Тодорка Кондова-Зафировска

Тодорка Кондова-Зафировска (1 февруари 1926 во Прилеп — 29 мај 2003 во Скопје) — македонска глумица и режисерка.

Тодорка Кондова-Зафировска
Роден(а)	1 февруари 1926 Прилеп, Кралство СХС
Починал(а)	29 мај 2003(2003-05-29) (возр. 77) Скопје, Македонија
Националност	Македонка
Занимање	глумица, режисерка
Активен период	1952 - 2003
Познат(а) по	Улоги: Донка („Бегалка“), Фјокла Ивановна („Женидба“), Лаура („Во агонија“), Емилија („Отело“), Царицата („Јане Задрогаз“), Керон („Партитура на еден Мирон“), Андромаха („Тројанки“), Лисистрата (во истоименото дело), Мартина („Учени жени“) и др. Режии: „Вејка на ветрот“, „Сид“, „Бегалка“, „Кројач за дами“, „Сојуз на лажни светци“, „Пигмалион“, „Владимир и Косара“ и др.

Животопис

Тодорка завршила Театарска академија во Белград, на Отсекот за режија (1952). Таа била член на драмата во МНТ (1945-1964) и во Драмскиот театар од 1964 година до пензионирањето. Нејзиниот творечки опус е обемен, раскошен според карактерот и димензиите и се вбројува во редот на остварувањата на избраните великани на македонското глумиште. Таа се искажува како драмска, филмска, радио и телевизиска глумица, режисерка и професорка по глумечко мајсторство на Факултетот за драмски уметности во Скопје, коешто и го потврдило со објавениот учебник „Глумечко мајсторство“.

Филмографија

Година	Филм	Улога
1967	Да видам, да видам што да бидам ТВ-серија
1968	Лудиот и калугеррицата ТВ-филм
1971	Земјаци ТВ-филм
1972	Пријатели ТВ-филм
1973	ТВ ребус ТВ Мини серија
1973	Недела ТВ-филм	Ангелина
1975	Волшебното самарче ТВ-серија
1977	Дожливото Сонце ТВ-филм
1977	Итар Пејо	Василика
1980	Учителот ТВ-филм
1981	Самотија ТВ-филм	Милјана
1982	Илинден ТВ-серија
1982	Јагне на ражен ТВ-филм	Лена
1984	Нели ти реков ТВ-филм
1984-1987	Случки од животот ТВ-серија	Ана
1986	Солунски патрдии ТВ-серија	Евдокија
1988	Викенд на мртовци ТВ-серија	Атина
1989	Цвеќе на карпата ТВ-филм	Докторка
1992	Чудовиштата во нашиот град ТВ-серија

Награди

• Награда „11 Октомври“ (1960) и (1983)
• Награда „Уметник на годината“ според анкетата на „Екран“ (1980)
• Награда на весникот „Дневник“ од Нови Сад, за улогата на ликот царицата во претставата „Јане Задрогаз“ (1975)
• Награда „13 Ноември“ (1984)
• Награда за животно дело „Војдан Чернодрински“ (1992)