Франк Онјека
Огучукву Франк Онјека (роден на 1 јануари 1998 година, во Мајдугури) — нигериски фудбалер, играч од средниот ред на Брентфорд и на нигериската репрезентација.
| Франк Онјека | |||
|---|---|---|---|
| Лични податоци | |||
| Полно име | Огучукву Франк Онјека[1] | ||
| Роден на | 1 јануари 1998 | ||
| Роден во | Мајдугури, Нигерија | ||
| Држава |
 Нигерија | ||
| Висина | 1,83 м[2] | ||
| Позиција | среден ред | ||
| Клупски податоци | |||
| Сегашен клуб |
 Брентфорд | ||
| Број | 15 | ||
| Младинска кариера | |||
 Ебедеи | |||
| 2016-2017 |
 Мидтјиланд | ||
| Кариера* | |||
| Години | Клуб | Наст. | (Гол.) |
| 2017-2021 |
Мидтјиланд | 95 | (14) |
| 2021- |
Брентфорд | 57 | (0) |
| Репрезентација ‡ | |||
| 2020- |
Нигерија | 22 | (1) |
|
*Настапи и голови само на првенствени натпревари, според податок од 23 април 2021 ‡ Настапи и голови за репрезентација, според податок од 23 април 2021 | |||
Биографија уреди
Онјека е роден и израснал во Бенин Сити. Неговиот прекар е „Тенкот“.[3]
Клупска кариера уреди
Мидтјиланд уреди
Онјека ја започнал својата кариера во родната Нигерија. Во јануари 2016 година, тој се преселил од нигерискиот клуб Ебедеи во Мидтјиланд во Данска,[4] каде минал низ младинските селекции за да го направи своето деби за првиот тим на 20 септември 2017 година, во натпревар од Купот на Данска добиен со 7-0 против нисколигашот Греве каде што исто така постигнал гол.[5] Своето деби во Суперлигата на Данска го направил неколку месеци подоцна во натпревар против Хорсенс на 9 февруари 2018 година, и одново постигнал гол за победата со 2-0.[5][6] Онјека повторно се истакнал во следниот натпревар, на 18 февруари, против лидерот во Суперлигата во тој момент, ФК Копенхаген, каде што играјќи на позицијата десно крило го постигнал својот втор првенствен гол за клубот во победата на Мидтијлианд со 3-1.[7] Последователно, тој бил пофален од главниот тренер Јес Торуп за неговата разноврсност и зрелост.[7] Првата професионална сезона во кариерата ја завршил со вкупно 18 настапи и 5 гола, помагајќи му на клубот да ја освои титулата во данското првенство.
Онјека го направил своето деби во Лигата на шампионите следната сезона, играјќи во квалификацискиот натпревар против Астана на 24 јули 2018 година. Во втората сезона во клубот, тој бил дел од екипата која го освоила Купот на Данска; во финалето против Брондби добиено по изведување пенали, Онјека се појавил во игра од клупата за резерви во 66-тата минута на местото на Евандер.
За време на сезоната 2019-2020, тој се претворил во еден од најважните играчи на Мидтјиланд и неизоставен елемент во средниот ред на клубот, играјќи во 32 од 36-те првенствени натпревари (сите четири кои ги пропуштил биле поради суспензија од жолти или црвен картон) и помагајќи му на својот тим да освои нова титула во данското првенство, трета во историјата на клубот, втора лична за Онјека.
Онјека го напуштил Мидтјиланд во летото 2021 година, после 122 одиграни натпревари и 16 постигнати голови за клубот.
Брентфорд уреди
На 20 јули 2021 година, Онјека потпишал за новопромовираниот клуб во Премиер лигата на Англија, Брентфорд за необјавена сума. Своето деби за пчеличките го направил на 13 август 2021, во изненадувачката победа со 2-0 над Арсенал на Брентфорд Комјунити Стедиум, во натпреварот со кој била отворена сезоната во Премиер лигата 2021-2022. Својот прв гол за клубот го постигнал на 13 април 2024 година, во победата со 2-0 над Шефилд Јунајтед во првенството.[8]
Репрезентативна кариера уреди
Своето деби за репрезентацијата на Нигерија го направил на 9 октомври 2020, во поразот со 1-0 од Алжир во пријателски натпревар одигран во Австрија.[9]
Својот прв гол за својата земја го постигнал на 16 октомври 2023, во победата со 3-2 над Мозамбик исто така во пријателски натпревар.[10]
Онјека бил повикан и играл за Нигерија на два купа на Африканските нации во 2021 и во 2023 година.
