во тимот на Рома. Тој дебитирал во дресот на римската волчица на 31 август 1997 во победата на гостувањето кај Лече. Тој одиграл 7 сезони во дресот на Рома, и тоа најпрво како лев дефанзивец во 4-3-3 формацијата на Зденек Земан, а потоа бил преместен понапред како лево крило во периодот кога на клупата на тимот бил Фабио Капело. Играјќи за Рома тој ги освоил двете највредни титули во својата кариера на клупско ниво, освојувајќи го Скудетото, а потоа и италијанскиот Супер Куп (во кој го постигнал првиот гол со удар од над 30 метри).

По седум години поминати во Рим, во јануари 2005 тој заминал во англискиот тим Болтон, каде што останал само до крајот на сезоната, за да потоа биде ангажиран од страна тренерот на Удинезе, Серсе Козми ; по враќањето назад во Италија тој постигнал погодок на гостувањето во Грција кај Панатинаикос со кој му помогнал на клубот да се најде во групната фаза на Лигата на шампионите за првпат во историјата на клубот. Во летото 2006 тој бил ангажиран од страна на Сиена, а кариерата ја завршил во Месина на која и се приклучил на заем во јануари 2007. Последниот официјален натпревар кој го одиграл се случил на 20 мај 2007 во натпреварот од 37 коло на Серија А, Месина-Фиорентина 2-2.

На 3 септември 2007, откако останл без клуб по завршувањето на летниот трансфер пазар, тој го објавил своето пензионирање на мрежната страница на францускиот спортски дневен весник Тим. Последната изјава на Кандела гласела: По 18 години како професионалец, ова е вистинско време да се откажам. Фудбалот е многу променет, се бара повеќе физичка сила, помалку тактичка и техничка интелегенција. Сега некако сите играчи се повисоки, побрзи и имаат помалку мозок.

На 5 јуни 2009 тој официјално се простил од фудбалот, откако бил одигран проштален натпревар во негова чест на Стадионот Олимпико пред повеќе од 40.000 навивачи на Џалоросите, кои го гледале натпреварот помеѓу шампионскиот тим на Рома од сезоната 2000-2001 и француската репрезентација од Светското првенство 1998. Натпреварот завршил со резултат 5-3 за Рома.

Репрезентативна кариера

Кандела направил 40 настапи во дресот со национаналниот грб, постигнувајќи 5 гола. Неговата употреба во почетниот тим често зависеше од неговиот главен конкурент на истата позиција Биксент Лизаразу. Сепак, Кандела одигра еден натпревар на Светското првенство 1998 кога Франција пред домашната публика стана шампион против Данска во групната фаза. Во триумфот на Евро првенството 2000 итој одиграл два натпревари во групната фаза, но не добил можност повторно до крајот на турнирот.

Титули

Рома

• 1 Серија А: 2000–01
• 1 Супер Куп на Италија: 2001

Франција

• 1 Светско Првенство: 1998
• 1 Европско Првенство: 2000

Надворешни врски

• Bolton Wanderers Profile at Burnden Aces