Евгениј Поп Ацев
Евгениј Поп Ацев (роден на 14 мај 1988) ― македонски маратонски пливач. Поп Ацев е трикратен светски првак во маратонско пливање за 2015, 2017 и 2019 година.[1]
| Евгениј Поп Ацев | |
|---|---|
| Лични информации | |
| Националност | Македонец |
| Роден на | 14 мај 1988 |
| Роден во | Македонија |
| Спорт | |
| Земја | Македонија |
| Спорт | Пливање |
| Дисциплини | Далечинско (маратонско) пливање, пливање на отворено |
Животопис
уредиЕвгениј Поп Ацев е роден на 14 мај 1988 година и по професија е доктор по стоматологија.[2]
Спортска кариера
уредиВо сезоната 2013, Поп Ацев бил второпласиран на конечната табела на гран-при серијата најдолги светски маратони на ФИНА, при што за еден бод заостанал зад победникот, Дамјан Блаум од Аргентина.[3][4]
Во сезоната 2014, повторно е второпласиран во гран при серијата најдолги светски маратони на ФИНА, овој пат второто место го делел со другиот македонски маратонец, Томи Стефановски.[5]
Во февруари 2015 година, на првата трка од гран-при серијата на пливачки маратони на ФИНА, која се одржала на реката Парана (25 км) во Аргентина, Поп Ацев го освоил четвртото место, со време од 2:11:50, заостанувајќи зад третопласираниот за само една секунда.[6]
На 29 Охридски маратон (2015 година), Евгениј станува првиот Македонец победник на Охридскиот маратон.[7]
Оваа сезона Поп Ацев ја заокружува со својот најголем и најголемиот успех на македонското маратонско пливање со освојување на првото место во гран-при серијата на пливачки маратони на ФИНА.[8]
Во сезоната 2016, со освојувањето на првото место на последната трка во Капри, Поп Ацев е третопласиран во гран при серијата најдолги светски маратони на ФИНА.[9]
Во 2019 година на Охридскиот пливачки маратон, Поп Ацев го освоил второто место.[10]
Во 2022 година на Охридскиот пливачки маратон, Поп Ацев го освоил третото место[11]
Награди
уредиНаведените успеси го доведуваат Поп Ацев да биде прогласен за спортист на годината на Македонија за 2015 година.[12]
Добитник е на наградата „Личност на годината“ за 2015 година на дневниот весник Нова Македонија.[13]
Поврзано
уредиНаводи
уреди- ↑ „Поп Ацев светски првак во маратонско пливање“. Архивирано од изворникот на 2016-03-04. Посетено на 2015-09-13.
- ↑ „Интервју со Евгениј Поп Ацев доктор по стоматологија - најдобриот македонски пливачки маратонец“. Архивирано од изворникот на 2017-07-05. Посетено на 2015-09-13.
- ↑ „Стефановски: Со победа во Охрид светскиот врв е мој“, Дневник, година XVIII, број 5536, петок, 8 август 2014, стр. 23.
- ↑ 2013 Men's Overall Ranking[мртва врска]
- ↑ 2014 Men's Overall Ranking[мртва врска]
- ↑ „Поп Ацев за една секунда не се качи на подиумот во Аргентина“, Дневник, година XIX, број 5688, вторник, 10 февруари 2015, стр. 23.
- ↑ Поп Ацев победник на 29 Охридски маратон
- ↑ „Evgenij Pop Acev Is World Grand Prix Champion“. Архивирано од изворникот на 2017-10-09. Посетено на 2015-09-13.
- ↑ Поп Ацев победник во Капри, Стефановски ја дели шампионската титула
- ↑ „Обновено+фото: Аксел Ремон победи на Охридскиот маратон, нашиот Поп Ацев прв на Светската табела“. ohridnews. 24.08.2019. Посетено на 24 септември 2022. Проверете ги датумските вредности во:
|date=(help) - ↑ „Охридски пливачки маратон 2022“. Национална пливачка федерација. 10.09.2022. Посетено на 27 август 2023. Проверете ги датумските вредности во:
|date=(help) - ↑ ПОП АЦЕВ МАКЕДОНСКИ СПОРТИСТ НА ГОДИНАТА[мртва врска]
- ↑ „Објавени добитниците на наградата Личност на годината на Нова Македонија“. Архивирано од изворникот на 2016-04-28. Посетено на 2016-02-06.