Тимотеј Дебарско-кичевски

Тимотеј Дебарско-кичевски — актуелниот митрополит на Дебарско-кичевската епархија.

Тимотеј


Дебарско-кичевски
Дебарско-кичевски митрополит
На должноста
1995 – во служба
Претходник Ангелариј
Наследник нема
Австралиско-сиднејска митрополит
На должноста
2012 – во служба
Претходник непознато
Наследник нема
Австралиско-новозеландски митрополит
На должноста
1981 – 1995
Претходник непознато
Наследник Петар
Лични податоци
Роден(а) 20 октомври 1951
како Славе Јованоски
Младо Нагоричане, Кумановско
Националност Македонец
Професија Митрополит на МПЦ-ОА
Вероисповед Православен христијанин

Животопис уреди

 
Митрополитот Тимотеј со амбасадорот на САД во Македонија, Филип Рикер, во посета на црквата Св. Богородица Перивлепта во Охрид, 2009 година

Тимотеј е роден на 20 октомври 1951 година во Младо Нагоричане, Кумановско како Славе Јовановски[1]. Во 1976 година дипломирал на Богословскиот факултет. Потоа работи како службеник во Македонската архиепископија. Од страна на Синодот бил испратен во Рим каде ги завршил ориенталните студии и магистратура. На богословскиот факултет во Скопје извесно време Јовановски работел и како професор, а е поставен и за в.д. ректор на Македонската православна богословија.

Во Монашки потстриг примал на 10 септември 1981 година во Бигорскиот манастир, а на 11 септември 1981 година бил ракоположен за јероѓакон во истиот манастир. На 13 септември 1981 година бил ракоположен за јеромонах во Кичевскиот манастир, а за архимандрит бил произведен во манастирот „Свети Наум Охридски“ во Битола[2].

По изборот за епископ на 20 септември 1981 година бил хиротонисан за архијереј на МПЦ во црквата „Свети Димитриј“ во Скопје. Од 21 септември 1981 година бил назначен за Митрополит Австралиски и администратор на Дебарско-кичевската епархија. Со Австралиската епархија раководел до 1995 година, од кога продолжил да раководи со Дебарско-кичевската епархија како Митрополит Дебарско-кичевски[3].

Наводи уреди

  1. „Вест, Сите владици на Синодот, Година: 2, Број:592, Сабота, 6/29/2002“. Архивирано од изворникот на 2016-09-22. Посетено на 2013-02-17.
  2. „ИСТОРИЈАТ НА ДЕБАРСКО–КИЧЕВСКА ЕПАРХИЈА“. Архивирано од изворникот на 2014-08-17. Посетено на 2013-02-17.
  3. „http://www.bigorski.org.mk“. Архивирано од изворникот на 2013-05-03. Посетено на 2013-02-17. Надворешна врска во |title= (help)