Соколово
Соколово или Чоколово (грчки: Παραπόταμος, Парапотамос; до 1927 г. Σοκόλοβο, Соколово[2]) — село во Кукушко, Егејска Македонија, денес во општината Синтика на Серскиот округ во областа Централна Македонија, Грција. Населението брои 133 жители (2011).
| Соколово Παραπόταμος | |
|---|---|
  Соколово | |
|
Местоположба во областа   Соколово | |
| Координати: 41°14′N 23°0′E / 41.233° СГШ; 23.000° ИГД | |
| Земја | Грција |
| Област | Централна Македонија |
| Округ | Серски |
| Општина | Синтика |
| Општ. единица | Беласица |
| Надм. вис. | 80 м |
| Население (2011)[1] | |
| • Вкупно | 133 |
| Часовен појас | EET (UTC+2) |
| • Лете (ЛСВ) | EEST (UTC+3) |
Географија и местоположба уреди
Селото е сместено во Серското Поле, западно од Валовишта и југоисточно од Анатолу, на надморска височина од 80 м.[3]
Историја уреди
Во Отоманското Царство уреди
Во XIX век Соколово бил турско село во Авретхисарската (Кукушка) каза на Серскиот Санџак. Според податоците на Васил К’нчов („Македонија. Етнографија и статистика“) од 1900 г., во селото Соколово имало 250 жители Турци.[4]
Во Грција уреди
За време на Првата балканска војна селото е окупирано од Бугарија, но по Втората балканска војна во 1913 г. е припоено кон Грција согласно Букурешкиот договор. Таа година селото броело 180 жители, а во 1920 г. се зголемиле на 268 лица.[3]
Во 1924 г. сите жители се иселени во Турција по сила на Лозанскиот договор. На нивно место се населиле 56 бегалски семејства (вкупно 226 бегалци), така што селото станало бегалска населба.[3] Во 1927 година, името на селото било променето во Парапотамос (Παραπόταμος).[2]
Стопанство уреди
Селото се смета за мошне богато, бидејќи располага со плодно земјиште кое се наводнува од Бутковската Река која минува кај селото. Населението произведува тутун, памук, жито и други земјоделски производи.[3]
Население уреди
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 373 | 336 | 419 | 304 | 213 | 164 | 212 | 133 |
- Извор за 1940-1991 г.: Т. Симовски, Населените места во Егејска Македонија
Самоуправа и политика уреди
Во 1919 година, селото станало самостојна општина. Општината Соколово била приклучена во општината Анатолу во 1925 година.[3]
Селото припаѓа на општинската единица Беласица со седиште во селото Станица Порој, која припаѓа на поголемата општина Синтика, во округот Сер. Воедно, селото е дел од општинскиот оддел Анатолу, во кој е влегуваат и истоименото село и Тодорово.
Наводи уреди
- ↑ „Попис на населението од 2011 г. Трајно население“. Државен завод за статистика на Грција.
- ↑ 2,0 2,1 „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 31 март 2024.
- ↑ 3,0 3,1 3,2 3,3 3,4 Симовски, Тодор (1998). Населените места во Егејска Македонија : географски, етнички и стопански одлики. II дел. Скопје: Институт за национална историја. стр. 207–208.
- ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 167. ISBN 954430424X.