Пчиња

Пчиња
	Реката во близина на селото Драгоманце
Местоположба
Држава	Србија; Македонија;
Физички особености
Извор
• место	врв Бела Вода на планината Дукат
• надм. вис.	1.664 м
Устие	Вардар
• место	Таорска Клисура
• координати	41°49′8″N 21°40′19″E / 41.81889° СГШ; 21.67194° ИГД
• надм. вис.	191 м
Должина	135 км
Големина на сливот	2.840 км2
Особености на сливот
Течение	Вардар→ Егејско Море
Притоки
• леви	Бистрица, Петрошница, Крива Река
• десни	Кумановска Река

Оваа статија се однесува на реката. За селото, погл. Пчиња (село).

Пчиња — река во Македонија и Србија, лева притока на реката Вардар. Нејзиниот слив зафаќа површина од 3.140 км² (1.247 км² во Србија и 1.893 км² во Македонија). Поголеми притоки и се реките: Бистрица, Петрошница и Крива Река (леви), Кумановска Река (десна). Му припаѓа на егејскиот слив.

Течение низ Србија

Пчиња во Трговиште.

Пчиња

Реката се образува на западната падина на планината Дукат кај селото Радовница, Трговишко. Оттука тече на запад под името Трипушница^[1]. Речната долина сочинува мала област со средиште во селото Трговиште, каде од југ се влева Лесничка Река, од каде реката продолжува на запад, веќе под името Пчиња. Ова подрачје е меѓу најсиромашните во Србија, со најголем одлив на население (од 12.556 во 1971 на 6.372 во 2002 г). Пчиња потоа тече на запад, северно од Широка Планина. Кај селото Шаинце ја прима десната притока Коќурица и продолжува на југ по тесна долина меѓу планините Руен и Козјак. Во оваа долина е и познатиот манастир „Св. Прохор Пчински“. Недалеку одовде, по 45 км низ Србија, реката ја преминува границата во Македонија.

Течение низ Македонија

Во преостанатите 83 км од течението Пчиња благо свртува на југозапад. Навлегува во Кумановско кај Пелинце^[2], течејќи крај селата Карловце, Драгоманце, Стрновац, Војник, Клечевце, Пчиња, Студена Бара,. Отако ќе премине во Скопско (областа Блатија) минува низ Горно Коњари, Долно Коњари, па доаѓа до Катланово, крај кое се наоѓа познатата Катлановска Бања.

Течението низ Македонија се дели на малите области Средорек и Которлак, меѓу кои се протега Бадерската Клисура. Во најдолниото течение, реката минува од западната страна на Градиштанска Планина, па се влева во Вардар во Таорската Клисура, на полпат помеѓу Скопје и Велес.

Галерија

Реката над мостот кон селото Кокино
Реката во близина на селото Пелинце
Пчиња по Катлановска бања
Пчиња пред Катланово
Викенд населба покрај Пчиња
Утоката на Пчиња во Вардар
Левиот брег на Пчиња крај Катланово
Поглед од мостот на Пчиња крај Катланово
Мостот на Пчиња крај Катланово
Пчиња крај манастирот Св. Прохор Пчински
Пчиња крај селото Горно Коњари
Пчиња крај селото Горно Коњари

Поврзано

Наводи

↑ Мала енциклопедија Просвета (3. изд.). Београд: Просвета. 1985. ISBN 978-86-07-00001-2.
↑ Ристовски, Блаже, уред. (2009). „Пчиња“. Македонска енциклопедија. , книга II (М-Ш). Скопје: МАНУ. стр. 1238. Text "series " ignored (help)

Надворешни врски

[1] Мала енциклопедија Просвета (3. изд.). Београд: Просвета. 1985. ISBN 978-86-07-00001-2.

[МакЕнц-2] Ристовски, Блаже, уред. (2009). „Пчиња“. Македонска енциклопедија. , книга II (М-Ш). Скопје: МАНУ. стр. 1238. Text "series " ignored (help)

[1]

[2]