Охридски пливачки маратон

Охридски пливачки маратон — меѓународно натпреварување во пливање на отворени води. Се одржува еднаш годишно во водите на Охридското Езеро во Македонија. Патеката „Климе Савин“ за препливување е долга 30 км — од манастирот „Свети Наум“ до Градското пристаниште во Охрид. Маратонот претставува дел од Гран при серијата на Меѓународната пливачка федерација (ФИНА).

Историја уреди

Првата маратонска трка на релацијата „Горица – Охрид“, во должина од 2,5 км, е одржана во 1954 г. Учествувале осмина пливачи, а победил Нико Нестор. Следните се одржани во 1956 и 1957 година, победници Дики Бојаџи и Ѓоко Чудов. Се натпреварувале и жени, а најдобри биле Снеже Групчева и Соња Думбалоска. Првиот вистински маратон се одржал во 1962 година на патеката Пештани - Струга - Охрид во должина од 36 км и победил Абу Хеиф од Египет, втор бил Вилјам де Вренг од Холандија, а трет Дики Бојаџи од Македонија. Во женска конкуренција победила Атина Бојаџи од Македонија, инаку сестра на Дики Бојаџи. Маратонот продолжил да се одржува до 1966 г. (со исклучок на 1963 г. поради Скопскиот земјотрес), a од 1992 г. се одржува секоја година на патеката „Климе Савин“. Од 1998 г. натпреварувањето е дел од програмата на Меѓународната пливачка федерација (ФИНА)^[1]. Во 2008 г. маратонот е одбележан со голема прослава.

Натпреварувачот со најмногу победи кај мажите (11 од 20 учества^[2]) е бугарскиот пливач Петар Стојчев^[3], а кај жените 4-кратната победничка од кои 3 последователни победи - Едит ван Дајк од Холандија.

По традиција наградите на победниците им ги доделува претседателот на Република Македонија, кој воедно е и покровител на маратонот.

Табела на победниците уреди

Година	Победник	Националност	Време (h:m:s)	Победничка	Националност	Време (h:m:s)
1962	Абу Хеиф	Египет		Атина Бојаџи	Македонија
1964	Џулио Траваљо	Италија		Јонкова	Бугарија
1965	Мохамед Ханафи	Египет		Џудит Денис	Холандија
1966	Мохамед Ханафи	Египет
1985	Дарјуш Тесарек	Полска
1992	Павел Рамдисек	Словачка		Теодора Раптис	Македонија
1993	Золтан Каде	Унгарија		Рита Ковач	Унгарија
1994	Хулио Фернандес	Аргентина		Наташа Томановиќ	Хрватска
1995	Хулио Фернандес	Аргентина		Наташа Томановиќ	Хрватска
1996	Давид Мека Медина	Шпанија		Рита Ковач	Унгарија
1997	Давид Мека Медина	Шпанија		Ане Шењо	Франција
1998	Давид Мека Медина	Шпанија		Пеги Буксе	Германија
1999	Алексеј Акатјев	Русија		Пеги Буксе	Германија
2000	Игор Мајцен	Словенија	5:19:49	Едит Ван Дајк	Холандија
2001	Петар Стојчев	Бугарија		Едит Ван Дајк	Холандија
2002	Петар Стојчев	Бугарија		Едит Ван Дајк	Холандија
2003	Петар Стојчев	Бугарија		Ангела Маурер	Германија
2004	Петар Стојчев	Бугарија		Ангела Маурер	Германија
2005	Жил Ронди	Франција	5:23:58	Едит Ван Дајк	Холандија
2006	Петар Стојчев	Бугарија	5:36:19	Дарја Поп	Србија
2007	Петар Стојчев	Бугарија		Естер Нуњес Гомес Морера	Шпанија
2008	Петар Стојчев	Бугарија	6:14:51	Штефи Билер	Германија
2009	Петар Стојчев	Бугарија	5:25:38	Камила Фредијани	Италија
2010	Петар Стојчев	Бугарија	5:37:39	Карла Ситиќ	Хрватска
2011	Петар Стојчев	Бугарија	5:35:13	Карла Ситиќ	Хрватска
2012	Петар Стојчев	Бугарија	5:19:30	Естер Њуњес Гомес Морера	Шпанија
2013	Аксел Ремон	Франција	5:09:54	Мартина Грималди	Италија
2014	Брајан Рикеман	Белгија	5:41:47	Силие Рибарова	Чешка
2015	Евгениј Поп Ацев	Македонија	5:39:42	Аличе Франко	Италија
2016	Томи Стефановски	Македонија	5:55:18	Олга Козудуб	Русија
2017	Александар Стуџински^[4]	Германија	5:15:14	Барбара Поцопон	Италија
2018	Франческо Џетини	Италија	5:13:59	Барбара Поцопон	Италија
2019	Аксел Ремон^[5]	Франција	5:20:55	Аличе Франко	Италија
2020 - Не се одржал заради пандемијата од коронавирус^[6]
2021
2022	Матијас Дијаз^[7]	Аргентина	5:50:29	Рита Ванеса Гарсија	Аргентина	7:57:50
2023	Алесио Окипинти^[8]	Италија	4:53:14	Каролин Жуис	Франција	5:05:59