Хронологија на репрезентативните настапи уреди
Статистика уреди
Статистиката е ажурирана на 28 мај 2023.
Клупска статистика уреди
| Сезона | Клуб | Првенство | Национален куп | Континентален куп | Останати купови | Вкупно | |||||||||
|---|---|---|---|---|---|---|---|---|---|---|---|---|---|---|---|
| Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
| 2017-2018 |  Мидтјиланд
|
ДСЛ | 15 | 4 | КД | 2 | 0 | ЛЕ | 0 | 0 | - | - | 17 | 4 | |
| 2018-2019 | ДСЛ | 14+7[11] | 2+2 | КД | 3 | 0 | ЛШ+ЛЕ | 2[12]+3[12] | 0 | - | - | 29 | 4 | ||
| 2019-2020 | ДСЛ | 24+8[11] | 2+1 | КД | 1 | 0 | ЛЕ | 2[12] | 1[12] | - | - | 35 | 4 | ||
| 2020-2021 | ДСЛ | 17+10[11] | 1+2 | КД | 4 | 0 | ЛШ | 10[13] | 1[12] | - | - | 41 | 4 | ||
| Вкупно Мидтјиланд | 95 | 14 | 10 | 0 | 17 | 2 | - | - | 122 | 16 | |||||
| 2021-2022 |  Брентфорд
|
ПЛ | 20 | 0 | ФАКуп+ЛК | 0+4 | 0 | - | - | - | - | 24 | 0 | ||
| 2022-2023 | ПЛ | 21 | 0 | ФАКуп+ЛК | 0+2 | 0 | - | - | - | - | 23 | 0 | |||
| Вкупно Брентфорд | 41 | 0 | 6 | 0 | - | - | - | - | 47 | 0 | |||||
| Вкупно во кариерата | 136 | 14 | 16 | 0 | 17 | 2 | - | - | 169 | 16 | |||||
Титули уреди
Мидтјиланд
уреди
- Данско првенство : 1
- 2017-2018, 2019-2020
- Куп на Данска : 1
- 2018-2019
Наводи уреди
- ↑ „2021/22 Premier League squads confirmed“. Premier League. 10 September 2021. Посетено на 12 September 2021.
- ↑ „Frank Onyeka“. Brentford F.C. Посетено на 2 August 2022.
- ↑ „From the streets of Benin to Brentford: Super Eagles star shares his Emotional story“. soccernet.ng. 28 June 2023. Посетено на 29 June 2023.
- ↑ Aaes, Jette (3 June 2018). „Guldmedaljen glimter godmorgen“. ikast-brandenyt.dk. Ikast-Brande Nyt. Посетено на 12 July 2020.
- ↑ 5,0 5,1 Kristiansen, Kenneth (9 February 2018). „Hårdt tilkæmpet FCM-sejr i Horsens“ (Danish). Herning Folkeblad. Посетено на 24 September 2020.CS1-одржување: непрепознаен јазик (link)
- ↑ Margren, Sara (10 February 2018). „FCM-debutant vil fighte sig til fast plads“. www.bold.dk (Danish). Посетено на 24 September 2020.CS1-одржување: непрепознаен јазик (link)
- ↑ 7,0 7,1 Hansen, Charlotte (18 February 2018). „FCM-træner: Fantastisk at slå FCK med akademispillere“ (Danish). TV Midtvest. Посетено на 24 September 2020.
Specielt det unge nigerianske talent Frank Onyeka, der scorede senest mod AC Horsens og igen mod FCK, bringer glæden frem hos FCM’s cheftræner. - Frank har gjort det rigtig godt i opstarten. Han har prøvet at spille midterforsvarer, højreback og central midtbanespiller, men han er faktisk lidt mere en hængende angriber. Frank har gjort det virkelig godt, og det var kun et spørgsmål om tid, før at han skulle bringes ind. Han er jo en af de næste, der skal gribe de chancer, der kommer, for der er jo plads til nogle nye spillere.
CS1-одржување: непрепознаен јазик (link) - ↑ Drury, Sam (13 April 2024). „Brentford beat Sheff Utd to ease relegation fears“. BBC Sport. Архивирано од изворникот на 13 April 2024. Посетено на 13 April 2024.
- ↑ „Nigeria vs. Algeria - 9 October 2020 - Soccerway“. uk.soccerway.com.
- ↑ „ONYEKA SCORES FIRST NIGERIA GOAL“. Brentfordfc. 18 October 2023. Посетено на 19 October 2023.
- ↑ 11,0 11,1 11,2 Плејоф
- ↑ 12,0 12,1 12,2 12,3 12,4 Во квалификациските кола
- ↑ 4 во квалификациските кола
